Владимир Руменов

Од Википедија — слободната енциклопедија
Прејди на: содржини, барај
Vladimir Rumenov.jpg
Роден 1 мај 1870
Крушево, Македонија
Починал 20 јануари 1939
Софија, Бугарија

Владимир Иванов Руменов, вистинско име Наум Мушевски (1 мај 1870 - 20 јануари 1939) — македонски револуционер, учесник во македонското револуционерно движење, деец на Македонската револуционерна организација, тој е еден од поистакнатите претставници на македонската емиграција во Бугарија каде што активно се занимавал со општествена работа и учествувал во политичкиот живот на оваа земја како преставник на Македонската парламентарна група.

Биографија[уреди | уреди извор]

Владимир Руменов е роден 1870 година во градот Крушево, тогаш во Отоманската империја. Завршил духовна семинарија во Киев и медицина во Москва, 1896 година. Работел како лекар во Скопје помеѓу 1898-1901 година и истовремено бил член на Скопскиот окружен комитет на Организацијата. Осомничен од турската власт поради револуционерната дејност и емигрирал во Софија, каде што се вработил на во бугарската армија.

На 5 август 1903 година со иницијатива на Александар Протогеров, во Софија 14 бегалски македонски братства ја формирале (Општи) бегалска комисија со претседател Александар Протогеров, потпретседател Лазар Лазаров, секретари Евтим Спространов и Георги Разлогов и советник Владимир Руменов, на местото на рспуштениот Македонски комитет [1].

Во текот на Илинденското востание, Руменов го надгледувал ѓуешевскиот пункт на Организацијата [2]. По Младотурската револуција се вратил во Македонија и заедно со Тома Карајовов и Тодор Лазаров е избран за член на Централното биро на Сојузот на бугарските конституциони клубови.

За време на Балканските војни бил воен лекар во бугарската армија, по што заминал во пензионираниот со чин генерал. Во 1920 година ги организирал тајните македонски друштва и бил нивни раководител. Негови заменици биле Евтим Спространов и Христо Михајлов. Потоа учествувал во работата на македонските братства во Бугарија и се населил за трајно во Стара Загора. Учествувал и во создавањето на Медицинскиот факултет. Избран е за пратеник во XXI и XXII бугарско собрание како преставник Македонската парламентарна група.

Умрел во Софија, 1939 година [3].

Извори[уреди | уреди извор]

  1. Календар на събитията от 1903 година
  2. Писмо от д-р Хр. Татарчев до Гьорче Петров н д-р Владимир Руменов за снаряжаване на четата на Мурджев.
  3. Николов, Борис Й. Вътрешна македоно-одринска революционна организация . Войводи и ръководители (1893 – 1934). Биографично-библиографски справочник. София, 2001, стр. 145.