Црква „Св. Ѓорѓи“ - Вашарејца
  | |
Црквата Свети Ѓорѓи во Вашарејца | |
| Македонска православна црква | |
| Епархија | Преспанско-пелагониска |
| Архијерејско намесништво | Битолско |
| Парохија | Беранечка |
| Местоположба | |
|---|---|
| Населено место | Битола |
| Општина | Могила |
| Држава | Македонија |
| Општи податоци | |
| Покровител | Свети Георги |
| Изградба | 1862 |
| Осветување | 1883 |
| Архитектонски опис | |
| Портал „МПЦ“ | |
Свети Ѓорѓи — македонски православен христијански црковен храм во селото Вашарејца во Општина Могила недалеку од Битола. Црквата е сместена е на ридот над самото село и железничката пруга. Посветена е на светецот Свети Георги Победоносец чиј патронен празник на 6 мај е и селска слава на Вашарејца. Според натписот на црковнословенски кој стои над влезната врата изградбата на црквата започнала во 1862 година и траела, односно завршила во 1883 година, во времето кога во селото началници биле Ристе, Божин, Богдан, Илија и Георги Власак (од родот Власковци), Петко, Трпче, Стојан, Коле и Ангел. Внатрешноста на црквата е целосно живописана со многу убав фрескоживопис на кој се наоѓаат доста ретки и занимливи прикази на четворицата јавачи и апокалипсата, страшниот суд, пеколот и други мотиви од Библијата. Се зборува дека на 300 метри подалеку од црквата имало латински манастир[1]. Таму се пронаоѓани мермерни камења, од кои некои се пренесени кај црквата[2] и стојат на самата нејзина врата. Тоа место кое сега е утрина (пасиште) се вика Манастириште. На самиот врв на ридот на стотина метри над црквата е поставен голем петнаесетина метарски железен крст кој треба да биде осветен на собирот по повод Вашарејски средби во третата недела до месец јули 2015, на што се очекува да присуствуваат и претседателот на Македонија, Ѓорѓе Иванов и архиепископот охридски и Македонски на МПЦ, г.г. Стефан[3]. Во дворот на црквата се наоѓаат и селските гробишта.
Галерија[уреди | уреди извор]
Влезот на црквата Св. Ѓорѓи
Фреска со приказ на четворицата јавачи и апокалипсата
Натпис со податоци за изградбата
Фреска од Исус Христос
Фрескоживопис на западниот ѕид со натписот за изградбата над влезната врата
Новопоставениот крст, непосредно до црквата
