Википедија:Викиекспедиции 2019

Од Википедија — слободната енциклопедија
Прејди на прегледникот Прејди на пребарувањето
ВикиПроект
„Викиекспедиции“
Shared Knowledge Logo.svg
Викиекспедиции.svg
Wikipedia-logo-v2.svg
Кратенки:
ВП:ЕКСПЕДИЦИИ

Во текот на 2019 година е планирано да се организираат четири викиекспедиции, со кои би биле опфатени следните области:

  1. Славиште — дводневна експедиција (одржана);
  2. Општина Могила — дводневна експедиција (одржана);
  3. Охридско — дводневна експедиција (одржана); и
  4. Општина Долнени — дводневна експедиција (планирана).

Прва експедиција[уреди извор]

Славиште[уреди извор]

Самослик на учесниците на експедицијата

Дојде пролетта, а со тоа и почетокот на нашите Викиекспедиции :)

Попладнето 25 април 2019 година (четврток) се упативме кон областа Славиште, но и други села кои припаѓаат на денешната Општина Крива Паланка.

Овој пат, учесници на експедицијата беа Ehrlich91, Kiril Simeonovski, Полупрофесионален Шофер и Деан Лазаревски, кој ни се приклучи за прв пат.

Прв ден[уреди извор]

Бидејќи прогнозата за вториот ден на нашата експедиција беше лоша, со најава за врнежи од дожд во текот на целиот ден, одлучивме во петокот (првиот ден од нашата посета), да посетиме што е можно повеќе села, особено оние кои беа предизвикувачки и до кои имаше само земјени патишта.

Најпрвин, отидовме на нашиот појадок, четврт бурек со јогурт на бреговите на Крива Река во градот, од каде се упативме кон првото село за денот, Костур. Селото со познато име (како истоимениот град во Егејска Македонија) беше пусто, одвај неколкумина живеат уште таму.

Подоцна, се упативме кон поголемото село Узем, кое е поделено на многу маала, распослани долж македонско-бугарската граница, во непосредна близина на меѓународниот граничен премин „Деве Баир“.

На пат кон другите села, поминавме низ селото Жидилово, кое поседува подрачно училиште. Малку подоцна, скршнавме на регионалниот пат R2250. Прво село кое го посетивме беше Киселица, до кое се доаѓа по стрмен земјен пат, а горе имаше еден жител, кој порано возел камиони, но сега решил да се занимава со земјоделство. Тука беше првата покана да седнеме, да се напиеме една ракија :)

Откако се симнавме од Киселица, скршнавме повторно десно и отидовме кон селото Трново, до кое води асфалтиран пат. Во селото се наоѓа една од малкуте цркви во овој регион, црквата „Св. Никола“, чии помошни објекти се користат и како гласачко место. Поранешното училиште е претворено во хостел „Трновски ветар“.

Од Трново се вративме по истиот пат и продолживме да се движиме на север по регионалниот пат, доаѓајќи до селото Добровница, каде се наоѓа подрачно училиште и новоизградената црква „Св. Димитриј“, во близина на селските гробишта.

Од Добровница, повторно скршнавме десно и отидовме да ги посетиме селата Мала и Голема Црцорија, кои се разделени на многу маала. Од овој пат се доаѓа и до привремениот граничен премин со Србија, Црцорија-Голеш.

На следното скршнување, најпрвин мислевме дека дојдовме до маало на селото Крстов Дол, но подоцна разбравме дека сепак е маало на Голема Црцорија. Сепак, успеавме да фотографираме маало на селото Крстов Дол, заедно со уништената рударска флотација и незаштитено јаловиште.

На крај од овој регионален пат, стигнавме до селото Луке, големо и раздвижено село, каде се наоѓа подрачно училиште со десетина деца, селска црква „Св. Илија“ и селска црква „Св. Петка“. Кај селската црква „Св. Илија“ ни се приближи мештанин и истиот ни понуди да не однесе до црквата „Св. Петка“, сместена на државната граница со Србија, од каде се пружа неверојатен поглед на целата околина, заедно со пограничните области во Бугарија и Србија. Претходно, имавме одличен разговор со него по пат, но и во селската „кооперација“ :)

Кога завршивме со Луке, се упативме кон селото Подржи Коњ. По мешан пат, асфалтен и земјен, стигнавме до едно негово маало, а во подножјето го фотографиравме и подрачното училиште, каде се сместени и амбулантата и месната заедница на селото Луке.

Околу 15 часот рековме да се вратиме целосно до магистралниот пат Скопје-Софија, и да се одвоиме повторно по регионален пат до селото Огут. Попатно фотографиравме едно маало на селото Кркља.

До селото Огут, оддалечено околу 20-тина километри од градот Крива Паланка, води асфалтиран пат, во првиот дел и со обновен асфалт, а попатно се наоѓаат и селата Осиче и Метежево. Во преубави пејзажи, патот се движи низ недопрена природа на овој регион и навистина уживавме додека стигнавме до таму. Во Огут, се наоѓа и стара напуштена караула на АРМ, бидејќи од другата страна веќе се наоѓа градот Трговиште, во Србија.

Втор ден[уреди извор]

Бидејќи бевме сместени во вила во селото Дурачка Река, пред појадокот на вториот ден, се упативме најпрвин до селото Станци, каде поради далечината не отидовме да го посетиме Станечкиот Водопад на истоимената река, која се влива во Дурачка Река. Направивме фотографии од селото, подрачното училиште и од двете реки. Подоцна, го фотографиравме селото Дурачка Река и истоимената река, пред да се спуштиме во градот.

Пред појадокот, отидовме и до селото Кошари, сместено во близина на градот, до кое води само земјен пат.

Откако појадувавме во манастирскиот ресторан на манастирот „Св. Јоаким Осоговски“ се упативме кон селото Варовиште, од кое веќе направивме фотографии од патот кон селото Кошари, и кон селото Б’с, селото со најкратко име во Македонија. До Б’с води земјен пат, на моменти каллив и опасен.

Оттаму, се упативме кон селото Дрење, до кое води асфалтен, но многу стрмен пат, од градот. Од патот за селото ни се укажа шанса и го фотографиравме селото Лозаново, сместено на спротивниот рид.

По надополнување бензин, отидовме кон најголемото село во областа, Конопница, кое скоро е целосно споено со самиот град Крива Паланка. Ја фотографиравме убавата црква над селото „Св. Теодор Тирон“, како и подрачното училиште „Илинден“.

Попатно фотографивме и едно од маалата за селото Градец, иако за жал не успеавме да лоцираме пат до него, за да го фотографираме подетално.

Потоа, се исклучивме повторно од магистралниот пат, за да го фотографираме селото Т’лминци, а откако кратко се вративме на него, повторно се исклучивме за да стигнеме до селото Мождивњак и Борово. Најпрвин, отидовме кон селото Борово, до кое најпрвин имаше асфалтен пат, кој подоцна стана земјен и доста стрмен. Успеавме некако да стигнеме до ова високопланинско село и да направиме неколку фотографии. Кога се симнавме во Мождивњак, направивме круг и го најдовме едното подрачно училиште и селската црква „Св. Троица“.

За крај на денот кога веќе се доближуваше најавената бура, отидовме кон селото Длабочица, каде успеавме да ја најдеме црквата „Св. Никола“, изградена во 1928 година, напишано на плоча од времето на Кралството СХС.

Исход[уреди извор]

Со фотографирани 28 села и поминати над 480 километри, од кои добар дел по земјен терен, можеме да прогласиме уште една успешна Викиекспедиција.

Галерија[уреди извор]

Статии
Број Статија Фотографија Предмет на Википодатоци Забелешки
1. Б’с — село Поглед на Б’с.jpg Q2876601 значително подобрена статија
2. Борово — село Панорама на Борово.jpg Q2911318 значително подобрена статија
3. Варовиште — село Поглед на маалото Горно Варовиште на Варовиште.jpg Q3090905 значително подобрена статија
4. Габар — село Маалото Калвиница на Габар.jpg Q3090936 значително подобрена статија
5. Голема Црцорија — село Панорама на Голема Црцорија.jpg Q3089282 значително подобрена статија
6. Градец — село Панорама на Градец.jpg Q3113125 значително подобрена статија
7. Црква „Св. Никола“ - Длабочица — црква Поглед на црквата „Св. Никола“ во селото Длабочица, Кривапаланечко.jpg Q63969161 нова статија
8. Длабочица — село Поглед на Длабочица.jpg Q3033138 значително подобрена статија
9. Црква „Св. Димитриј“ - Добровница — црква Црква „Св. Димитриј“ - Добровница 5.jpg Q64009337 нова статија
10. ПУ „Јоаким Крчовски“ - Добровница — училиште Основно училиште во Добровница.jpg Q64009020 нова статија
11. Добровница — село Поглед на Добровница.jpg Q3033426 значително подобрена статија
12. Добровничка Река — река Реката Добровница.jpg Q61120551 значително подобрена статија
13. Дрење — село Поглед на Дрење.jpg Q3040254 значително подобрена статија
14. ПУ „Јоаким Крчовски“ - Дурачка Река — училиште Основно училиште во Дурачка Река 2.jpg Q64085480 нова статија
15. Дурачка Река — село Поглед на Дурачка Река.jpg Q537174 значително подобрена статија
16. ПУ „Јоаким Крчовски“ - Жидилово — училиште Основно училиште во Жидилово.jpg Q64268691 нова статија
17. Жидилово — село Куќи во Жидилово.jpg Q3090895 значително подобрена статија
18. Киселица — село Куќа во Киселица 2.jpg Q3133812 значително подобрена статија
19. Конопница — село Поглед на Конопница.jpg Q3087585 значително подобрена статија
20. ПУ „Илинден“ - Конопница — училиште Основно училиште во Конопница.jpg Q64706859 нова статија
21. Црква „Св. Теодор Тирон“ - Конопница — црква Поглед на црквата „Св. Теодор Тирон“ во селото Конопница 01.jpg Q20499912 нова статија
22. Костур — село Поглед на Костур.jpg Q3090948 значително подобрена статија
23. Кошари — село Куќа во Кошари.jpg Q3090929 значително подобрена статија
24. Кркља — село Маалото Пашина Воденица на Кркља.jpg Q3089312 значително подобрена статија
25. Крстов Дол — село Панорама на Крстов Дол.jpg Q3090911 значително подобрена статија
26. Рудник „Крстов Дол“ — рудник Флотацијата во Крстов Дол.jpg Q64785386 нова статија
27. Лозаново — село Поглед на Лозаново 2.jpg Q3087099 значително подобрена статија
28. Луке — село Поглед на Луке 2.jpg Q3044268 значително подобрена статија
29. ПУ „Јоаким Крчовски“ - Луке — училиште Основно училиште во Луке 2.jpg Q64815234 нова статија
30. Црква „Св. Илија“ - Луке — црква Црква „Св. Илија“ - Луке 6.jpg Q64869895 нова статија
31. Црква „Св. Петка“ - Луке — црква Црква „Св. Петка“ - Луке 4.jpg Q64870357 нова статија
32. Мала Црцорија — село Панорама на Мала Црцорија.jpg Q579470 значително подобрена статија
33. Метежево — село Куќи во маалото Вучковци на Метежево.jpg Q3087044 значително подобрена статија
34. Мождивњак — село Поглед на Мождивњак 3.jpg Q648566 значително подобрена статија
35. ПУ „Илинден“ - Мождивњак II — училиште Основното училиште „Илинден“ во селото Мождивњак 01.jpg Q65566780 нова статија
36. Црква „Св. Троица“ - Мождивњак — црква Црква „Св. Троица“ - Мождивњак.jpg Q24685036 нова статија
37. Огут — село Поглед на селото Огут.jpg Q3087095 значително подобрена статија
38. ПУ „Јоаким Крчовски“ - Огут — училиште Основното училиште во село Огут.jpg Q65684239 нова статија
39. Огутска Река — река Огутска Река.jpg Q20934113 нова статија
40. Осиче — село Поглед на селото Осиче 2.jpg Q3087159 значително подобрена статија
41. Подржи Коњ — село Поглед на Подржи Коњ.jpg Q3087133 значително подобрена статија
42. ПУ „Јоаким Крчовски“ - Подржи Коњ — училиште Основно училиште на Подржи Коњ 2.jpg Q65922713 нова статија
43. Станци — село Панорама на Станци.jpg Q3087140 значително подобрена статија
44. ПУ „Јоаким Крчовски“ - Станци — училиште Основно училиште во Станци.jpg Q65922729 нова статија
45. Дурачка Река — област Панорама на Станци.jpg Q65956776 нова статија
46. Станечка Река — река Станечка Река меѓу селата Станци и Дурачка Река.jpg Q20940545 нова статија
47. Козја Река — река Козја Река.jpg Q22090308 нова статија
48. Црква „Св. Никола“ - Трново — црква Поглед на црквата „Св. Никола“ во селото Трново.jpg Q12293220 нова статија
49. ПУ „Јоаким Крчовски“ - Узем — училиште Основно училиште во Узем.jpg Q65922744 нова статија
50. Т’лминци — село Поглед на Т’лминци.jpg Q3087163 значително подобрена статија
51. Трново — село Маало Вели Врв на селото Трново.jpg Q3087128 значително подобрена статија
52. Узем — село Куќи во Узем 2.jpg Q3087118 значително подобрена статија
53. Крстовска Река — река Крстовска Река 3.jpg Q22090859 нова статија
54. Лучка Река — река Лучка Река.jpg Q22091613 подобрена статија

Фотографии[уреди извор]

Сите фотографии направени за време на Викиекспедицијата во Славиште, веќе можете да ги најдете на следнава категорија:

Втора експедиција[уреди извор]

Општина Могила[уреди извор]

Самослик на учесниците на експедицијата

Викендот (8 и 9 јуни), членовите на Викиекспедиции, составени од Ehrlich91, Kiril Simeonovski, Полупрофесионален Шофер и повторно Деан Лазаревски, ја посетија Општина Могила. Ова беше втората експедиција предвидена за оваа година и беше спроведена мошне успешно.

Како и секогаш, кон нашето сместување во градот Битола се упативме уште попладнето во петокот, 7 јуни, со цел одморени да ја започнеме експедицијата.

Прв ден[уреди извор]

Се решивме експедицијата да ја започнеме од северниот дел на Општина Могила, односно од нејзините „планински“ села. Овие села се единствените кои, покрај Мојно на другиот крај од општината, кои се наоѓаат во подножје на некоја планина. Започнавме со селата во подножјето на Древеник, најпрвин од селото Трновци, за потоа да продолжиме кон селото Свето Тодори, во кое се искачивме и до манастирот „Св. Теодор Стратилат“, сместен над селото. Од парохискиот свештеник, кој го сретнавме во Лознанскиот манастир, разбравме дека манастирот не бил опожарен во текот на големите пожари околу Битола пред некоја година.

Потоа, продолживме и влеговме во малото село Подино, за веднаш после да навлеземе во големото низинско село Ивањевци, кое поседува и деветгодишно училиште со уреден двор и терени.

Негде во овој дел го изгубивме нашиот единствен преостанат знак „Викиекспедиции“ :(

Откако повторно се вративме на стариот пат Битола-Прилеп, свртевме во лево и отидовме да ги посетиме селата Лознани и Новоселани. Во селото Лознани се наоѓа нов манастир, посветен на Светите Кирил и Методиј, како и запуштена селска црква „Св. Атанасиј“. Додека, во селото Новоселани, селската црква „Св. Ѓорѓи“ е сместена на мала височинка над селото, од каде се пружа одличен поглед на тој дел од Пелагонија.

Потоа, повторно се вративме на стариот пат Битола-Прилеп и започнавме со посета на низинските села. Најпрвин, бидејќи ни беше по пат, влеговме во селото Клепач, кое официјално е дел од Општина Прилеп. Продолживме со посета на селото Ношпал, кое преку проект на Министерството за образование и наука добило убаво средено монтажно училиште. На крај, стигнавме до селото Добрушево, кое до 2004 година претставувало општинско средиште на истоимената општина. Селото поседува парк, нови игралишта, голема црква, па дури и мала бензинска станица од Макпетрол.

Како напредуваше жешкиот ден, така ние полека стигнавме до селата Мусинци и Мојно, сместени на другиот крај од општината. Во Мусинци успеавме да ги најдеме двете селски цркви, како и разурнатото минаре од некогашната џамија, додека во Мојно ја најдовме селската црква „Св. Атанасиј“.

По ова село, планот ни беше денот да го завршиме порано, бидејќи стана неиздржливо топло, па така влеговме само во селата Алинци, Црничани и Путурус. Алинци е мало село, кое нема ни сопствено училиште, иако има ученици. Во селото Црничани се помачивме да ја лоцираме селската црква, па дури добивме и лоши насоки од мештаните, додека во селото Путурус беше крајно неизводливо да дојдеме до главната селска црква „Св. Димитриј“ од 1880 год. сместена на височинка над селото. Во другата црква „Св. Петка“ се одржуваше свадба и моравме на два пати да се качуваме до нејзе за да направиме фотографија потребна за наши цели.

Втор ден[уреди извор]

Бидејќи имавме добро темпо минатиот ден, вториот ден го започнавме со посета на три поврзани села, сместени во Општина Битола. Тоа беа селата Долно Оризари, Карамани и Трн. Сите поседуваа сопствени цркви, а селото Долно Оризари, бидејќи е најблизу до градот, поседуваше и градинка, големо училиште и амбуланта. Необично, во селото Трн, веднаш до селската црква се наоѓа голем тениски терен, веројатно изграден од некој мештанин.

По овие села, отидовме кон селото Дедебалци, но бидејќи во непосредна близина е и селото Далбеговци, кое официјално е дел од Општина Новаци, решивме да го посетиме и него. Двете села поседуваат цркви со исто име, Воскресение Христово.

Потоа, се упативме кон споените села Трап и Будаково. Будаково е единственото останато турско село во областа, кое добило и џамија во поново време. Надвор од селото Трап се наоѓа заедничката црква за двете села.

Продолживме кон селата Радобор, Долна Чарлија и Горна Чарлија. Селото Радобор поседува мала стара црква, која лесно ја пронајдовме. Селото Горна Чарлија е тешко пристапно и делумно се движевме низ ниви, во кое никој не живее и има останато само неколку куќи. Селото Долна Чарлија е живо село и поседува црква „Св. Димитриј“ од XIX век.

Конечно дојдовме до општинското средиште, Могила. Бидејќи селото имаше фотографии од неговите општествени објекти, решивме да направиме фотографии само од селската црква и потоа веднаш се упативме кон преостанатите непосетени села, Долно Српци, Беранци и Вашарејца.

Во селото Беранци успешно се снајдовме и ги лоциравме трите селски цркви. Манастирот над селото е сместен во шума и забележавме доста луѓе отидени на пикник. Во селото Долно Српци ја најдовме црквата „Св. Теодор Тирон“, која ја погоди гром пред некоја година, како и гробјанската црква сместена надвор од селото, од каде всушност се пружаше и одличен поглед на селото.

На крајот на денот, сакајќи да ја фотографираме железничката станица „Даме Груев“, изгубивме доста време до нејзе и назад. За жал, од нејзе нема ништо останато. Потоа, отидовме до последното село Вашарејца, со што ставивме крај на уште една успешна експедиција.

Исход[уреди извор]

Со фотографирани 28 села и поминати 670 километри, имавме уште една одлична теренска прошетка.

Галерија[уреди извор]

Статии
Број Статија Фотографија Предмет на Википодатоци Забелешки
1. ПУ „Кочо Рацин“ - Трновци — училиште Основно училиште во Трновци.jpg Q65946926 нова статија
2. Црква „Рождество на Пресвета Богородица“ - Трновци — црква Црква „Рождество на Пресвета Богородица“ - Трновци 7.jpg Q65947018 нова статија
3. ПУ „Кочо Рацин“ - Свето Тодори — училиште Основно училиште во Свето Тодори.jpg Q65946951 нова статија
4. Црква „Св. Теодор Стратилат“ - Свето Тодори (селска) — црква Црква „Св. Теодор Стратилат“ - Свето Тодори.jpg Q65947053 нова статија
5. Црква „Св. Теодор Стратилат“ - Свето Тодори (манастирска) — црква Манастирска црква „Св. Теодор Стратилат“ - Свето Тодори.jpg Q65947068 нова статија
6. Светотодорски манастир — манастир Светотодорски манастир 2.jpg Q65946972 нова статија
7. Црква „Рождество на Пресвета Богородица“ - Подино — црква Црква „Рождество на Пресвета Богородица“ - Подино.jpg Q65947035 нова статија
8. ОУ „Кочо Рацин“ - Ивањевци — училиште Основно училиште „Кочо Рацин“ во Ивањевци.jpg Q20568698 подобрена статија
9. Црква „Св. Ѓорѓи“ - Ивањевци — црква Црква „Св. Ѓорѓи“ - Ивањевци 4.jpg Q65967327 нова статија
10. Параклис „Св. Петка“ - Ивањевци — параклис Параклис „Св. Петка“ - Ивањевци 3.jpg Q65967319 нова статија
11. ЖС „Лознани“ — железничка станица ЖС Лознани.jpg Q12906451 подобрена статија
12. Црква „Св. Атанасиј“ - Лознани — црква Црква „Св. Атанасиј“ - Лознани.jpg Q65993628 нова статија
13. Црква „Св. Кирил и Методиј“ - Лознани — црква Црква „Св. Кирил и Методиј“ - Лознани 2.jpg Q24230850 подобрена статија
14. Лознански манастир — манастир Лознански манастир 2.jpg Q65994268 нова статија
15. Црква „Св. Ѓорѓи“ - Новоселани (Битолско) — црква Црква „Св. Ѓорѓи“ - Новоселани, Битолско 2.jpg Q65992836 нова статија
16. Црква „Св. Архангел Михаил“ - Клепач — црква Црква „Св. Архангел Михаил“ - Клепач 4.jpg Q65994791 нова статија
17. ПУ „Браќа Миладиновци“ - Ношпал — училиште ОУ Браќа Миладиновци во Ношпал.jpg Q66049741 нова статија
18. Црква „Св. Петка“ - Ношпал — црква Црква „Св. Петка“ - Ношпал.jpg Q66049804 нова статија
19. Црква „Св. Никола“ - Ношпал — црква Црква „Св. Никола“ - Ношпал 3.jpg Q66049809 нова статија
20. ОУ „Браќа Миладиновци“ - Добрушево — училиште ОУ Браќа Миладиновци во Добрушево.jpg Q12909151 подобрена статија
21. Црква „Вознесение Христово“ - Добрушево — црква Црква „Вознесение Христово“ - Добрушево 3.jpg Q66049835 нова статија
22. Црква „Св. Атанасиј“ - Мојно — црква Црква „Св. Атанасиј“ - Мојно.jpg Q66049910 нова статија
23. Црква „Св. Петка“ - Мусинци — црква Црква „Св. Петка“ - Мусинци 4.jpg Q66049962 нова статија
24. Мусинички манастир — манастир Црква „Св. Петка“ - Мусинци.jpg Q66049975 нова статија
25. Црква „Рождество на Пресвета Богородица“ - Мусинци — црква Црква „Рождество на Пресвета Богородица“ - Мусинци 8.jpg Q66049966 нова статија
26. ПУ „Браќа Миладиновци“ - Мусинци — училиште Основно училиште во Мусинци.jpg Q66049767 нова статија
27. Црква „Св. Димитриј“ - Путурус — црква Црква „Св. Димитриј“ - Путурус 2.jpg Q66088015 нова статија
28. Црква „Св. Петка“ - Путурус — црква Црква „Св. Петка“ - Путурус.jpg Q66088031 нова статија
29. Путурушки манастир — манастир Црква „Св. Петка“ - Путурус 2.jpg Q66088036 нова статија
30. Црква „Рождество на Пресвета Богородица“ - Црничани — црква Црква „Рождество на Пресвета Богородица“ - Црничани 5.jpg Q66088045 нова статија
31. Црква „Св. Никола“ - Трн — црква Црква „Св. Никола“ - Трн 2.jpg Q66088053 нова статија
32. Црква „Св. Никола“ - Карамани — црква Црква „Св. Никола“ - Карамани 9.jpg Q66088062 нова статија
33. Параклис „Св. Петка“ - Карамани — параклис Параклис „Св. Петка“ - Карамани 2.jpg Q66088067 нова статија
34. ПУ „Даме Груев“ - Карамани — училиште Основното училиште во Карамани.jpg Q66088073 нова статија
35. ПУ „Даме Груев“ - Долно Оризари — училиште Основно училиште во Долно Оризари.jpg Q66088114 нова статија
36. Црква „Св. Петка“ - Долно Оризари — црква Црква „Св. Петка“ - Долно Оризари 2.jpg Q66088070 нова статија
37. Алинци — село Панорама на Алинци.jpg Q2837078 значително подобрена статија
38. Мусинци — село Панорама на Мусинци.jpg Q3075273 значително подобрена статија
39. Мојно — село Панорама на Мојно.jpg Q3075185 значително подобрена статија
40. Путурус — село Поглед на Путурус.jpg Q2371620 значително подобрена статија
41. Добрушевско-дедебалска парохија — црковна парохија Црква „Вознесение Христово“ - Добрушево 3.jpg Q66778056 нова статија
42. Црничани — село Традиционална куќа во Црничани.jpg Q3075267 значително подобрена статија
43. Црква „Св. Теодор Тирон“ - Долно Српци — црква Црква „Св. Теодор Тирон“ - Долно Српци.jpg Q66831598 нова статија
44. Горна Чарлија — село Поглед на Горна Чарлија.jpg Q3074622 значително подобрена статија
45. Трновци — село Куќи во Трновци.jpg Q3075256 значително подобрена статија
46. Свето Тодори — село Поглед на Свето Тодори 4.jpg Q3408440 значително подобрена статија
47. Подино — село Куќи во Подино.jpg Q3075170 значително подобрена статија
48. Новоселани — село Панорама на Новоселани, Битолско.jpg Q3074806 значително подобрена статија
49. Ивањевци — село Панорама на Ивањевци 2.jpg Q3074723 значително подобрена статија
50. Ношпал — село Поглед на Ношпал.jpg Q3075380 значително подобрена статија
51. Ивањевска парохија — црковна парохија Црква „Св. Ѓорѓи“ - Ивањевци 4.jpg Q68198582 нова статија
52. Лознани — село Панорама на Лознани.jpg Q3136324 значително подобрена статија
53. Долно Оризари — село Панорама на Долно Оризари.jpg Q3034238 значително подобрена статија
54. Карамани — село Сретселото во Карамани.jpg Q3086047 значително подобрена статија
55. Трн — село Панорама на Трн 2.jpg Q3039752 значително подобрена статија
56. Клепач — село Куќи во Клепач.jpg Q3087235 значително подобрена статија
57. Могилска парохија — црковна парохија Црква „Св. Архангел Михаил“ - Могила 6.jpg Q20573107 подобрена статија
58. Црква „Воскресение Христово“ - Далбеговци — црква Црква „Воскресение Христово“ - Далбеговци.jpg Q70485081 нова статија
59. ПУ „Славко Лумбарковски“ - Далбеговци — основно училиште Основно училиште во Далбеговци.jpg Q70482991 нова статија
60. Далбеговци — село Поглед на Далбеговци.jpg Q3012277 значително подобрена статија

Фотографии[уреди извор]

Сите фотографии направени за време на Викиекспедицијата во Општина Долнени, веќе можете да ги најдете на следнава категорија:

Трета експедиција[уреди извор]

Охридско[уреди извор]

Иако оддава впечаток дека од Охрид има многу фотографии, сепак тоа не е случајот со охридските села, распослани на планините Галичица и Мазатар. Многу од овие села немаа ниту една фотографија на Заедничката Ризница, поради што неминовно беше дека мораме да ги посетиме овие села.

Така, тргнувајќи во петок (23 август 2019 г.), се упативме кон нашата трета експедиција годинава. Повторно беа присутни истите четири членови од претходните две експедиции (Ehrlich91, Kiril Simeonovski, Полупрофесионален Шофер и Деан Лазаревски).

Прв ден[уреди извор]

Откако направивме план за денот за време на појадокот, се упативме кон најоддалечените села во Општина Охрид, а тоа се селата кои се наоѓаат лево и десно од регионалниот пат Охрид-Ресен.

Најпрвин пристапивме до селото Свиништа, сместено високо во планината и кое зазема прекрасна положба. Црквата во селото сместена на самиот влез во селото беше лесно воочлива и со тоа денот тргна лесно.

Потоа, се упативме кон селото Завој, кое веќе го видовме од патот кон Свиништа. Иако во последниот попис се вбројуваат само 12 жители, селото Завој поседува обновени куќи и не оддава впечаток на напуштено село. Селската црква е во добра состојба, со уреден двор, а на сретсело се наоѓа споменик од НОБ. Над селото се наоѓаат уште две цркви, до кои пробавме да отидеме, но бевме вратени од Шумска полиција, бидејќи важечка беше забраната за движење во шуми поради пожарите. Токму, кога ни објаснуваа дека може секој миг да се појави пожар, изби големиот пожар, кој гореше два дена меѓу селата Вапила, Опеница и Сирула.

Веќе тука, сфативме дека оваа експедиција нема толку глатко да ги поминуваме селата, бидејќи сите села нудеа бројни работи и имаа повеќе цркви. По Завој, свртевме на следната раскрсница за селата Плаќе, Речица и Куратица. До селото Плаќе води асфалтен пат, кој подоцна едно време прекинува, за повторно да се појави асфалт, феномен сретнуван повеќе пати од наша страна на експедициите. Селото поседува две цркви, уреден плоштад наречен „Илинден“ и селска чешма. И ова село, за време на пописот имало само 4 жители, но викендот беше раздвижено и полно со луѓе. Во селото Речица ја најдовме црквата „Св. Ѓорѓи“, која е заштитен споменик на културата, како и новата црква „Св. Кузман и Дамјан“, светители по кои се именувани бројни цркви во Охридско. На сретсело, мештанин од селото ни раскажа дека по изградбата на малата хидроцентрала, селото скоро и да нема вода за пиење, иако до него тече река. Големото село Куратица има бројни цркви и манастири и во него се задржавме долг период. Сепак бевме доста успешни во пронаоѓањето на сите цркви, па дури и на малите параклиси, а до некои од нив имавме вистинска офроуд авантура.

Потоа, се упативме до селото Опеница, каде пожарот веќе беше доста активен и гореа големи површини шума. Селото поседува убаво уреден манастир, прилично нов. До црквата подигнати се убави манастирски конаци со соби за ноќевање.

Веќе кон втората половина на денот рековме да ги посетиме уште селата околу Косел, па така најпрвин отидовме до селото Сирула, кое е доста мало и останата е само црквата, додека многу стари куќи се руинирани. Подоцна, дента прв пат посетиме рамничарско село, Ливоишта, каде е сместена црквата „Св. Наум Охридски“, која била подигната во 1974 година. Селото Вапила, каде доста силно се чувствуваше чадот од активниот пожар е мало и со издолжен карактер, каде куќи се наоѓаат на патот, кој води до селото Расино, до кое исто така отидовме. Во Расино е изградена нова црква посветена на „Св. Никола Талалеј“ во 2002 година.

Веќе кон крајот на денот, се искачивме до познатото село Скребатно, каде наголемо течеа подготовките во манастирот „Св. Богородица“ за претстојниот празник Голема Богородица. Во селото успешно ги најдовме и останатите две цркви. Сепак, во селото одвај и да има некоја зачувана куќа.

Бидејќи беше планот да јадеме во Вила Минами, последното село дента беше Горно Коњско (или само Коњско), до кое води стрмен пат во должина од 3 километри. Со фотографирање на селската црква „Св. Мина“ успешно го завршивме првиот ден.

Втор ден[уреди извор]

Вториот ден го започнавме од најјужното село во Охридско, односно Љубаништа. Бидејќи многу од црквите во селото беа веќе фотографирани, ние само направивме фотографии од селото, како и од главната селска црква.

Подоцна, се упативме кон селото Трпејца, кое иако се наоѓа веднаш до патот, не поседуваше многу фотографии, па ние ја најдовме главната селска црква и направивме фотографии од селото.

Во Пештани имавме проблем да ги изнајдеме сите цркви, но успешно ја најдовме средновековната црква „Св. Никола“ и главната селска црква „Св. Кузман и Дамјан“, како и новата црква „Св. Троица“.

Следно на список ни беше селото Елшани, кое наликува на селото Горно Коњско, како по патот до него, така и по местоположбата. Селската црква „Св. Илија“ е сместена во селото и преовладува во погледот на селото.

Откако се спуштивме од Елшани, отидовме кон селата Долно Коњско, за кое немавме среќа да ја најдеме црквата и се искачивме до Шипокно, над населбата Свети Стефан, каде се наоѓа истоимениот манастир сместен делумно во пештера.

Потоа, повторно се искачувавме на Галичица, одејќи кон Велестово, големо село, кое покрај главната селска црква, поседува уште една помала надвор од селото и една манастирска црква пред влезот во селото.

Во селото Рамне ги најдовме селската црква „Св. Илија“, сместена над сретселото, каде е сместена бистата на Јасна Ристеска, партизанка. Под селото е сместено и малото манастирче „Св. Атанасиј“, кое припаѓа на селото Рамне.

За крајот на денот се упативме кон селата Велгошти и Лескоец. Во двете села се задржавме долго време, бидејќи и двете села имаат над 15 цркви, а до некои од нив беше и тешко да се пристапи. Во Велгошти убаво се изненадивме од црквата „Св. Петка“, сместена на ридот Олмец, пештерната црква „Св. Богородица“, манастирската црква „Св. Илија“ и главната селска црква „Св. Климент Охридски“. Во селото Лескоец имавме малку полесна задача, бидејќи на истиот пат во селото се наоѓаат четири селски цркви: селската црква „Св. Спас“, поновата црква „Св. Никола“ во нејзина близина, црквата „Св. Тома“ и манастирската црква „Св. Наум Охридски“, каде што ја имавме и групната фотографија.

Исход[уреди извор]

На крајот на експедицијата, поминавме 24 села и над 700 километри и најверојатно ќе го поставиме рекордот на подигнати фотографии од една експедиција.

Галерија[уреди извор]

Статии
Број Статија Фотографија Предмет на Википодатоци Забелешки
1. [[]] — [[Податотека:|200п|]] wikidata:

Фотографии[уреди извор]

Сите фотографии направени за време на Викиекспедицијата во Општина Охрид, веќе можете да ги најдете на следнава категорија:

Поврзано[уреди извор]