Споменикот на Гоце Делчев претставува спомен обележје на влезот на Градскиот парк во Скопје посветен на големиот македонски револуционер. Споменикот е подарок од бугарскиот главен град Софија од 1946[1][2] година и е дело на бугарскиот автор од македонско потекло Љубомир Далчев[3]. Споменикот е заштитен како културно наследство. Во 2009 година, постаментот и просторот околу споменикот биле реконструирани од страна на Град Скопје, за што биле потрошени 17 милиони денари.[4]