Папа Григориј I

Од Википедија — слободната енциклопедија
Прејди на прегледникот Прејди на пребарувањето
Gregorius I
Francisco de Zurbarán 040.jpg
Родено име Григур I
Папа од 3 септември 590
Папа до 12 март 604
Претходник Папа Пелагиј II
Наследник Папа Сабинијан
Роден околу 540
Рим
Починал 12 март 604
Рим
Други папи по име Григур (појаснување)

Папа Григориј I или св. Григориј Велики (латински Gregorius PP. I, (околу 540 - 12 март 604) бил римски папа од 3 септември 590 до 12 март 604.

Биографија[уреди | уреди извор]

Поради неговите црковни заслуги, веќе во доцниот 9. век, Григориј I почнале да го нарекуваат Григориј Велики, а оваа титула останала до ден-денес. Папата Григориј Велики е познат како иницијатор на првата голема мисија преземена за христијанизација на Англија.[1]

Дејност[уреди | уреди извор]

Папата Григориј I бил еден од најобразованите луѓе во Западна Европа во 6 век, а исто така, тој бил еден од најцитираните авторитети во текот на целиот среден век. Тој се залагал за раскинување со античката традиција и во тој поглед се познати неговите гневни прекори упатени до галскиот епископ Дезидериј, кој почнал да ги подучува луѓето од областа на латинската граматика, користејќи одделни дела од античката книжевност. Папата Григориј го прекорил Дезидериј дека е неумесно еден епископ да го чита она што не е соодветно ниту за световните луѓе и му забранил да се занимава со таа дејност, велејќи дека истата уста не може истовремено да го слави Јупитер и Христос.[2] Исто така, тој посветувал големо внимание на приближувањето на религијата до необразованиот народ. За тоа сведочи писмото упатено до марсејскиот епископ Серен во кое папата му забранува да ги уништува сликите на светците, велејчи дека за простиот свет тие го имаат истото значење како и пишаните текстови за писмените луѓе.[3]

Григориј Велики е познат по неговите пишани дела кои уживале голем углед во црковните кругови,[4] а од нив најпознато е делото „Дијалози“ поради кое во источното христијанство е познат и како св. Георгиј Дијалогист.[5]

Наводи[уреди | уреди извор]

  1. Flechner, "Pope Gregory and the British" Histoires de Bretagnes 5, p. 47 [1]
  2. Aron Gurevič, Problemi narodne kulture u srednjem veku. Beograd: Grafos, 1987, стр. 33.
  3. Aron Gurevič, Problemi narodne kulture u srednjem veku. Beograd: Grafos, 1987, стр. 37.
  4. Ekonomou, 2007, p. 22.
  5. „St. Gregory Dialogus, the Pope of Rome“. oca.org, Orthodox Church in America. конс. 2018-04-20.