Киевско метро

Од Википедија — слободната енциклопедија
Прејди на прегледникот Прејди на пребарувањето
Киевско метро
Київський метрополітен
Zoloti Vorota metro station Kiev 2010 01.jpg
Општо
Сопственик Градски совет на Киев
Место Киев
Тип на превоз метро
Бр. на линии 3
Бр. на станици 50
Патници дневно 1,38 млн
Мреж. место http://www.metro.kiev.ua/
Сообраќање
Почнал 1960
Превозник Киевско мметро
Бр. на возила 664 возила (со 131 возови)
Технички податоци
Долж. на системот 65,18 км
Колосек 1520 мм

Киевското метро (украински: Київський метрополітен или Київське метро) е метро кое се наоѓа во престолнината на Украина, Киев. Метрото претставува главен столб на јавниот превоз во градот. Ова метро било првото кое било изградено во Украина, и трето во СССР, по оние во Москва и Ленинград.

Историја[уреди | уреди извор]

Идејата за изградба на брз транзитен систем во Киев потекнува од 1916 година, кога грпа од руско-американски бизнисмени правиле обид за спонзорство на проектот. По падот на царската власт во земјата, Павло Скоропадски бил исто така заинтересиран за изградба на системот, но по доаѓањето на власт на комунистите, проектот пропаднал целосно.

По крајот на Руската граѓанска војна, Киев станал само еден од повеќето провинциски градови, чија важност била намалена. Ова се променило по две децении кога во 1934 година, престолнината на Украина била преместена од Харков во Киев. По само две години, Киевскиот општински совет испратил барање за изградба на подземен транзитен систем. Подготовките за изградба започнале во 1938 година, но истиот проект пропаднал во 1938 година, кога бил познат фактот дека светот се наоѓа пред нова голема војна.

Во текот на војната, градот бил разрушен во голема мера. Поради ова, по војната започнала голема реконструкција и обновување на градот. Подготовките за изградба на метро започнеле во август 1949 година. По единаесет години биле изградени првите 5,2 километри. Во следните години, метрото постојано се проширувало, а како главни фази од истото важат годините 1963, 1971 и 2003 година.

Денеска, метрото има три линии со вкупна должина од 65,18 километри и 50 станици. Целосниот транспортен систем се проценува на 1.380.000 патници дневно, или 42,5% од вкупниот јавен транспорт во градот. Во 2010 година, вкупниот број на патници ја надминала бројката од 504.200.000 патници.

Арсеналната станица се наоѓа на 105 метри под земјата.