Висок Рид (Букри)

Од Википедија — слободната енциклопедија
Прејди на прегледникот Прејди на пребарувањето
Висок Рид
археолошко наоѓалиште
Висок Рид is located in Археолошки локалитет во Македонија
Висок Рид
Висок Рид
(Грешка во скриптата: Нема модул наречен „Location map/old“.)
Местоположба 40°56′51″N 21°30′21″E / 40.94750° СГШ; 21.50583° ИГД / 40.94750; 21.50583Координати: 40°56′51″N 21°30′21″E / 40.94750° СГШ; 21.50583° ИГД / 40.94750; 21.50583
Основни податоци
Име Висок Рид
Место Букри
Општина Битола
Тип

Археомак 2.0 графички знак (населба).svg населба

Период енеолитско време
бронзено време
раноантичко време
Портал „Археологија“  • Проект „Археомак“

Висок Рид — археолошки локалитет во битолското историско село Букри. Локалитетот претставува населба од енеолитско , бронзено и раноантичко време. Се наоѓа на околу 600 m од јужната страна на селото, на десниот брег на Црна Река, каде има тумба со пречник во основата од 70 m и височина од 3 m. Поголем дел од источната половина на тумбата е оштетен со ерозија од реката. Во 1980 година е извршено сондажно ископување при што во културниот слој се утврдени две фази на живеење, како и неколку нивни интерни потфази, проследени со многубројни фрагменти од керамички садови и орудија од камен, кремен и коска. Постарата е енеолитска, а помладата од бронзеното време. Наодите се чуваат во Заводот и музеј во Битола.[1]

Во најновите истражувања откриени се културни слоеви од раната антика и се смета дека тука се наоѓа древниот македонски град Линк, кој бил родното место на Евридика, мајката на големиот војсководец Филип II Македонски, а односно баба на Александар Македонски. Овој град постоел од 6 до 2 век пред нашата ера. Во 1954 година археологот Олга Дурацу од Битола ископала грнчарија од црно и црвено фигурално сликарство од 5 и 6 век пред нашата ера. Тука е пронајдена и ваза бел лекит, која му припаѓала на народот од Атина. Овие наоди денес се чуваат во битолскиот Завод и музеј. Според бугарскиот археолог Васил Лахтов, за време на Првата светска војна, поточно во 1917 година, криејќи се по рововите, војници пронашле археолошки надои кои потоа биле однесени надвор од земјава, а до денес не се знае точно каде.

Поврзано[уреди | уреди извор]

Наводи[уреди | уреди извор]

  1. Коцо, Димче (1996). Археолошка карта на Република Македонија. Скопје: МАНУ. ISBN 9789989101069

Надворешни врски[уреди | уреди извор]