Лозаново

Од Википедија — слободната енциклопедија
Прејди на прегледникот Прејди на пребарувањето
Лозаново
Поглед на Лозаново 2.jpg

Поглед на селото Лозаново

Лозаново is located in Македонија
Лозаново
Местоположба на Лозаново во Македонија
Координати 42°13′30″N 22°19′54″E / 42.22500° СГШ; 22.33167° ИГД / 42.22500; 22.33167Координати: 42°13′30″N 22°19′54″E / 42.22500° СГШ; 22.33167° ИГД / 42.22500; 22.33167
Регион Logo of Northeastern Region, North Macedonia.svg Североисточен
Општина Coat of arms of Kriva Palanka Municipality.svg Крива Паланка
Област Славиште
Население 53[1] жит.
(поп. 2002)
Пошт. бр. 1330
Повик. бр. 031
Надм. вис. 901 м
Лозаново на општинската карта
Лозаново во Општина Крива Паланка.svg

Атарот на Лозаново во рамките на општината
Commons-logo.svg Лозаново на Ризницата


Лозаново — село во областа Славиште, во Општина Крива Паланка, во околината на градот Крива Паланка.

Географија и местоположба[уреди | уреди извор]

Поглед на селото

Селото се наоѓа во областа Славиште, речиси во средишниот дел на територијата на Општина Крива Паланка, непосредно до самиот град Крива Паланка, така што припаѓа на неговата рурбална зона.[2] Селото е ридско, чии маала се сместени на надморска височина од 900 метри.[2]

Куќите на ова мало село се наоѓаат во сува долина, северозападно од градот Крива Паланка. Во долниот дел на долината се наоѓа маалото Лозаново со само две куќи, додека останатите маала се наместени повисоко во долината, како што се: Станојковско, Пупевско, Ангеловско и Јовановско.[3]

Месностите во атарот ги носат следниве имиња: Барлијска Чука, Бабин Камен, Чука, Анче, Јанково, Рид, Маџово, Шилегарник, Аѓачово, Крст, Камен, Солиште и Страна.[3]

Во периодот 1994-2002, маалото Лозаново било отстрането од атарот на селото и било пренесено во градското подрачје на Крива Паланка, што може да се забележи во драстичниот пад на жители на селото.

Селото Лозаново се наоѓа северозападно од градот Крива Паланка, во негова непосредна близина. На запад и северозапад се граничи со селото Градец, на североисток со селото Дрење и на југоисток со градот Крива Паланка.

Историja[уреди | уреди извор]

На атарот на селото постојат остатоци од некогашна населба, како што се гробови и врчви. Сепак, таа населба пропаднала од некоја причина.[3]

За денешното село се кажува дека е ново, основано од доселеници во средината на XIX век. Дошле на земјиште поседувано од Турци и најпрвин било основано маалото Лозаново, сместено веднаш до самиот град Крива Паланка. Останатите маала сместени повисоко се создадени подоцна.[3]

Во XIX век, Лозаново било село во Кривопаланечка каза, на Отоманското Царство.

Стопанство[уреди | уреди извор]

Атарот е мошне мал и зафаќа простор од 3,3 км². На него преовладува обработливото земјиште на површина од 167 хектари, на пасиштата отпаѓаат 87 хектари, а на шумите 68 хектари.[2]

Селото, во основа, има полјоделска функција.[2]

За време на Отомаското Царство, селаните ја обработувале земјата на Турците, која подоцна ја откупиле. Во минатото селото имало развиено сточарство.[3]

Население[уреди | уреди извор]

По Првата светска војна селото било дел од општината Градец и имало 110 жители.[4]

Поради близината до градот, Лозаново имало позитивен популациски биланс, бидејќи бројот на жители се зголемил од 130 жители во 1961 година, на 517 жители во 1994 година.[2]

Според последниот попис од 2002 година, во селото Лозаново живееле 53 жители, од кои 52 Македонци и 1 Бошњак.[1]

Во табелата во продолжение е направен преглед на населението во сите пописни години:

Година 1900[5] 1905[6] 1948 1953 1961 1971 1981 1991 1994 2002
Население 127 136 130 119 223 503 517 53
Извор за 1948-2002 г.: Државен завод за статистика на РМ.[7]

Родови[уреди | уреди извор]

Лозаново е македонско село.[3]

Родови во селото се:

Според истражувањата од 1975 година, родови во селото се:

  • Доселеници: Јовановци или Барлинци (5 к.), Станојковци (4 к.), Ангеловци (4 к.), Пупевци или Митевци (3 к.) и Ристовци (2 к.), доселени се пред стотина години, но не знаат од каде се доселени. Во првиот род се знае следната генеологија Мите (жив на 65 год. во 1975 година) Младен-Јован, кој се доселил во селото; Анѓеловци (4 к.) потекнуваат од домазет кој се доселил од селото Осиче.

Самоуправа и политика[уреди | уреди извор]

Селото влегува во рамките на Општина Крива Паланка, која била една од малкуте општини, кои не биле променети по новата територијална поделба на Македонија во 2004 година.

Во периодот од 1955 до 1996 година, селото се наоѓало во рамките на големата општина Крива Паланка.

Во периодот 1952-1955, селото било дел од тогашната Кривопаланечка градска општина, во која покрај градот Крива Паланка, се наоѓале и селата Б’с, Варовиште, Дренак, Дрење, Дурачка Река, Киселица, Конопница, Кошари, Лозаново, Мартиница и Станци. Во периодот 1950-1952, селото, исто така, било дел од некогашната Кривопаланечна градска општина, во која влегувале градот Крива Паланка и селата Варовиште, Дрење, Кошари и Лозаново.

Изборно место[уреди | уреди извор]

Селото е опфатено во изборното место бр. 0948 според Државната изборна комисија, кое опфаќа и дел од градот Крива Паланка, сместено во основното училиште „Јоаким Крчовски“.[8]

На претседателските избори во 2019 година, на ова изборно место биле запишани вкупно 838 гласачи.[9]

Редовни настани[уреди | уреди извор]

  • Велигден — собир на селаните
  • Духовден — селска слава, кога мештаните се собираат кај селската црква на Градец, каде се закопуваат и починатите од Лозаново

Иселеништво[уреди | уреди извор]

Иселеништво има воглавно кон Крива Паланка.[3]

Поврзано[уреди | уреди извор]

Наводи[уреди | уреди извор]

  1. 1,0 1,1 „Попис на Македонија“ (PDF). Завод за статистика на Македонија. 2002. конс. 22 јуни 2019. 
  2. 2,0 2,1 2,2 2,3 2,4 Панов, Митко (1998) (на македонски). Енциклопедија на селата во Република Македонија. Скопје: Патрија. стр. 181. https://commons.wikimedia.org/wiki/File:%D0%95%D0%BD%D1%86%D0%B8%D0%BA%D0%BB%D0%BE%D0%BF%D0%B5%D0%B4%D0%B8%D1%98%D0%B0_%D0%BD%D0%B0_%D1%81%D0%B5%D0%BB%D0%B0%D1%82%D0%B0_%D0%B2%D0%BE_%D0%A0%D0%B5%D0%BF%D1%83%D0%B1%D0%BB%D0%B8%D0%BA%D0%B0_%D0%9C%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0.pdf. посет. 24 јуни 2019 г. 
  3. 3,0 3,1 3,2 3,3 3,4 3,5 3,6 Трифуноски, Јован (1973). Кривопаланачка област. Загреб: Хрватска академија на науките и уметностите. стр. 320-322. 
  4. Списък на населените места в Македония, Моравско и Одринско, София, 1917, с. 29.
  5. К’нчов, Васил. „Македонија. Етнографија и статистика“. Софија, 1900
  6. Brancoff, D.M. „La Macédoine et sa Population Chrétienne“. Paris, 1905.
  7. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика. 
  8. „Описи на ИМ“. конс. 24 јуни 2019. 
  9. „Претседателски избори 2019“. конс. 24 јуни 2019. 

Надворешни врски[уреди | уреди извор]