Скопско кале

Од Википедија — слободната енциклопедија
Прејди на: содржини, барај
Скопско кале
KaleFortress-Skopje1.JPG
Скопското кале
Општи податоци
Град Скопје
Земја Македонија
Еден од влезовите на калето
Поглед на калето во ноќните часови

Скопската тврдина Кале е сместена на високот рид наречен Градиште, над градот Скопје со поглед на реката Вардар и била од стратешко значење за овој значаен град со векови.

Историја[уреди | уреди извор]

Како највисока точка во градот, калето одсекогаш било ценето од локалното население. Населби на тоа место постоеле и пред да се изградат ѕидови. Најраните познати жители на местото живееле во неолитот и раното бронзено доба, 4.000 години п.н.е. Тврдината што ја гледаме денес е изградена најпрвин во Византиско време (6-ти век), со камени ѕидови со должина од 121 метар. Според археолозите, камените блокови од кои е изградена тврдината биле земени од изрушениот град Скупи подолу.

Заштита и обновување[уреди | уреди извор]

Заради стратешката локација на местото, тврдината била градена, рушена и преградувана многу пати од страна на разни освојувачи. По скопскиот земјотрес во 1963, кружните и квадратните кули на тврдината биле заштитени и обновени.

Тврдината денес[уреди | уреди извор]

Кале е едно од најпопуларните места за посета во Скопје. Тврдината нуди фантастичен поглед на градот како и можност да се дојде до Старата Скопска чаршија од градот за неколку минути. Во лето тука се одржуваат концерти и театарски претстави.

Археолошки ископувања[уреди | уреди извор]

Археолошките ископувања на Скопското кале започнаа на 14 мај 2007 година. Поради големиот обем на истражувања (околу 300 ангажирани луѓе), силно експонираната позиција на локалитетот во самиот центар на Скопје и заинтересираноста на медиумите, ова ископување е пропратено со сопствена веб страница која е прва од таков вид во Македонија.

Галерија[уреди | уреди извор]

Надворешни врски[уреди | уреди извор]