Градски Пат (Драгарино)

Градски Пат или Стари Лозја — археолошко наоѓалиште во битолското село Драгарино. Претставува населба од хеленистичко и римско време. Се наоѓа на 300 м источно од селото. По површината на нивите има множество фрагменти од керамички садови, покривни ќерамиди, тули и друг градежен материјал. Оттука потекнуваат монети од бронза (Коинон Македонон), а според кажувањето на месен жител, најдени се бронзени монети од хеленистичкото време, како и белезици од бронза со краеви што завршуваат во форма на змиска глава. Наодите се чуваат во Заводот и музеј во Битола.

Поврзано

• Коловозник — црква и некропола од средниот век;
• Драгарино;
• Список на археолошки наоѓалишта во Битолско;