Тале Андонов

Од Википедија — слободната енциклопедија
Прејди на: содржини, барај
Роден 2 февруари 1890
Царев Двор, Македонија

Тале Андонов Христов (Хаџиев) бил македонски револуционер, ресенски војвода, учесник во македонското револуционерно движење, деец на Македонската револуционерна организација и Внатрешна македонска револуционерна организација.[1]

Биографија[уреди | уреди извор]

Тале Андонов е роден во 1890 година во ресенско село Царев Двор, тогаш во Отоманската империја. Завршува IV простор и се приклучува на ВМОРО. Во 1906 година станува четник при Петар Христов Германчето. По обновувањето на револуционерната организација од 1910 до Балканските војни во 1912 година е четник при Крсте Трајков. По Втората балканска војна од 1913 до 1915 година е војвода на самостојна чета во Ресенско [2][3].

По 1919 година учествува во создавањето на ВМРО. Во 1923 година е со четата на Александар Протоѓеров и Георги Поп Христов во Битолско и во септември е делегат на окружниот конгрес во планината Томор [4]. Во пролетта 1925 година ја поминува реката Вардар заедно со четите на Илија Лерински, Андон Попштерев, Христо Андонов и Наум Јосифов и Петар Ангелов [5]. Во 1925 година е делегат од Битолскиот револуционерен округ на Шестиот конгрес на ВМРО [6].

Наводи[уреди | уреди извор]

  1. Енциклопедија ВМРО, Скопје, 2015, стр. 10
  2. Николов, Борис Й. Вътрешна македоно-одринска революционна организация. Войводи и ръководители (1893 – 1934). Биографично-библиографски справочник. София, 2001, стр. 9.
  3. Гоцев, Димитър. Национално-освободителната борба в Македония 1912 - 1915, Издателство на БАН, София, 1981, стр. 21.
  4. Пърличев, Кирил. VІ конгрес на ВМРО (1925), Веда МЖ, София, 2005, стр. 76.
  5. Спомени на Георги Попхристов [1]
  6. Пърличев, Кирил. VІ конгрес на ВМРО (1925), Веда МЖ, София, 2005, стр. 96, 98, 100, 101.