Тумба (Карамани)
Тумба — археолошко наоѓалиште во битолското село Карамани. Претставува населба од неолитско, бакарно и бронзено време . Се наоѓа на околу 1,5 км источно од селото и на околу 2 км јужно од селото Трн, покрај десниот брег на реката Драгор. Во основата има пречник од околу 250 м и зачувана височина од 6 м. Тумбата е делумно оштетена уште во Првата светска војна со копање на војнички ровови и бункери. Во археолошката литература е позната од 1938 година со рекогносцирањата што ги извршил W. A. Heurtley[1]. По површината на тумбата се среќаваат множество фрагменти од керамички садови и орудија од камен и кремен. Во текот на 1974 година се извршени археолошки ископувања при што е пронајдена повеќеслојна стратиграфија со 4 хоризонти на живеење, од кои два неолитски и по еден од бакарното и ранобронзеното време. Наодите се чуваат во Заводот и музеј во Битола.[2]
Поврзано[уреди | уреди извор]
- Ќосеица — населба од римско време;
- Карамани;
- Список на археолошки наоѓалишта во Битолско;
Наводи[уреди | уреди извор]
- ↑ Prehistoric Macedonia W. A. Heurtley: Prehistoric Macedonia. An archaeological reconnaissance of Greek Macedonia (west of the Struma) in the Neolithic, Bronze, and Early Iron Ages. Pp. xxviii+ 276; 1 маp, 112 figures, 24 plates. Cambridge: University Press, 1939. Cloth, 63s
- ↑ Коцо, Димче (1996). Археолошка карта на Република Македонија. Скопје: МАНУ. ISBN 9789989101069
![]() | Оваа статија поврзана со археологијата на Македонија е никулец. Можете да помогнете со тоа што ќе ја проширите. |
- Археолошки наоѓалишта во Македонија
- Археолошки наоѓалишта во Македонија од неолитско време
- Археолошки наоѓалишта во Македонија од бакарно време
- Археолошки наоѓалишта во Македонија од бронзено време
- Археолошки наоѓалишта во Македонија од типот на населба
- Карамани
- Археолошки наоѓалишта во Општина Битола
- Никулци за археологијата на Македонија
- Археолошки наоѓалишта во Битолско