Баку

Баку
Баку; Bakı
	Разни знаменитости во Баку
	Грб
	Грб
	Прекар(и): Град на ветриштата
Земја	Азербејџан
Управа
• Градоначалник	Хаџибала Абуталибов
Површина
• Градска	3,125 км2 (1,207 ми2)
Надм. вис.	−28 м
Население (2012)
• Градско	3,202,300
• Густина	996,38/км2 (258,060/ми2)
• Градскo	3,525,000
• Метро	4,308,740
Демоним	Бакујци азербејџански: Bakılı
Час. појас	AZT (UTC+4)
Пошт. бр.	AZ1000
Повик. бр.	(+994) 12
Рег. таб.	10–90 AZ
Мреж. место	baku-ih.gov.az

Баку (азербејџански: Bakı; персиски: بادکوبه/Бадкубeх^[5]^[6]) — главен град на Азербејџан. Се наоѓа на јужниот брег на Апшеронскиот Полуостров. Современото Баку се состои од три дела: Стариот Град (İçəri Şəhər), најнапредниот стопанскиот дел од градот и делот изграден од советските власти. Според пописот од 2012 г., Баку има 3.202.300 жители^[7]. Околу 3 милиони жители живеат во околната област.

Обликот на градот е правоаголен, а само во најстариот дел од градот, зад ѕидините од тврдината улиците се криви и тесни. Најнапредниот дел од градот се наоѓа јужно од стариот град. Изграден е огромната експлоатација на нафта која започнала пред околу еден век и има интересна уметничка архитектура.

Денес Баку се протега и надвор од ѕидините на стариот град. Овој град е поделен на 11 области: Азизбајов, Бинагади, Гарадах, Нариманов, Насими, Низами, Сабаил, Сабунчу, Катај, Суракани и Јасамал.

Демографија

Според проценките од 2007 година во Баку има 2.075.000 жители, а главните етнички групи се:

Азери 92,8% (1.925.600)
Руси 4% (83.000)
Турци 2,1% (43.575)
останати 1,1%

Во текот на XX век, етничката структура на градот значително се изменила како последица на нафтениот бум кон крајот на XIX век кој условил голем прилив на населението од околните земји, а потоа во текот на војната со Ерменците со повод на Нагорно-Карабах.

Година	Ерменци	Азери	Грузијци	Иранци	Евреи	Руси	Вкупно
1897	19.060	40.148	971	9.426	2.341	37.399	111.904
1903	26.151	44.257	/	11.132	/	56.955	155.876
1913	41.680	45.962	4.073	25.096	9.690	76.288	214.672

Географија

Градот Баку се наоѓа на западниот брег на Каспиското Море.

Клима

Месец	Јануари	Февруари	Март	Април	Мај	Јуни	Јули	Август	Септември	Октомври	Ноември	Декември	Годишно
Просек (°C)	3	3	6	11	17	22	25	25	21	16	11	6	13
Врнежи (см)	3.6	2.0	2.0	2.0	1.3	0.8	0.3	0.8	2.0	3.3	3.0	3.3	23.9
Извор: Weatherbase Архивирано на 23 јуни 2006 г.

Религија

Над 94% од населението на Баку е претено со муслиманска вероисповед. Околу 4% се христијани (припадници на Руската и Грузиската православна црква). Во Баку живеат и Евреи.

Сообраќај

Аеродромот „Хајдар Алиев“ го опслужува Баку, а за време на СССР во Баку е изградено и метро. Моментално тој има две линии со вкупна должина од околу 30,2 км и 21 станица. Останатите видови на јавен превоз слабо функционираат. Превозот најмногу се одвива со минибус, кој како и во другите делови на поранешниот СССР се нарекува маршутка. Тие застануваат и каде и да им мавне патникот покрај патот, а во Баку постојат и некои тролејбуски линии.