Величко Велјанов

Од Википедија — слободната енциклопедија
Прејди на: содржини, барај
Роден 1874
Црешево, Македонија
Починал 18 септември 1943
Скопје, Македонија

Величко Велјанов познат како Чичето [1] или Чичката, бил македонски револуционер, учесник во македонското револуционерно движење, деец на Македонската револуционерна организација и Внатрешната македонска револуционерна организација.

Биографија[уреди | уреди извор]

Четата на Величко Велjaнов (во средината) и Крсте Лазаров (втор од лево кон десно). Оддесно на Лазаров со пушка на колена е Петар Станчев.

Велјанов е роден во 1874 година во скопското село Црешево, тогаш во Османлиската империја. Во 1899 година влегува во ВМОРО. Велјанов како долгогодишен скопски околиски војвода води напорна борба со српската вооружена пропаганда во северна Македонија.

По Првата светска војна, Велјанов е уапсен од српските власти и е затворен во скопскиот затвор, но успева да избега и се вклучува во обновената на ВМРО.

Од 1922 до 1934 година повторно е скопски окружен војвода. Во српските затвори умираат татко му и неговите две малолетни деца. Според некои Велјанов учествува во убиството на Александар Стамболиски [2] во 1923 година. По убиството на Александар Протоѓеров во 1928 година е на страната на Иван Михајлов [3].

Во текот на Втората светска војна на Велјанов се преселил во Скопје, каде умира во 1943 година [4][5][6].

Иван Михајлов за него вели:

Иако целосно неписмени човек, Величко беше интересен со некои сосема оригинални негови карактеристики. Правеше впечаток со едрата својата фигура и сосема тивкиот си глас. [7]

Наводи[уреди | уреди извор]

  1. ПРЕДАВСТВАТА И АТЕНТАТИТЕ ВО МАКЕДОНСКАТА ИСТОРИЈА Автори Виолета Ачковска и Никола Жежов,Скопје,2004 год
  2. Алберт Лондр, Комитаџии, Тероризмот на Балканот, Скопје, Култура, 1996
  3. Гаджев, Иван, „Иван Михайлов (отвъд легендите)“, Том I, София 2007, Университетско издателство „Свети Климент Охридски“, стр. 813.
  4. Куманов, Милен. „Македония. Кратък исторически справочник“, София, 1993.
  5. Македонски научен институт
  6. Николов, Борис Й. Вътрешна македоно-одринска революционна организация. Войводи и ръководители (1893-1934). Биографично-библиографски справочник, София, 2001, стр. 26.
  7. Михайлов, Иван. Спомени II. Освободителна борба 1919 - 1924, Льовен, 1965, стр. 144.