Скопје: Разлика помеѓу преработките

Уреди врски
Координати: 42°0′N 21°26′E / 42.000° СГШ; 21.433° ИГД / 42.000; 21.433
Од Википедија — слободната енциклопедија
Интерактивен преглед на историјата
[непроверена преработка][проверена преработка]
← Постаро уредувањеПоново уредување →
Избришана содржина Додадена содржина
НагледноВикитекст
Нема опис на уредувањето
Ознаки: Нагледно уредување Мобилно уредување Мобилно семрежно уредување
Одбиени последните 3 промени (од MakedonacAT) и ја поврати преработката 3927243 на Ehrlich91
Ред 50: Ред 50:
}}
}}


'''Скопје''' или '''Скопие''' (во [[Бугарија]]: ''Скопие'', во [[Албанија]], [[Република Косово|Косово]] и тука: ''Shkup'' или ''Shkupi'', ''Шкуп'', ''Шкупи'', во [[Србија]]: ''Скопље'' или ''Skoplje'', ''Скоплье'', во [[Турција]]: ''Üsküb'', Ју''скјуб) е'' [[главен град|главен]] и најголем град во [[Македонија]], кој воедно претставува административно-политички, стопански, културен и образовно-научен центар. Се наоѓа во северниот дел на државата, а во средишниот дел на [[Балкан|Балканскиот Полуостров]] распространет на бреговите на реката [[Вардар]].
'''Скопје''' — [[главен град|главен]] и најголем град во [[Македонија]], кој воедно претставува административно-политички, стопански, културен и образовно-научен центар. Се наоѓа во северниот дел на државата, а во средишниот дел на [[Балкан|Балканскиот Полуостров]] распространет на бреговите на реката [[Вардар]].


== Име ==
== Име ==

Преработка од 00:26, 10 февруари 2020

Скопје
Главен град
Од горе надолу, од лево кон десно: Камен мост • Македонски народен театар • Сули ан во Старата чаршија • МРТВ • Порта „Македонија“ • Воин на коњ • Скопско кале
Знаме на Скопје
Знаме
Грб на Скопје
Грб
<mapframe>: Содржината на JSON е неважечки GeoJSON+simplestyle. Долунаведениот список ги прикажува сите обиди за нејзино толкување според шемата на JSON. Не сите се грешки.
  • /0/service: The property service is required
  • /0/geometries: The property geometries is required
  • /0/type: Does not have a value in the enumeration ["GeometryCollection"]
  • /0/type: Does not have a value in the enumeration ["MultiPolygon"]
  • /0/type: Does not have a value in the enumeration ["Point"]
  • /0/type: Does not have a value in the enumeration ["MultiPoint"]
  • /0/type: Does not have a value in the enumeration ["LineString"]
  • /0/type: Does not have a value in the enumeration ["MultiLineString"]
  • /0/type: Does not have a value in the enumeration ["Polygon"]
  • /0/coordinates: The property coordinates is required
  • /0: Failed to match exactly one schema
  • /0/geometry: The property geometry is required
  • /0/type: Does not have a value in the enumeration ["Feature"]
  • /0/features: The property features is required
  • /0/type: Does not have a value in the enumeration ["FeatureCollection"]

Местоположба на Скопје во Македонија
Скопје is located in Македонија
Скопје
Скопје
Местоположба на Скопје во Македонија
Координати: 42°0′N 21°26′E / 42.000° СГШ; 21.433° ИГД / 42.000; 21.433
ЗемјаМакедонија Македонија
РегионСкопски
Општ. целинаГрад Скопје
ОпштиниАеродром, Бутел, Гази Баба, Ѓорче Петров, Карпош, Кисела Вода, Сарај, Центар, Чаир, Шуто Оризари.
Управа
 • ВидПосебна админ. единица
 • ОрганСовет на Град Скопје
 • ГрадоначалникПетре Шилегов (СДСМ)[1]
Површина
 • Главен град571,46 км2 (22,064 ми2)
 • Градска337,80 км2 (13,040 ми2)
 • Метро1.854,00 км2 (71,600 ми2)
Надм. вис.&10000000000000240000000240 м
Население (2015)[2]
 • Главен град811,045
 • Густина0,014/км2 (0,037/ми2)
Часовен појасCET (UTC+1)
 • Лете (ЛСВ)CEST (UTC+2)
Пошт. бр.1000
Повик. бр.+389 02
Рег. таб.SK
Светец-заштитникПресвета Богородица
Мреж. местоskopje.gov.mk

Скопје — главен и најголем град во Македонија, кој воедно претставува административно-политички, стопански, културен и образовно-научен центар. Се наоѓа во северниот дел на државата, а во средишниот дел на Балканскиот Полуостров распространет на бреговите на реката Вардар.

Име

Зградата на Археолошкиот музеј и Државниот архив. Во преден план е Мостот на цивилизациите кој води до зданието.

Градот Скопје во текот на своето постоење во зависност од историските прилики бил именуван со различни имиња. Античкото име е Скупи (латински: Scupi).

Името на градот Скопје има различна транскрипција на различни јазици и култури. Градот е познат како Shkupi (Шкупи) на албански, Скопље/ Skoplje на српски/хрватски јазик, Scupi (Скупи) на латински, Скопье на руски, Skopiye (Скопије) на ромски, Σκόπια (Скопија) на грчки, Skopje на романски јазик, Üsküp (Ускуп) на турски, итн.


Во византиските документи градот е забележан како Скопија, а Словените го означувале и како Скопiе, Скопје, Скопље. За време на владеењето на цар Самоил, Скопје станува дел од Самоиловото Царство. Во подоцнежниот период градот потпаѓа под власт на Византија, Бугарија и Србија, а на 19 јануари 1392 градот го зазеле Османлиите и го добил името Ускуп (Üsküp).

Историја

Праисторија и антички период

Најстарите сведоштва и археолошки пронајдоци тврдат дека Скопје е населен уште од 4000 г.п.н.е.[3] Скопје за прв пат во документи се споменува од Клавдиј Птоломеј под древното име Скупи. Името Скупи (колиба, засолниште, стреа) за прв пат се јавува кај пајонското племе Агријани (Граи), кои живееле на овие простори.

Според историските податоци, во времето на императорот Октавијан Август, од 13-та до 11-та година пред нашата ера, Скупи од логор (каструм) на двете македонски легии - 5-та македонска и 4-та скитска легија прераснал во град.

Подоцна во 84 или 85 година императорот Домицијан основал колонија Флавија Скупи, град со римски самоуправни права кој бил најголем на просторот од Солун на југ до Дунав на север. Во тоа време Скопје доживува голем развој и станува град со свој бискуп.

Средновековна историја

Скопското кале

За прв пат градот е разурнат во катастрофалниот земјотрес на 28 април 518 година. По земјотресот Скупи веќе не се споменува, а скопската котлина добива нов град со името „Јустинијана Прима“.

На 16 април 1346 година во Скопје Стефан Душан бил крунисан за цар во присуство српскиот патријарх Јоаникиј и во него го донесол познатиот Душанов законик.

Османлиски период

Градот потпаѓа под османлиска власт во 1392 година и набргу Скопје добива турско ориентално обележје. Во 1555 година градот повторно е разурнат од катастрофален земјотрес, но набрзо е обновен и станува турско воено упориште. Стопански брзо се развива особено во XVI и XVII век кога после Цариград станал еден од

најразвиените и најголеми градови во европскиот дел на Отоманското Царство, како и значаен занаетчиски и трговски центар. За сместување на трговците и нивната стока биле подигнати повеќе караван сараи и анови како Куршумли-ан, Сули-ан, Капан-ан и др. Патеписецот Евлија Челебија ја споредил скопската чаршија со таа во Цариград. Според него во 1660-61 Скопје имало 12.000 куќи со околу 60.000 жители, потоа 2.150 дуќани, еден безистен, 70 јавни амами (бањи), 120 џамии, повеќе беговски конаци и сараи. Трговските каравани редовно одржувале врски со Солун, Белград и Дубровник.[4]

За скопската чаршија Евлија Челевија запишал:

„Таа [чаршијата] брои 2.150 дуќани. Тука има плоштади и пазари, со сводови и куполи. Од сите најубави се: чаршијата на безазите (памучни ткаенини), чадорџиите, папуџиите, бојаџиите и ткајаџиите (капи). Тоа се големи чаршии изработени по план. Сокаците им се чисти и калдрмисани. Секој дуќан го красат зумбули, темјанушки, рози, босилек, јоргован и крин во вазни и саксии. Тие со својата миризба просто го опиваат мозокот на посетителите и трговците. Тука има образовани и многу чесни луѓе. За време на летните жеги сиот скопски пазар личи на багдадските сенки, зашто сите негови чаршии се со наткривени капаци и сводови како во Сараево и Халеп.“

На 25 и 26 октомври 1689 година градот го освоил австрискиот генерал Силвио Пиколомини кој подоцна го запалил Скопје поради епидемија на чума и за да не им остави ништо на непријателите. Градот горел цели два дена и бил скоро целосно уништен.[5]

Голем дел од населението го напуштило градот, при што едни, главно Турци се населиле дури во Цариград каде го основале

Ускуб Маалото, а други најголем дел Македонци се придружиле на миграцискиот бран на Арсение Црноевиќ и се отселиле далеку на север во Панонската Низина.

Пазарен ден во Скопје во почетокот на XX век

Во XIX век Скопје станало важен сообраќаен центар каде што почнува да цвета занаетчиството. Првата електрична светилка во Скопје засветила во 1909 година, со помош на мала дизел електрична централа, која служела за напојување на пумпната станица за потребите на градскиот водовод.[6] На 25 октомври 1912 година, по 520-годишно владеење, Османлиите го напуштиле Скопје, а веќе наредниот ден во градот влегла Моравската дивизија на српската војска, со што градот потпаднал под српска власт.

Старо Скопје - Офицерскиот дом на главниот плоштад во раните 1930-ти
Дел од Скопје, до Камениот мост.
Управата на градот Скопје, од 1927 година.

Првата и Втората светска војна

За време на Првата светска војна Скопје се наоѓа под окупација на бугарските и австроунгарските сили, а по завршување на војната станува дел од Кралството на Србите, Хрватите и Словенците.

Во Втората светска војна Скопје повторно е окупирано од Бугарија, сојузник на нацистичка Германија. На 22 април 1941 година бугарската Петта армија го окупира Скопје и остана во градот сè до 9 септември 1944 година. На 13 ноември 1944 година борците од 42-та и 50-та народноослободителна дивизија на македонската војска и 16-та македонска бригада го ослободуваат Скопје од германската фашистичка окупација.

По ослободувањето од фашистичкиот окупатор на 13 ноември 1944 година, градот брзо се развива и станува индустриски, културен и административен центар на Социјалистичка Република Македонија која е во составот на Социјалистичка Федеративна Република Југославија.

Земјотресот од 1963

Повеќе информации: Скопски земјотрес
Хотел Македонија, кон плоштадот, ул. Никола Вапцаров, поплавата од 1962 во Скопје
Земјотресот во Скопје од 1963 година: Самоиницијатвно граѓаните бараат затрупани и ранети

Во почетокот на ноември 1962 поради обилни дождови, реката Вардар го поплави Скопје. Поплавени беа околу 5000 куќи. Поплавата беше предвесник на една поголема трагедија неколку месеци подоцна.

На 26 јули 1963 година во 5:17 часот Скопје беше разурнато од земјотрес со јачина од 9 степени по Меркалиевата скала (6,1 според Рихтеровата сеизмичка скала). Под урнатините животот го загубија 1.070 негови граѓани, беа повредени над 4.000 граѓани. Повеќе од 90 отсто од зградите во градот беа урнати и над 20.000 граѓани оставени без покрив над главата.

По земјотресот градот почна да се гради по урнек по проектите на Кензо Танге и Адолф Циборовски. Старата железничка станица, денес е музеј на градот Скопје и симбол на големиот земјотрес. Часовникот на станицата е засекогаш сопрен на фаталните 5 часот и 17 минути изутрина.

Првата помош за граѓаните на Скопје дојде од војската и граѓаните на тогашните југословенски републики, а неколку дена по земјотресот започна да пристигнува и помош и спасувачки екипи од целиот свет. Точно 87 нации во светот испратија некаква помош во Скопје и помогнаа тој да се изгради повторно, и поради тоа градот го носи и епитетот „град на солидарноста“.

Современа историја

На 6 август 2016 година Скопскиот Регион го зафати големо невреме, што резултира со силен ветар и полави. Во невремето животот го загубија 22 лица.

Географски податоци

Скопје се наоѓа на 21° 26' географска должина и 42° северна географска ширина. Надморската височина во центарот на градот изнесува 240 м Се простира на 1.818 км2 во широчина 9 км (Водно-Радишани) и во должина 23 км (Драчево - Ѓорче Петров). Градското подрачје зафаќа површина од 225 км2.

Климата во Скопје ја карактеризира средна годишна температура од околу 12,4 °C. Летата се долги суви и жешки, а зимите ладни со многу магловити денови. Низ скопската котлина протекуваат реката Вардар со своите притоки: Треска, Пчиња, Маркова Река, Лепенец и Кадина Река. Скопската Котлина ја опкружуваат планините: Водно, Караџица, Осој, Жеден и Скопска Црна Гора.


Климатски податоци за Скопје
Месец Јан Фев Мар Апр Мај Јун Јул Авг Сеп Окт Ное Дек Годишно
Највисока забележана °C (°F) 18.7
(65.7) 		24.2
(75.6) 		28.8
(83.8) 		32.4
(90.3) 		35.2
(95.4) 		41.1
(106) 		42.8
(109) 		43.2
(109.8) 		37.0
(98.6) 		33.9
(93) 		28.2
(82.8) 		22.1
(71.8) 		43.2
(109.8)
Прос. висока °C (°F) 4.5
(40.1) 		8.3
(46.9) 		14.0
(57.2) 		19.1
(66.4) 		24.4
(75.9) 		28.8
(83.8) 		31.4
(88.5) 		31.5
(88.7) 		26.5
(79.7) 		19.8
(67.6) 		11.5
(52.7) 		5.5
(41.9) 		18.8
(65.8)
Сред. дневна °C (°F) 0.1
(32.2) 		2.6
(36.7) 		7.6
(45.7) 		12.1
(53.8) 		17.3
(63.1) 		21.5
(70.7) 		23.8
(74.8) 		23.8
(74.8) 		18.8
(65.8) 		13.1
(55.6) 		6.5
(43.7) 		1.7
(35.1) 		12.4
(54.3)
Прос. ниска °C (°F) −3.8
(25.2) 		−2.3
(27.9) 		1.6
(34.9) 		5.4
(41.7) 		10.0
(50) 		13.7
(56.7) 		15.8
(60.4) 		15.7
(60.3) 		11.6
(52.9) 		7.2
(45) 		1.8
(35.2) 		−1.8
(28.8) 		6.2
(43.2)
Најниска забележана °C (°F) −25.6
(−14.1) 		−21.8
(−7.2) 		−10.8
(12.6) 		−5.8
(21.6) 		−1.0
(30.2) 		3.0
(37.4) 		7.0
(44.6) 		7.0
(44.6) 		−2.0
(28.4) 		−6.4
(20.5) 		−12.2
(10) 		−22.9
(−9.2) 		−25.6
(−14.1)
Прос. врнежи мм (ин) 30
(1.18) 		29
(1.14) 		38
(1.5) 		40
(1.57) 		43
(1.69) 		54
(2.13) 		38
(1.5) 		36
(1.42) 		34
(1.34) 		49
(1.93) 		45
(1.77) 		48
(1.89) 		483
(19.02)
Прос. бр. врнежливи денови 10 9 10 10 11 10 7 6 6 7 9 11 106
Прос. бр. снежни денови 5 5 3 0.2 0 0 0 0 0 0.1 2 5 20
Прос. релативна влажност (%) 83 75 68 66 66 61 56 56 63 74 82 85 70
Сред. бр. сончеви часови месечно 86.9 112.5 161.1 198.4 245.2 276.3 323.0 305.4 247.5 188.2 114.8 79.6 2.338,9
Извор бр. 1: Pogoda.ru.net,[7] Светска метеоролошка организација (денови со врнежи)[8]
Извор бр. 2: NOAA (сонце, 1961–1990)[9]
Административна карта на град Скопје.

Скопски населби и маала

Видете: Скопски населби и маала

Територијална организација на Скопје

Главна статија: Град Скопје

Во градот Скопје има 10 општини: Аеродром, Бутел, Гази Баба, Ѓорче Петров, Карпош, Кисела Вода, Сарај, Центар, Чаир и Шуто Оризари. Според бројот на жители, најголема општина е Аеродром со 98.382 жители, а најмала е Шуто Оризари со 17.357 жители. Според површината, најголема општина во градот Скопје е Сарај со 229 км², а најмала е Чаир со 3,5 км².

Население

Етнички групи во Скопје.
Население во минатото
ГодинаНас.±%
1856 20.800—    
1858 21.000+1.0%
1878 30.000+42.9%
1888 22.250−25.8%
1892 33.291+49.6%
1913 43.331+30.2%
1919 51.758+19.4%
1926 69.269+33.8%
1931 68.334−1.3%
1935 70.716+3.5%
1948 102.600+45.1%
1953 139.200+35.7%
1961 197.300+41.7%
1971 312.300+58.3%
1981 408.100+30.7%
1994 448.200+9.8%
2002 506.926+13.1%
2006 668.518+31.9%
2015811,045−99.9%

Во турскиот пописен дефтер од 1467/68 година, Скопје било центар на Скопскиот Вилает и имал вкупно 1.006 семејства, од кои 634 муслимански семејства, 299 христијански семејства и 73 вдовици христијани.[10]

Според статистиката на Васил К'нчов („Македониja, Етнографиja и статистика“) од 1900 година, во Скопје живееле 31.900 жители, од кои 13.000 Македонци, 15.000 Турци, 1.920 Роми, 800 Евреи, 450 Власи, 150 Албанци христијани, 50 Грци, 30 Черкези и околу 500 останати.[11]

Од гледна точка на демографските движења на населението Скопје има позитивна популациона слика. Населението на градот постојано се зголемува пред сè поради големиот број доселувања (најчесто од градовите и селата од внатрешноста на Македонија), но и поради наталитетот. Мора да се спомене дека како и во целата земја и во Скопје бројот на раѓањата (наталитетот) драстично опаѓа меѓутоа како најголем и најразвиен град во државата стапката на раѓање сепак е највисока. Доселувањата во Скопје се во постојан подем и континуитет од крајот на Втората светска војна. Луѓето денес во Скопје пред сè, се доселуваат поради стопанско-економски причини или поради продолжување на своето образование.

Според проценките на МАТСТАТ Градот Скопје има 811.045 жители во 2015 година.[12]

Пописот од 1991 година не бил целосно одржан во градот Скопје, бидејќи дел од неговото население одбило да учествува, односно го бојкотирало неговото одржување, поради што за таа пописна година, во градот нема целосни податоци.[13]

Според новата територијална организација од 2004 година (припојување на општините Сарај и Кондово) градот Скопје има 502.665 жители (66,75% Македонци), меѓутоа околу 15% од тоа претставува селско население поради големиот број на села во составот на Општина Сарај.

На табелата е прикажан националниот состав на населението во Скопје (без Сарај) низ пописните години во периодот 1948 - 2002:[14][15]

Години Македонци Албанци Турци Роми Власи Срби Бошњаци Ост. Вкупно
1948 51.819 5.209 13.928 5.796 665 5.872 — 4.365 87.654
1953 74.486 3.166 22.562 7.829 438 8.650 — 5.012 122.143
1961 109.709 11.151 ... 10.135 ... 12.550 ... 21.984 165.529
1971 215.578 28.705 ... 16. 164 ... 17.422 — 35.111 312.980
1981 281.796 46.880 13.534 22.947 1.247 18.021 — 23.718 411.143
1991 308.616 11.899 8.900 24.201 1.741 17.172 — 23.234 395.763
1994 309.683 59.728 9.201 19.800 2.096 15.771 — 13.684 429.964
2002 332.778 71.483 8.549 23.202 2.546 14.251 6.465 7.983 467.257

Поделба на урбани и рурални населби во Град Скопје

На територијата на десетте општини кои ја сочинуваат административната единиција Град Скопје, се наоѓаат околу четириесетина села чиј број на жители влегува во вкупното население на Скопје, така што реалниот број на жители е помал. Во составот на Град Скопје влегуваат селата: Брњарци (395 ж.), Булачани (1.104 ж.), Гоце Делчев (1.405 ж.), Идризово (1.589 ж.), Колонија Идризово (451 ж.) Инџиково (3.343 ж.), Јурумлери (2.983 ж.), Раштак (367 ж.), Смиљковци (345 ж.), Стајковци (3.532 ж.), Страчинци (1.185 ж.), Трубарево (2.669 ж.) и Црешево (1.278 ж.) во Гази Баба, Кучково (138 ж.), Никиштане (1.114 ж.) и Орман (461 ж.) во Ѓорче Петров, Горно Нерези (314 ж.) во Карпош, Долно Лисиче (2.440 ж.) во Аеродром, Драчево (8.641 ж.) и Усје (845 ж.) во Кисела Вода, Љубанци (928 ж.) и Љуботен (2.343 ж.) во Бутел, Горно Оризари (454 ж.) во Шуто Оризари и сите 22 села во Општина Сарај. Во сите овие села кои се дел од Град Скопје во 2002 година живееле 68.500 жители, од кои само 30.176 во Општина Сарај. Според оваа урбана и рурална демографска класификација на Град Скопје, во урбаните населби биле запишани 428.933 жители (2002 г.).

Исто така поради брзата урбанизација и зголемување на своето население, Скопје постојано се проширува во својата територија, поради што десетина поранешни села веќе се споени со градот и претставуваат приградски населби на Скопје. Некои од нив се помалку, некои повеќе урбанизирани, а заедничкото за сите е што бележат брз развој и претставуваат привлечни имиграциски места, привлекувајќи население од цела Македонија. Такви поранешни села, а денес скопски населби претставуваат: Сингелич (23.915 ж.) во Гази Баба, Волково (6.750 ж.), Ново Село (8.349 ж.) и Оризари (15.637 ж.) во Ѓорче Петров, Бардовци (1.472 ж.) и Злокуќани (1.635 ж.) во Карпош, Долно Нерези (12.418 ж.) во Аеродром, Визбегово (2.817 ж.) и Радишани (9.123 ж.) во Бутел, Долно Оризари (1.550 ж.) во Шуто Оризари и Сарај (5.232 ж.) во Општина Сарај. Во овие приградски населби во 2002 година живееле 88.898 жители, што е 20,7 % од вкупното население во скопското урбано подрачје.

Транспорт

Автобус во Скопје

Јавниот превоз во Скопје се одвива со такси и автобуси. Постојат приватни и државни превозници, од кои неспоредливо најголем превозник е ЈСП-Скопје кој го покрива целиот град и неговата поширока околина. Во тек е подготовката за изградба на лесна градска железница.[16]

На 17 км југоисточно од Скопје се наоѓа аеродромот Скопје.

Во 2017 година, во Скопје се случиле 1.652 сообраќајни несреќи во кои настрадале 2.500 лица. Од нив, 37 загинале, 218 биле тешко повредени, а 2.245 биле полесно повредени.[17]

Култура

Во Скопје постојат шест театри кои функционираат како национални установи:

  • Македонски народен театар - основан во 1945 година
  • Драмски театар - основан во 1946 година
  • Албански театар - основан во 1950 година
  • Турски театар - основан во 1950 година (единствениот турски театар во Македонија)
  • Театар за деца и младинци - основан во 1990 година
  • Театар комедија - основан во 2011 година

Цркви во Скопје

Туристички места

Камениот мост навечер
Влезот во стариот дел на Скопје

Места од интерес за туристички разгледувања се:

  • Камениот мост, на реката Вардар е симбол на Скопје. Бил преработен во XV век и бидејќи е во централниот дел на градот, тој претставува врска помеѓу новиот и стариот дел.
  • Тврдината Кале. Првите ѕидини биле изградени на истото место, во почетокот на VI век. Калето доминира над левиот брег на реката Вардар со поглед на стариот дел на Скопје.
  • Даут-пашината бања изградена во XV век како јавна бања. Се наоѓа на влезот на старата скопска чаршија и од 1948 година е адаптирана во уметничка галерија.
  • Старата железничка станица, завршена во 1940/41 година. Своевремено една од најубавите железнички станици на Балканот. Часовникот на предната страна е застанат на 5:17 минути изутрина, моментот кога Скопје го погоди катастрофален земјотрес. Сега во зградата се наоѓа Музејот на град Скопје.
  • Музејот на современа уметност, се наоѓа на тврдината Кале.
  • Музеј на македонската борба, се наоѓа на левиот брег од реката Вардар, официјално отворен на 8 септември 2011 година, по повод 20 години од независноста на Македонија. Се состои од 13 хронолошки подредени одделенија и секое од нив ја претставува историјата на македонскиот народ од повеќе периоди. Музејската презентација е реализирана на интерактивен начин преку комбинирање на многу различни форми. Прегледот на историските настани, процеси, личности од XIX и XX век, се надополнува со автентичната колекција на 2.749 музејски предмети - оружје, документи, фотографии, мапи, медали, весници, документарен материјал, помошни материјали – 153 восочни фигури, 109 масовни сцени и портрети, како и амбиентални диорами збогатени со аудио-визуелни ефекти. Музејските фондови постојано се збогатуваат и преку донации или откуп.
  • Меморијален центар на холокаустот на Евреите од Македонија
  • Музеј на илегалните работилници за време на НОВ
  • Милениумскиот крст, се наоѓа на врвот на планината Водно непосредно над градот. Крстот е направен од челик со висина од 67 м и распон на краците од 46 m. Подигнат е по повод 2000-годишнината од раѓањето на христијанството.
  • Местото на родната куќа на познатиот светски хуманитарец, Мајка Тереза близу плоштадот „Македонија“.
Поглед на Скопје од планината Водно
  • Во близина на градот Скопје, покрај патот Скопје-Качаник се наоѓа стар аквадукт изграден од камен и тули со 55 лакови што се потпираат на масивни столбови. Тој служел за снабдување со вода на античкиот град Скупи кој се наоѓа во непосредна близина до Скопје.
  • Улицата Македонија која е со прекрасна архитектура и каде што се наоѓа феудалната кула која што денес е музеј.
  • Градскиот ѕид кој се состои од верижно поврзани блокови со висина од 24 метри и кули високи 45 метри - еден вид на ѕид-тврдина во модерна интерпретација, тој е изграден по земјотресот во 1963 и кој е проектиран од познатиот јапонски архитект Кензо Танге. Тој го обиколува центарот на градот од десната страна на реката Вардар. Кензо Танге исто така проектирал уште многу други градби кои не се реализирале.
  • Куршумли ан датира од XVI и се наоѓа во старата чаршија. Тоа е еден од најубавите локалитети во Скопје. Куршумли ан во минатото се користел како бања каде сто се бањале голем дел од населението.

Познати личности

Скопје како мотив во уметноста и во популарната култура

Збратимени градови

Скопје е збратимено со следниве градови[26]:

Галерија

  • Црквата „Рождество на Пресвета Богородица“ во Скопје
    Црквата „Рождество на Пресвета Богородица“ во Скопје
  • Порта Македонија
    Порта Македонија
  • Македонски народен театар
    Македонски народен театар
  • Националната арена „Филип II“
    Националната арена „Филип II“
  • Милениумски крст
    Милениумски крст
  • Старата железничка станица, денес Музеј на Град Скопје
    Старата железничка станица, денес Музеј на Град Скопје
  • Споменик на паднатите борци за Македонија во Скопје
    Споменик на паднатите борци за Македонија во Скопје
  • Споменик на ослободителите на Скопје
    Споменик на ослободителите на Скопје
  • Слики од старо Скопје: Панорама на Скопје, во преден план се гледа Железниот мост.
    Слики од старо Скопје: Панорама на Скопје, во преден план се гледа Железниот мост.
  • Еврејско маало, улица Маршал Тито
    Еврејско маало, улица Маршал Тито
  • Ново маало, 1960-те години
    Ново маало, 1960-те години
  • Пајко маало, кеј Димитар Влахов
    Пајко маало, кеј Димитар Влахов
  • Крангова палата, пред рушење, оштетена од земјотресот во 1963 година
    Крангова палата, пред рушење, оштетена од земјотресот во 1963 година
  • Поглед кон центарот на Скопје меѓу двете светски војни
    Поглед кон центарот на Скопје меѓу двете светски војни
  • Офицерскиот дом и Камениот мост за време на српската управа на Скопје.
    Офицерскиот дом и Камениот мост за време на српската управа на Скопје.
  • Галерија на отворено „Градот Убав“ во ГТЦ
    Галерија на отворено „Градот убав“ во сутеренот на Градскиот трговски центар.
  • Саат-кулата во Старата скопска чаршија
    Саат-кулата во Старата скопска чаршија
  • Панорама на Скопје, гледано од Водно
    Панорама на Скопје, гледано од Водно

Поврзано

Наводи

  1. ↑ Шилегов победи во Скопје во првиот круг
  2. ↑ Податоци за Скопје
  3. ↑ http://www.skopje.gov.mk/EN/DesktopDefault.aspx?tabindex=0&tabid=46
  4. ↑ Стојмилов, А., (2005), Социоекономска географија на Република Македонија, ПМФ, Скопје
  5. ↑ Поњавиќ, Кики Мангова (26 октомври 2009), „Пиколомини и Скопје - градот феникс“, Утрински весник (3118)CS1-одржување: датум и година (link)
  6. ↑ „ХЕЦ Козјак – производство на електрична енергија и намалување на штетите од поплави“, Економија и бизнис, година 18, број 217/218, јули/август 2016, стр. 26-27.
  7. ↑ „Клима на Скопје“. pogoda.ru.net. Посетено на 11 ноември 2012.
  8. ↑ „Светска метеоролошки информативна служба – Skopje“. Светска метеоролошка организација. Посетено на 11 ноември 2012.
  9. ↑ „Климатолошки информации за Скопје, Македонија“. NOAA. Посетено на 10 декември 2013.
  10. ↑ Турски документи за историјата на македонскиот народ кн.4, Методија Соколоски, д-р Александар Стојановски, Скопје 1971, стр.424
  11. ↑ Кънчов, Васил. Македония. Етнография и статистика, София, 1900, стр. 205
  12. ↑ Стојмилов, Александар; Апостоловска - Тошевска, Билјана (2016). Социоекономска географија на Република Македонија (PDF) (II доп.. изд.). Скопје: Природно-математички факултет. стр. 91. ISBN 9989-668-50-7.
  13. ↑ Во Пописот од 1991 година, во населените места: Страчинци, Љуботен, Арачиново, Грушино, Мојанци, Орланци, Боговиње, Жеровјане, Пирок, Милетино, Радиовце, Теново, Челопек, Горно Јаболчиште, Велешта, Горно Татеши, Долно Татеши, Врапчиште, Топлица, Вруток, Долно Јеловце, Здуње, Речане, Балин Дол, Беловиште, Гостивар, Дебреше, Мало Турчане, Чајле, Баниште, Дебар, Кривци, Селокуќи, Хаме, Делогожди, Корошишта, Ливада, Мислодежда, Ново Село (Делогожди), Горна Бањица, Долна Бањица, Симница, Долна Лешница, Желино, Озормиште, Требош, Бачишта, Букојчани, Горно Строгомиште, Зајас, Колари, Лешница, Палиград, Смесница, Копанце, Шемшево, Горно Палчиште, Долно Палчиште, Камењане, Кичево, Долно Свиларе, Кондово, Радуша, Рудник Радуша, Бедиње, Горно Коњаре, Д`лга, Куманово, Лопате, Романовце, Сопот, Табановце, Черкези, Белановце, Матејче, Никуштак, Опае, Ропалце, Жужње, Нистрово, Сенце, Тануше, Добри Дол, Калиште, Неготино-Полошко, Сенокос, Бериково, Гарани, Јагол, Ново Село (Осломеј), Поповјани, Премка, Србица, Стрелци, Туин, Шутово, Охрид, Ќојлија, Арнакија, Буковиќ, Грчец, Крушопек, Ласкарци, Љубин, Семениште, Барово, Јаболци, Биџево, Долна Белица, Заграчани, Калишта, Радолишта, Струга, Батинци, Вртекица, Морани, Студеничани, Глоѓи, Доброште, Непроштено, Пршовце, Слатино, Теарце, Голема Речица, Лавце, Мала Речица, Сараќино, Тетово, Баланци, Форино, Чегране, Џепиште, Гајре, Лисец, Скопје дел - Гази Баба, Скопје дел Карпош, Скопје дел - Центар и Скопје дел - Чаир, дел од жителите не прифатија да замат учество (го бојкотираа) во Пописот.
  14. ↑ Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  15. ↑ http://pop-stat.mashke.org/yugoslavia-census.htm
  16. ↑ Јовановска-Дојчиновска, Весна (22 ноември 2010). „Тргна процедурата за трамвај од Ново Лисиче до Ѓорче Петров“. Телма. Посетено на 24 ноември 2010.
  17. ↑ „Лани загинале 37 лица на скопските улици, полициската превенција слаба“, Скопско ЕХО, бр. 64, 22 март 2018, стр. 3.
  18. ↑ Пандалф Вулкански, Текстилна поема. Темплум: Скопје, 2017.
  19. ↑ [https://www.youtube.com/watch?v=lJj0L9rbiI8 YouTube, Leb i Sol - SKOPJE (пристапено на 30.11.2017)
  20. ↑ [https://www.youtube.com/watch?v=NmdXQelKqhk YouTube, PMG Kolektiv - Skopjanka | official video (пристапено на 30.11.2017)
  21. ↑ www.pmgrecordings.com (пристапено на 3.12.2017)
  22. ↑ www.pmgrecordings.com (пристапено на 3.12.2017)
  23. ↑ [https://www.youtube.com/watch?v=_oi_MpIllrY YouTube, Zlatno Slavejce - Pesna Za Skopje ( 1974 ) (пристапено на 11.11.2019)
  24. ↑ [https://www.youtube.com/watch?v=nV38RaE7vO4 YouTube, Nina Spirova - Zboruvaj za Skopje (пристапено на 11.11.2019)
  25. ↑ [https://www.youtube.com/watch?v=QCK424j8H-k YouTube, Велко Трпчевски - Песна за Скопје (пристапено на 11.11.2019)
  26. ↑ http://www.skopje.gov.mk/EN/DesktopDefault.aspx?tabindex=0&tabid=69 Збратимени градови на Скопје
  27. ↑ Предлошка:Цитирана веб страница
  28. ↑ Предлошка:Цитирана веб страница
  29. ↑ Erdem, Selim Efe (2003-11-03). „İstanbul'a 49 kardeş“ (турски). Радикал. 49 збратимени града во 2003
Забелешки
  1. Следно↑ Во Пописот од 1991 година, во населените места: Страчинци, Љуботен, Арачиново, Грушино, Мојанци, Орланци, Боговиње, Жеровјане, Пирок, Милетино, Радиовце, Теново, Челопек, Горно Јаболчиште, Велешта, Горно Татеши, Долно Татеши, Врапчиште, Топлица, Вруток, Долно Јеловце, Здуње, Речане, Балин Дол, Беловиште, Гостивар, Дебреше, Мало Турчане, Чајле, Баниште, Дебар, Кривци, Селокуќи, Хаме, Делогожди, Корошишта, Ливада, Мислодежда, Ново Село (Делогожди), Горна Бањица, Долна Бањица, Симница, Долна Лешница, Желино, Озормиште, Требош, Бачишта, Букојчани, Горно Строгомиште, Зајас, Колари, Лешница, Палиград, Смесница, Копанце, Шемшево, Горно Палчиште, Долно Палчиште, Камењане, Кичево, Долно Свиларе, Кондово, Радуша, Рудник Радуша, Бедиње, Горно Коњаре, Д`лга, Куманово, Лопате, Романовце, Сопот, Табановце, Черкези, Белановце, Матејче, Никуштак, Опае, Ропалце, Жужње, Нистрово, Сенце, Тануше, Добри Дол, Калиште, Неготино-Полошко, Сенокос, Бериково, Гарани, Јагол, Ново Село (Осломеј), Поповјани, Премка, Србица, Стрелци, Туин, Шутово, Охрид, Ќојлија, Арнакија, Буковиќ, Грчец, Крушопек, Ласкарци, Љубин, Семениште, Барово, Јаболци, Биџево, Долна Белица, Заграчани, Калишта, Радолишта, Струга, Батинци, Вртекица, Морани, Студеничани, Глоѓи, Доброште, Непроштено, Пршовце, Слатино, Теарце, Голема Речица, Лавце, Мала Речица, Сараќино, Тетово, Баланци, Форино, Чегране, Џепиште, Гајре, Лисец, Скопје дел - Гази Баба, Скопје дел Карпош, Скопје дел - Центар и Скопје дел - Чаир, дел од жителите не прифатија да замат учество (го бојкотираа) во Пописот.

Надворешни врски

Општо
Земјотресот од 1963
Туризам и комплетен преглед на градот
Слики


Грб на Град Скопје
Грб на Град Скопје
Сообраќајна инфраструктура
Грб на градот Скопје
Туристички објекти
Споменици
Управни згради
Културни објекти
Музеи
Верски градби
Мостови
Доградби и преградби
Населби и комплекси
Паркови и рекреација
50.000+
20.000+
10.000+
2.000+
Нормативна контрола
Преземено од „https://mk.wikipedia.org/w/index.php?title=Скопје&oldid=3927752“