Идризово

Идризово
Идризово Местоположба на Идризово во Македонија
Координати 41°57′38″N 21°34′32″E
Општина	Гази Баба
Население	1.589 жит. (поп. 2002)
Шифра на КО	25066
Надм. вис.	223 м
Идризово на општинската карта Атарот на Идризово во рамките на општината
Идризово на Ризницата

Идризово — село во Општина Гази Баба, во околината на градот Скопје.

Географија

Селото се наоѓа во Скопската Котлина на левиот брег на Вардар и практично е приградска населба на Скопје.

Историја

Кон крајот на XIX век селото Идризово е дел Скопската каза во Отоманското Царство. По Втората балканска војна во 1913 година селото влегува во границите на Србија. На етничката картичка од 1927 година Леонард Шулце Јена кажал дека селото Идризово има нејасен етнички состав. По создавањето на комунистичка Југославија по Втората светска војна крај селото Идризово е создаден концентрационен логор.^{[се бара извор]}

Стопанство

Населението на селото Идризово во најголема мера егзистира од земјоделство поради самата местоположба на селото во плодната рамнина на Скопското поле.

Најповеќе се одгледуваат житните култури (пченица, пченка, јачмен и 'рж),градинарските култури (пипер, домат, компир, кромид и лук), а во голема мера се застапени и индустриските култури (луцерка, граор, фуражна пченка и детелина). Мнозинството од земјоделските производи се пласираат на пазарите во Скопје, а мал дел се ориентирани и за извоз. Жителите на селото одгледуваат и стока, во најголем дел крави, а во помал дел свињи и живина.

Демографија

Според статистиката на Васил К’нчов („Македонија, Етнографија и статистика“) од 1900 година, во Идризово живееле 95 жители, од кои 90 Македонци и 5 Турци.

Според егзархискиот секретар Димитар Мишев, („La Macédoine et sa Population Chrétienne“) во 1905 година во Идризово имало 56 Македонци, под врховенството на Бугарската егзархија.

Во 1961 година во селото имало 1.166 жители (589 мажи и 577 жени), додека во 1994 година имало 1.789 жители (907 мажи и 882 жени).

Според последниот попис на населението на Македонија од 2002 година, селото има 1.589 жители, од кои 686 Македонци, 774 Албанци, 19 Турци, 2 Роми, 8 Срби, 28 Бошњаци и 72 останати. Од жителите 821 биле мажи, а 768 жени. Следува табела на националната структура на населението:

Народност	Вкупно
Македонци	686
Албанци	774
Турци	19
Роми	2
Власи	0
Срби	8
Бошњаци	28
останати	72

Според податоците од пописите на населението спроведени од 1948 до 2002 година, ја имаме следнава возрасна и полова структура на населението.

Податоците за населеното место Колонија Идризово, согласно важечките територијални организации за време на пописите од 1961, 1971, 1981, 1991 и 1994 година, се вклучени во податоците за населеното место Идризово.

	Попис од 1948			Попис од 1953			Попис од 1961			Попис од 1971			Попис од 1981			Попис од 1991			Попис од 1994			Попис од 2002
	вкупно	м	ж	вкупно	м	ж	вкупно	м	ж	вкупно	м	ж	вкупно	м	ж	вкупно	м	ж	вкупно	м	ж	вкупно	м	ж
Возраст/Вкупно	434	265	169	875	436	439	1166	589	577	1562	797	765	2292	1163	1129	1751	906	845	1789	907	882	1589	821	768
0-4 г.	..	..	..	..	..	..	168	..	..	203	102	101	276	146	130	177	106	71	134	54	80	141	62	79
5-9 г.	..	..	..	..	..	..	245	..	..	172	96	76	271	132	139	195	96	99	170	99	71	138	72	66
10-14 г.	..	..	..	..	..	..	167	..	..	192	90	102	245	118	127	168	86	82	191	97	94	134	67	67
15-19 г.	..	..	..	..	..	..	59	..	..	219	110	109	207	112	95	169	87	82	169	94	75	141	73	68
20-24 г.	..	..	..	..	..	..	63	..	..	157	85	72	222	110	112	140	72	68	158	72	86	148	79	69
25-29 г.	..	..	..	..	..	..	61	..	..	90	42	48	240	129	111	120	52	68	114	56	58	147	86	61
30-34 г.	..	..	..	..	..	..	115	..	..	94	51	43	196	102	94	174	93	81	129	56	73	121	64	57
35-39 г.	..	..	..	..	..	..	105	..	..	85	36	49	145	75	70	138	82	56	163	101	62	80	40	40
40-44 г.	..	..	..	..	..	..	66	..	..	113	53	60	121	65	56	112	54	58	135	68	67	115	56	59
45-49 г.	..	..	..	..	..	..	29	..	..	83	43	40	86	35	51	73	38	35	101	53	48	94	56	38
50-54 г.	..	..	..	..	..	..	25	..	..	48	27	21	94	41	53	66	36	30	69	37	32	107	58	49
55-59 г.	..	..	..	..	..	..	24	..	..	28	14	14	85	43	42	56	23	33	62	34	28	64	33	31
60-64 г.	..	..	..	..	..	..	10	..	..	22	13	9	36	22	14	65	34	31	70	31	39	53	26	27
65-69 г.	..	..	..	..	..	..	29	..	..	23	17	6	21	5	16	43	18	25	58	23	35	44	23	21
70-74 г.	..	..	..	..	..	..	..	..	..	15	10	5	22	13	9	28	17	11	31	16	15	33	18	15
75-79 г.	..	..	..	..	..	..	..	..	..	13	4	9	24	15	9	19	8	11	13	7	6	16	4	12
80-84 г.	..	..	..	..	..	..	..	..	..	..	..	..	..	..	..	..	..	..	4	3	1	5	2	3
85+ г.	..	..	..	..	..	..	..	..	..	..	..	..	..	..	..	..	..	..	9	2	7	8	2	6
Непозната возраст	..	..	..	..	..	..	..	..	..	5	4	1	1	..	1	8	4	4	9	4	5	..	..	..

Родови

Идризово е мешано село.

Според истражувањата од 1953 година, родови во Идризово:

Македонски

• Доселеници: Калеовци (3 к.) најстар род во селото. доселени се од Битолско. не знаат точно кога се доселиле; Кумановци (1 к.) потекнуваат од тројца браќа. Коле, Крсто и уште еден. потеклото на овој род е од селото Матејче кај Куманово. Го знаат следното родословие: Борис (жив на 60 г. во 1953 година) Мане-Крсто, еден од браќата што се доселиле. Преку ова село имаат иселеници во Мралино, Трубарево и Јурумлери; Озимковци (1 к.) доселени се во турско време од Горно Лисиче. А таму биле доселени од селото Долно Соње. Имале роднини во Арачиново и Брњарци; Шаторовци (1 к.) доселени се од селото Булачани, таму имаат роднини. Некое време живееле во Тафталиџе и Јурумлери. Овде живеат од 1930 година; Бебешковци (1 к.) доселени се во 1944 година од селото Говрлево. Таму имале истоимени роднини; Газиновци (1 к.) и они се доселени во исто време и од истото село. И они имале истоимени роднини во Говрлево; Ѓурчевци (1 к.) доселени се во 1944 година од истото село Говрлево. Подалечно потекло имаат од селото Ботушје во Порече; Скендеровци (1 к.) и они доселени се во 1944 година од селото Говрлево. Таму имаат роднини, подалечно потекло од Долна Река; Стојковски (1 к.) доселени се во 1945 година од селото Раштак; Симуновци (1 к.) и Пецевци (1 к.) доселени се во 1951 година од селото Градовци.

Поалбанчени Роми (Маљоци)

• Доселеници: Аљо Сулејман (1 к.) најстар маљочки род во селото. Основачот на родот Аљо се доселил како дете од Метохија; Муслиови (3 к.) доселени се од Штимле на Косово; Куртишови (2 к.) доселени се од Трна кај Урошевац; Сеферови (2 к.) доселени се после Втората светска војна од Метохија; Мустаф (2 к.) доселени се од Дреница; Адем (1 к.) доселени се во 1948 година од селото Славиња во Косово; Бератови (2 к.) доселени се од селото Ѓураковца кај Пеќ; Мифтарови (1 к.) доселени се од Косово; Асан (1 к.) доселени се од Долно Лисиче, а таму од Косово; Незирови (2 к.) доселени се од Славиња на Косово; Рустем (1 к.) доселени се од Мираш на Косово; Рамо (1 к.) доселени се во 1952 година од Славиња на Косово; Браим (1 к.) доселени се во 1946 година од Рашинце кај Штимле; Рушитови (2 к.) доселени се од селото Студеничани. А таму од Косово.

Албански

• Доселеници: Незирови (2 к.) доселени се од селото Прелаз на Косово; Реџепови (1 к.) доселени се од селото Ропалце кај Куманово; Муратовци (1 к.) доселени се од селото Љуботен во 1946 година; Емрулови (1 к.) доселени се од селото Отља кај Куманово.

Бошњачки

• Доселеници: Шабовиќи (2 к.) доселени се во 1927 година од Плав во Црна Гора; Мемедовиќи (2 к.) потекнуваат од Босна. Од таму се иселиле во Метохија, па околу 1933 година се доселиле во Идризово; Сеферовиќи (3 к.) доселени се во исто време во Идризово со претходниот род. И они потекнуваат од Босна. Од таму се иселиле во Ѓаковица, па во Идризово; Луковиќи (2 к.) потекнуваат од Босна. Од таму се иселиле во Плав, од Плав во Старо Дворане во Метохија, а во 1933 година се доселиле во Идризово.

Турски

• Доселеници: Амдиови (1 к.) доселени се од Скопје.

Торбешки

• Доселеници: Љутвиови (1 к.) доселени се од Долно Количани.

Општествени установи

• Црква „Воведение на Пресвета Богородица“ - Идризово или Пречиста - започнала да се гради 1996 година, а била осветена 1998 година.

Поврзано

• Наово — историско село во јужниот дел на атарот на Идризово

Надворешни врски

• Идризово на Ризницата