Бара Тумба (Породин)

„Бара Тумба“ археолошко наоѓалиште
Бара Тумба Бара Тумба ()
Местоположба	40°55′59″N 21°22′0″E
Основни податоци
Име	Бара Тумба
Место	Породин
Општина	Битола
Тип	населба
Период	неолитско време
Портал „Археологија“  • Проект „Археомак“

Бара Тумба — археолошки локалитет во битолското село Породин. Локалитетот претставува населба од неолитско време. Се наоѓа во рамното поле, на околу 1,8 km источно од селото, а на околу 800 m западно од современиот пат Битола-Лерин. По обликот и димензиите е слична на многубројните тумби во Пелагонија. Со интензивното обработување на земјата, а уште повеќе со изградбата на каналот за наводнување и со трасирањето на селскиот пат, тумбата е значително оштетена. Така, денес таа е сосема рамна и малку се издвојува од околниот терен. Во 1978 и 1979 година се извршени заштитни ископувања при што се констатирани два хоризонта на живеење. Постариот хоризонт му припаѓа на средниот неолит, а помладиот на доцниот неолит и преминот во енеолитското време. Од откриениот материјал најмногубројни се керамичките садови и орудијата од камен и кремен. Наодите се чуваат во Заводот и музеј во Битола.

Поврзано

• Тумба - населба од неолитско време;
• Дупки - локалитет од непознат тип и период;
• Школо - локалитет од непознат тип и период;
• Црквиште - локалитет од непознат тип и период;
• Породин;
• Список на археолошки локалитети во Битолско;