Пламени кули

Пламени кули
Alov qüllələri
Пламените кули во 2015 г.
Општи податоци
Статус	Завршена
Вид	деловна, станбена, хотел, трговски центар
Стил	висококатница, стакло
Место	Баку, Азербејџан
Почната	октомври 2007
Отворена	2013
Трошок за изградба	350 млн. долари
Сопственик	Азинко дивелопмент ММК
Висина
Покрив	182 м — I кула 165 м — II кула 161 м — III кула
Технички податоци
Катови	33/30/28
Проектирање и изградба
Архитект	Хелмут, Обата и Касбаум
Статичар	Балкар Мухендислик
Главен изведувач	ДИА Холдинг Азербејџан

Пламени кули (азерски: Alov qüllələri, англиски: Flame Towers) — група облакодери во Баку, Азербејџан и највисоко здание во градот со 190 м. Се состои од станови, хотел и деловни простории. Изградбата чинела околу 350 милиони долари, започнала во 2007, а завршила во 2012 г. Архитект на проектот е ателјето „Хелмут, Обата и Касбаум“, под раководство на работите во „ДИА Холдинг“, а како изведувач се јавиле „Хил интернешанал“.

Комплексот се состои од три кули: Јужна, Источна и Западна. Фасадите воедно имаат улога на џиновски приказници опремени со преку 10.000 силни расветни тела со светлечки диоди.

Во јуни 2014 г. во приземните простории на комплексот е отворен автосалон на „Ламборгини“.

Осветлување

Кулите обично се осветлени со посебен приказ на пламени видливи и од најдалечните делови на градот. Сета инсталација на кулите се управува од графички сметачки погон. Воедно, во пригодни прилики на фасадата се прикажуваат и други анимации и графика, како на пр. по повод Евровизија 2012.

Признанија

Пламениот приказ на зградите е прогласен за најдобро фасадно осветлување од влијателниот портал SkyscraperCity.

Галерија

• 
  Страничен поглед на кулите
• 
  Грбот на Баку
• 
  Кулите на поштенска марка
• Снимка од кулите
  Снимка од кулите

Надворешни врски

• Пламени кули во Баку — SkyscraperCity (англиски)
• Пламени кули — Emporis (англиски)