Црквиште Св. Атанас (Крњево)

Црквиште Св. Атанас — археолошко наоѓалиште во кавадаречкото село Крњево. Претставува старохристијанска базилика. Се наоѓа на зарамнето плато западно од патот. Откриена е во 1975 година со археолошки ископувања, и тоа нејзиниот јужен дел. Била подигната во IV-V век, како култен објект покрај една ѕидана старохристијанска гробница. Црквата е трикорабна, со нартекс и егзонартекс. Средниот кораб на источната страна завршува со полукружна апсида. Канцелот на олтарната преграда е изведен од мермерни блокови, а подот во презвитериумот од мермерни плочки, во техниката opus sectile.

Поврзано

• Градиште — населба од доцноантичкото време и сакрален објект;
• Мечковец — средновековна населба;
• Орнички — населба - збег од доцноантичкото време;
• Св. Димитрија — средновековна некропола;
• Црквиште Св. Атанас — старохристијанска базилика;
• Чешма — населба од доцноантичкото време;
• Чешма II — населба од доцноантичкото време;
• Крњево;
• Список на археолошки наоѓалишта во Кавадаречко;