Кале (Лера)

Кале — археолошко наоѓалиште во битолското село Лера. Претставува населба од доцноантичко време . Се наоѓа западно од селото, на блага височинка со надморска височина од 810 м, на левиот брег на реката Шемница каде се гледаат контурите на одбранбен бедем обраснати со вегетација. По површината се среќаваат доста фрагменти од керамички садови, питоси и градежен материјал. Калето зафаќа површина од околу 1 хектар, а претставува дел од одбранбениот систем поврзан со калињата во селата Доленци и Стрежево.

Поврзано

• Калуѓери — населба од средниот век;
• Кора — населба од доцноантичко време;
• Барбеш — светилиште од непознат период;
• Лера;
• Список на археолошки наоѓалишта во Битолско;