Аеродром (населба во Скопје)

Аеродром и околните населби (на список) во рамките на Општина Аеродром.

Аеродром — населба во Општина Аеродром, во состав на градот Скопје. Населбата порано припаѓала кон Општина Кисела Вода, но со законот за новата територијална поделба во август 2004 г. е создадена новата истоимена општина и населбата потпаднала кон новоформираната општина, формирана на 12 април 2005 кога за првпат била одржана седница на Советот на општината.

Географија

Населбата граничи со населбите Мичурин и Острово на запад, Јане Сандански на север, Ново Лисиче, Реонски Центар и Лисиче на исток.

Историја

Панорамски приказ на новоизградените монтажни објекти во населба Аеродром, 1964

Стариот аеродром

Црквата Св. Илија

Населбата го добила своето име по стариот аеродром „Скопје“ основан во 1920-тите, кој се наоѓал кај поликлиниката „Јане Сандански” и касарната „Гоце Делчев“. Аеродромот бил бомбардиран од страна на нацистичка Германија во април 1941. Првиот патнички авион слетал на 15 јуни 1928 година. Авионот бил од типот „Потез-29“ од француско производство и превезувал 5 патници.

Демографија

Во населбата Аеродром живеат 72.009 жители од кои 96% се Македонци, 2% Срби и 2% други националности како Роми, Турци и Власи.

Образовни центри

Средни училишта

• СУ „Димитар Влахов“
• СУГС „Владо Тасевски“
• СУГС „Марија Кири Склодовска“

Основни училишта

• ОУ „Љубен Лапе“

Цркви

• Црква „Св. Илија“ - изградена во 1997 година;
• Црква „Св. Петка“ - црква-параклис;

Аеродром како мотив во уметноста

• „Бисер и Три бисери“ — краток расказ на македонскиот писател Сашо Стефановски (под псевдонимот Џанго Помалиот).