Ватикан

Ватикан
Ватикан; Stato della Città del Vaticano
Знаме	Грб
	Химна: Inno e Marcia Pontificale (италијански); "Понтификална химна и марш"; ;
	Местоположба на Ватикан
Главен град	Ватикан; 41°54′N 12°27′E / 41.900° СГШ; 12.450° ИГД
Службен јазик	латински, италијански
Уредување	Апсолутна монархија
Независност	од Кралството Италија
Површина
Население
Валута	Евро (€) (EUR)
Часовен појас	CET (UTC+1)
НДД	.va
Повик. бр.	379

Ватикан, или обично познат под името Ватикански Град (латински: Status Civitatis Vaticanae, италијански: Stato della Città del Vaticano), познат и како Светиот град - најмалата независна држава на светот и по површина и по население. Површината на Ватикан изнесува 44 хектари. Ватикан е седиште на папата, кој претставува поглавар на Римокатоличката црква, бискуп на градот Рим и изборен монарх на Ватикан. Папата од своја страна е на доживотна функција и тој ги избира кардиналите. Технички, папата е апсолутен монарх, а тоа значи дека ги има во целост законодавната, извршната и судската власт во Ватикан. Папата е единствениот апсолутен монарх во Европа. Сегашниот папа на Ватикан е папата Франциск, роден како Хорхе Марио Бергољо.

Историја[уреди | уреди извор]

Папската Држава[уреди | уреди извор]

Папската Држава (ит. Stato della Chiesa vannila) италијанската држава која постоела од 756 до 1870 година. Пипин Малиот во средината на 8 век освоил голем дел од северна Италија, и просторот на бившиот равенски егзарх му го поклонил на папата. Карло Велики во 781 година ја кодификувал територијата на која папата има суверенитет. Територијата го опфаќала Рим, но и околните Равена, Пентаполис, Војводството Бенвенто, Тоскана, Корзика, Ломбардија и уште некои градови. Во првите три века од постоењето на папската држава, папата ја немал делотворната контрола на целата држава, а и не било јасно дали папската држава била независна од Римското Царство. Во периодот на ренесансата, територијата на папската држава се проширила најмногу и тоа под водство на папата Александар VI и Јулиј II. Папата во тој период станал еден од најважните италијански владетели во светот. Во периодот од 1796-1800 и 1808-1814, француската револуционарна армија папската држава ја претворила во Римска република, а подоцна во дел од Франција. Италијанските национални револуционери во 1849 година прогласиле Римска република, папата Пиј IX побегнал од Рим. Француските трупи, Наполеон Бонапарт ги поразил револуционерите и го вратил папата на власт.

Обединувањето на Италија[уреди | уреди извор]

Папскиот суверенитет во Рим го штителе француските војски. Но, кога во 1870 година избувнала француско-пруската војна, трупите се повлекле од Рим, а Италија ѝ објавила војна на папската држава и го освоила Рим. Папата Пиј IX се повлекол во својата резиденција и се прогласил за заробен. Подоцна, 1929 година папата Пиј XI формално се одрекол од поседот на папската држава и го потпишал Латеранскиот договор на 11 февруари 1929 година со Италија, која формирала град држава, Ватикан, која постои и до ден денешен.

Географија[уреди | уреди извор]

Ватикан, еден од европските микроградови-држави, е расположен во западниот централен реон во Рим, неколку метри западно од реката Тибир. Неговите граници (3,2 км или 2 милји во целост опкружена од Италија) се направени многу смислено сè со цел да се заштити папата од надворешни влијанија. Ватиканската клима е иста како и римската средоземна клима, со повремени врнежи во периодот од септември до октомври, додека од мај до август е многу потопло.

Население, јазик и религија[уреди | уреди извор]

Верници во Ватикан

Римокатолици			100 %

Некаде околу 890 жители живеат во внатрешноста на ватиканските ѕидини. Граѓаните на Ватикан се обично клерици, високи службеници, монаси, како и Швајцарската гарда која е доброволна воена организација која го обезбедува Ватикан.

Култура[уреди | уреди извор]

Знамето на Ватикан[уреди | уреди извор]

Знамето на Ватикан претставува квадрат со две вертикални обоени полиња: жолто и бело. Врз белиот дел се вметнати вкрстените клучеви на Свети Петар и папската тијара.

Знамето било прифатено на 7 јуни 1929 година. Истата година папата Пиј XI го потпишал и договорот со Италија за конечно решавање на прашањето за папската држава.