Црква „Успение на Пресвета Богородица“ - Велестово

Од Википедија — слободната енциклопедија
Прејди на: содржини, барај
Coat of arms of the Macedonian Orthodox Church.png
Macedonian cross.svg
Успение на Пресвета Богородица
Church-Velestovo.JPG

Црквата „Успение на Пресвета Богородица“ во селото Велестово

Македонска православна црква
Епархија Дебарско-кичевска
Архијерејско намесништво Охридско
Парохија Деветта охридска
Местоположба
Населено место Велестово
Општина Охрид
Држава Македонија
Општи податоци
Покровител Пресвета Богородица
Изградба XV век
Живопис 1444-1451 година
Архитектонски опис
Портал „МПЦ“

Црквата Успение на Пресвета Богородица (во селото позната и како Пресвета Богородица Пречиста) се наоѓа во селото Велестово на падините на планината Галичица, на околу 5 километри од Охрид. Станува збор за мала црква во еднокорабна градба со полукружен свод и тространа апсида однадвор. Како материјали за градба се употребени кршен и делкан камен[1].

Живописот во црквата е изведен во две фази. Едната, според натписите (на старословенски јазик) започнала да се изведува во 1444 година, додека втората во 1451 година. Двете фази на сликањето на живописот се издвоени. Зографот што ја работел првата фаза се покажува како доста зрел, што не може да се каже за авторот што ја работел втората фаза. Фреските целосно го презентираат трендот што владеел во времето на османлиското присуство во Македонија[2].

Во еден натпис што се наоѓа, од 1451 година, се споменува охридскиот архиепископ Никола во чие време е извршено живописувањето на црквата. Интересно е да се напомене дека нема други извори во кои се споменува дека на чело на Охридската црква бил архиепископот Никола[3]. Во натписот исто така е запишано место со име Глогово, кое веројатно било некогашно село на Галичица. Во кругот на црквата се наоѓаат менза и селските гробишта.

Наводи[уреди | уреди извор]

Галерија[уреди | уреди извор]