Црква „Св. Никола“ - Небрегово
  Свети Никола
| |
Поглед на црквата | |
| македонска православна црква | |
| Епархија | Преспанско-пелагониска |
| Архијерејско намесништво | Прилепско |
| Парохија | Варошка |
| Местоположба | |
|---|---|
|
| |
| Координати | 41°26′58″N 21°33′37.2″E / 41.44944° СГШ; 21.560333° ИГД |
| Место | Небрегово |
| Општина | Долнени |
| Држава | Македонија |
| Општи податоци | |
| Покровител | Свети Никола |
| Завршено | 1882 |
| Архитектонски опис | |
Свети Никола – главна селска црква во селото Небрегово.[1] Сместена е на влезот од селото, непосредно по завршувањето на патот кој води од соседното село Дупјачани.
Историја[уреди | уреди извор]
Црквата била изградена во 1882 година.[2]
Архитектура[уреди | уреди извор]
Градбата на црквата е еднокорабна, полукружно засводена, со правоаголна основа и полукружна апсида на источната страна којашто е украсена со седум слепи ниши.[2] Главниот влез на црквата се наоѓа на западната страна и над него има ниша со фреска во лоша состојба на којашто е прикажан Свети Никола. Храмот има и спореден влез на јужната страна, а над него исто така има ниша со фреска во лоша состојба на којашто е насликан Архангел Михаил. Објектот е изграден од камен и е покриен со кров од ќерамиди. Во јужниот ѕид од надворешната страна на црквата е вѕидана мермерна плоча со релјефна претстава на Атина и Херкул. Пред црквата се наоѓа фрагментиран столб.[3]
Дворот на црквата е ограден со камена ограда и во него се сместени камбанаријата, помошен објект и селските гробишта. Камбанаријата има квадратна основа. Изградена е од камен и на секоја страна има по една монофора. Влезот на камбанаријата се наоѓа на источната страна.
Галерија[уреди | уреди извор]
-
Главниот влез на црквата -
Споредниот влез -
Апсидата -
Камбанаријата -
Влезот на камбанаријата -
Помошниот објект -
Селските гробишта
Поврзано[уреди | уреди извор]
- Селска Црква — археолошко наоѓалиште
- Небреговски манастир
- Црква „Св. Јован Крстител“ - Небрегово
- Небрегово
- Преспанско-пелагониска епархија
- Прилепско архијерејско намесништво
- Варошка парохија
Наводи[уреди | уреди извор]
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 19. ISBN 978-608-65143-2-7.
- ↑ 2,0 2,1 „Црква „Свети Никола“, село Небрегово“. OldPrilep. 14 мај 2012.
- ↑ Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. ISBN 9989649286.
Надворешни врски[уреди | уреди извор]
Црква „Св. Никола“ - Небрегово на Ризницата ?
