Дувало
| Дувало Коселска Чадилка | |
|---|---|
 Поглед на Дувало кај с. Косел, Охридско | |
| Највисока точка | |
| Надм. вис. | 740 м |
| Координати | 41°10′9″N 20°50′13″E / 41.16917° СГШ; 20.83694° ИГД |
| Географија | |
Дувало Коселска Чадилка на карта
| |
| Место | Косел, Охридско |
| Геологија | |
| Вид | Чадилка |
| Вулкански лак/појас | Охридско-Коселска Вулканска Област |
Дувало, позната и како Коселска Чадилка — чадилка, остаток од некогашниот активен вулкан кој се наоѓа во близина на селото Косел, во сливот на Коселска Река која се влева во Охридското Езеро.
Надморската висина на фумаролата е 740 метри. Тоа е кратер со пречник од 0,5 метри и длабина од околу 30 сантиметри од кој избива сулфур диоксид и јаглерод диоксид.[1] Мирисот на сулфур се чувствува во пречник од околу три километри. Дувало е заштитено како споменик на природата.[2]
Косел во поранешна Југославија во учебниците по географија за основно образование бил опишан како ретка геолошка појава, единствен активен вулкан на Балканот. Според Институтот за географија при Природно-математичкиот факултет во Скопје, Дувало не е вулкан, тука немало излевање на магма, туку пукнатина од која излегуваат гасови.[1]
Историја[уреди | уреди извор]
Солфатарата низ историјата станала култно место во Охридско. Поради лечење на кожни болести тука доаѓале луѓе и од другите оддалечени краеви на државата. Исто така, мештаните потврдуваат дека поради споменатиот сулфур во воздухот, селото било поштедено од маларични комарци и маларија, која била редовна појава во другите села.[3]
Галерија[уреди | уреди извор]
.jpg)
Поврзано[уреди | уреди извор]
Наводи[уреди | уреди извор]
- ↑ 1,0 1,1 Се активира вулканот во Косел Архивирано на 6 јули 2017 г. на семрежната страница на Нова Македонија
- ↑ „Споменик на природата Дувало“. Архивирано од изворникот на 2014-05-29. Посетено на 2017-12-04.
- ↑ Трифуноски, Јован Ф. (1992). Охридско-струшка област : антропогеографска проучавања. Београд: Српска академија наука и уметности. ISBN 8670251582. OCLC 27418468.
Литература[уреди | уреди извор]
- Марковић, Јован Ђ. (1990). Енциклопедијски географски лексикон Југославије. Сарајево: Свјетлост. ISBN 978-86-01-02651-3.
- Повеќе автори (1968): Мала енциклопедија Просвета, Просвета, Београд; књига 1 (А-Љ)
Надворешни врски[уреди | уреди извор]
 |
„Дувало“ на Ризницата ? |