Добровница

Од Википедија — слободната енциклопедија
Прејди на прегледникот Прејди на пребарувањето
Добровница
Добровница се наоѓа во Republic of Macedonia
Добровница
Местоположба на Добровница во Македонија
Координати 42°16′37″ СГШ 22°19′26″ ИГД / 
Општина Coat of arms of Kriva Palanka Municipality.svg Крива Паланка
Население 168 жит.
(поп. 2002)
Пошт. бр. 1334
Надм. вис. 964 м

Добровница (Дубровница) е село во Општина Крива Паланка. До крајот на минатиот век за селото се употребуваше името Дубровница. Поштата и училиштето имаа печат со тоа име. Меѓутоа личните карти се издаваа на име Добровница. Во почетокот на овој век и личните карти се издаваа на име Дубровница, потоа се издаваат на име Добровница. Жителите на селото, како и жителите на околните села го користат името Дубровница.

Географиja и местоположба[уреди | уреди извор]

Селото се наоѓа северно од Крива Паланка, на ридско-планински предел. Селото е дел од географската област Славиште. Зафаќа површина од 14,64 квадратни километри. Селото е од разбиен тип. Поделено е на шест селски маала (Речанска Маала, Србиновци, Рашки Рид, Клинчарци, Бељаковци и Гарваница). На северозапад се граничи со селото Подржи Коњ, на север со селото Крстов Дол, на североисток со селата Голема Црцорија и Мала Црцорија, на југоисток со селото Киселица и на југозапад со селото Осиче. Преку селото поминува асфалтен локален пат кој преку селото Киселица го поврзува селото со Магистралниот пат Крива Паланка - Деве Баир, како и со соседните села Мала Црцорија, Голема Црцорија, Крстов Дол, Подржи Коњ и Луке. Во последно време патот прерасна во меѓународен бидејќи е отворен малограничен премин со Србија кај селата Голема Црцорија и Голеш. Но и покрај тоа што сега патот е меѓународен, се наоѓа во многу лоша состојба.

Историja[уреди | уреди извор]

Според бугарскиот етнограф Васил К’нчов, кон крајот на 19 век селото било средно по големина и во 1900 година имало 320 жители Христијани Македонци и 20 Роми.[1] (Овој податок за Ромите не е веродостоен. Според народното предание во поновата историја на селото никогаш во него не живееле постојано населени Роми. На неколку години доаѓале Роми номади (калајџии) и тука се задржувале краток период. Некаде од седумдесеттите години на минатиот век повеќе не доаѓаат бидејќи повеќе не се употребуваат бакарни садови.) Од другата страна пак, според бугарскиот публицист Димитар Мишев, селото во 1905 година имало 328 Христијани.[2]

Според народното предание селото постоело уште во XVII век. Било село од збиен тип и се наоѓало во близина на сегашните гробишта. Во селото имало црква. По задушувањето на Карпошовото востание селаните биле принудени да го напуштат селото и заедно со Австриската војска се повлекле на север. Подолг период селото останало без жители. Во втората половина на XVIII век во селото повторно почнало доселување. Најпрво е населена Речанска Маала (не се знае од каде се доселени). Потоа во Србиновци се населува едно семејство по потекло од Шумадија - Република Србија. Следува населување на маалото Бељаковци од кумановското село Бељаковце. Маалата Рашки Рид и Клинчарци се населени кон крајот на XIX век од соседното село Осиче, а во тој период е населено и маалото Гарваница од селата Осиче и Подржи Коњ. Селската црква е изградена од жителите на селото околу 1936/37 година на темелите на црквата која е срушена во 1689 година од страна на Османлиите.

Селото Добровница е осудено на одумирање, како и сите други села во кривопаланечкиот регион кои не се наоѓаат непосредно покрај магистралниот пат Куманово - Деве Баир. Во шеесеттите години од минатиот век во селото живееле повеќе од 400 жители. Во селото имало 11 воденици. Во моментов во селото живеат 60-70 постојани жители, а не работи ни една воденица.

Демографија[уреди | уреди извор]

Според пописот на населението на Македонија од 2002 година, селото има 168 жители, од кои 166 Македонци и 2 Срби.

Општествени установи[уреди | уреди извор]

Во селото постои основно училиште кое е пред затворање бидејќи работи само со десетина ученици. Има пошта и месна канцеларија кои последниве години не работат. Во селската амбуланта еднаш неделно доаѓа лекар од здравствениот дом во Крива Паланка.

Наводи[уреди | уреди извор]

  1. Кънчов, Васил. Македония. Етнография и статистика, София, 1900, стр. 224.
  2. Brancoff, D.M. La Macédoine et sa Population Chrétienne, Paris, 1905, рр. 142-143.

Поврзано[уреди | уреди извор]

Надворешни врски[уреди | уреди извор]