Марио Манџукиќ

Од Википедија — слободната енциклопедија
Прејди на прегледникот Прејди на пребарувањето
Марио Манџукиќ
Mario Mandžukić
Mario Mandžukić 2018.jpg
Лични податоци
Полно име Марио Манџукиќ[1]
Роден на 21 мај 1986 (1986-05-21) (32 г.)[1]
Роден во Славонски Брод, СР Хрватска, СФРЈ
Националност Хрватска Хрватска
Висина &100000000000001860000001,86 м[1]
Позиција напаѓач
Клупски податоци
Сегашен клуб Јувентус Јувентус
Број 17
Агент Хрватска Иван Цвјетковиќ
Младинска кариера
Марсонија Марсонија
Кариера*
Години Клуб Наст. (Гол.)
2004-2005 Марсонија Марсонија 23 (14)
2005-2007 НК Загреб НК Загреб 51 (14)
2007-2010 Динамо Загреб Динамо Загреб 81 (42)
2010-2012 Волфсбург Волфсбург 56 (20)
2012-2014 Бајерн Минхен Бајерн Минхен 54 (33)
2014-2015 Атлетико Мадрид Атлетико Мадрид 28 (12)
2015- Јувентус Јувентус 96 (24)
Репрезентација
2004-2005 Хрватска Хрватска 19 10 (3)
2007 Хрватска Хрватска 20 1 (1)
2005-2007 Хрватска Хрватска 21 9 (1)
2007- Хрватска Хрватска 89 (33)
  • Сениорските учества и голови се сметаат само за домашни натпревари
податоците се од 10 јули 2016.

† Учества (Голови).

‡ Учествата и головите за репрезентација се според податок од 10 јули 2016

Марио Манџукиќ (хрватски: Mario Mandžukić; р. 21 мај 1986 во Славонски Брод) — хрватски фудбалер, напаѓач на Јувентус и на хрватската репрезентација. Покрај тоа што е познат како плодоносен стрелец, тој е познат и по неговиот извонреден придонес во одбраната и неговата моќ во воздушните дуели.[2][3][4]

Манџукиќ ја започнал својата кариера во Марсонија од родниот Славонски Брод, од каде што се преселил во два загрепски клуба: најпрво во НК Загреб, а потоа и во Динамо Загреб во 2007 година. Како член на Динамо Загреб бил најдобар стрелец во Прва ХНЛ во сезоната 2008-2009. Благодарение на неговите голгетерски способности, во 2010 година направил трансфер во редовите на Волфсбург. По одличното учество на Евро 2012, на коешто со три погодоци бил на делба на првото место на листата на стрелците, Манџукиќ потпишал за Бајерн Минхен. Во неговата прва сезона во клубот, тој освоил три трофеи: Бундеслигата, Купот на Германија и Лигата на шампионите; притоа, тој станал првиот Хрват кој постигнал погодок во финале на Лигата на шампионите. Во 2014 година, Манџукиќ го напуштил Бајерн Минхен и потпишал за Атлетико Мадрид, а една сезона подоцна преминал во редовите на Јувентус за 19 милиони евра.

На репрезентативно ниво, Манџукиќ дебитирал за хрватската репрезентација во ноември 2007 под водство на Славен Билиќ. Оттогаш, забележал повеќе од 80 репрезентативни настапи и учествувал на четири големи натпреварувања: европските првенства во 2012 и 2016, и светските првенства во 2014 и 2018 година, од кој на последното Хрватска отишла далеку се до финалето во кое и покрај тоа што Манџукиќ постигнал гол загубиле од Франција со 4-2.[5] Тој бил избран за Хрватски фудбалер на годината во 2012 и 2013 година.[6]

Во Хрватска е познат по прекарот Манџо,[7] меѓутоа за време на Европското првенство 2012 година со својте одлични настапи го заработил прекарот Супер Марио по истоимениот херој од видеоиграта.[8]

Биографија

Манџукиќ е роден во Славонски Брод на 21 мај 1986. Тој се преселил со своите родители во Германија во 1992 година, и живееле во градот Дицинген во близина на Штутгарт, бегајќи од Хрватската војна за независност.[9] Семејството се вратило во татковината во 1996 година, кога војната веќе била завршена.[10]

Неговиот татко, Mато, исто така бил фудбалер.

Технички карактеристики

Суров напаѓач,[11][12] бомбардер,[7][13] цврст,[12] во кариерата бил поставен и како втор напаѓач, крило на двете страни од теренот, а исто така, може да игра и како офанзивен играч од средниот ред[11] па дури по потреба и како централен играч од средниот ред, позиција на која ја започнал својата кариерата[10]. Погоден е за играње на контранапади,[14] меѓутоа сепак Манџукиќ е играч за во шеснаесетникот[12] физички силен,[15][16] моќен,[11] но исто така корисен,[11] со силна глава,[11][15][16] добар во играта во воздух,[7] опремен со добра брзина,[11][15] добар дриблинг[11] и контрола на топката,[11][15] вешт завршен удар,[11] со голем инстинкт за гол[11][15][17] има силен шут со десната нога, одлична отпорност, и неуморен во вршењето на притисок врз противничката одбрана. Во последно време често знае да помогне и на одбраната, нешто што беше една од неговите главни слабости во раниот дел од кариерата. Исто така во областа околу единаесет метри често знае да асистира за својте соиграчи најчесто спуштајќи им топки со глава.

Во споредба со Ален Бокшиќ (кој исто така играл за Јувентус),[11] е класа играч,[11][12][13][18] носи поголема креативност, тактички е поинтелигентен и е незапирлив во шеснаесетникот.[11]

Се смета за еден од најсилните напаѓачи во последниве години.[10][14][15][19]

Клупска кариера

Почетоци, Марсонија, НК Загреб и Динамо Загреб

Манџукиќ ги направил своите први фудбалски чекори во германскиот клуб ТСФ Дицинген. По враќањето во родниот град, тој продолжил да игра фудбал во екипата на Марсонија, поминувајќи ги сите младински категории во периодот 1996-2003, пред да дебитира за првиот тим во сезоната 2004-2005. Својата прва професионална сезона ја завршил со 23 настапи и 14 гола за Марсонија 2. ХНЛ. Во текот на летото на 2005, по наговор на Мирослав Блажевиќ[10][11] тој се преселил во неговиот клуб, НК Загреб и во сезоната 2006-2007 тој го потпишал првиот професионален договор. Дебитирал за клубот на 29 јули 2006 година во победата со 1-3 против Камен Инград, натпревар во кој исто така го постигнал својот прв гол за новиот клуб, воедно прв и во Прва ХНЛ. Истото го повторил во следниот натпревар, постигнувајќи го решавачкиот погодок во победата со 0-1 против Славен Белупо. На 2 декември, тој постигнал гол во поразот со 2-1 во дербито против Динамо Загреб. Својата прва сезона во Првата лига на Хрватска ја завршил со 9 одиграни натпревари и 3 постигнати гола.

Манџукиќ во периодот додека настапувал за Динамо Загреб.

Во сезоната 2007-2008 преминал во редовите на Динамо Загреб за 1,5 милиони €, во обид да го замени во нападот Едуардо.[10][11][15] Дебитирал во "модриот" дрес на 21 јули 2007 во победата со 5-0 на домашен терен против Шибеник, каде што исто така го одбележал својот прв гол за Динамо. На 7 август 2007 дебитирал во Лигата на шампионите, во натпреварот од прелиминарната рунда против Домжале во кој Динамо славел победа со 3-1. На 1 септември, за прв пат во кариерата постигнал два гола во еден натпревар, во победата со 1-3 во дербито против својот поранешен клуб НК Загреб. На 4 октомври, го направил своето деби во Купот на УЕФА, во победата со 2-3 на гостувањето кај Ајакс, каде што постигна два гола негови први во европските натпреварувања. Сезоната ја завршил со вкупно 38 натпревари и 14 погодоци.

Следната сезона ја започнал со настап во првото коло од шампионатот на 3 август во победата со 3-1 на домашен терен над Интер Запрешиќ. На 17 август, во натпреварот Динамо Загреб - Цибалија 6-0, го постигнал својот прв хет-трик во неговата кариера. На 16 јули во натпреварот од првиот круг на квалификациите за Лигата на шампионите против северноирскиот Линфилд постигнал гол во победата со 0-2. Тој исто така бил стрелец и во реваншот во ремито 1-1. На 18 септември, го одиграл својот прв натпревар за сезоната во Купот на УЕФА, во ремито без голови против Спарта Прага. Во неговиот трет настап го постигнал својот прв гол во ова натпреварување, во победата со 3-2 над НЕК. Својата втора сезона во Динамо ја завршил со 46 настапи и 20 гола во сите натпреварувања, а бил и најдобар стрелец во Првата хрватска лига со 16 голови.

И покрај силниот интерес на странските клубови за него, загрепската екипа одлучила да го задржи и да се потпре на него во нападот за трета последователна сезона. Првиот натпревар за сезоната 2009-2010 Манџукиќ и Динамо го имале на 14 јули 2009 во ремито без голови против Пјуник во Лигата на шампиони; во реваншот во Загреб седум дена подоцна, тој го постигнал првиот гол за својот тим во победата со 3-0. Новото првенство на Хрватска го започнал со два постигнати гола во победата со 7-1 над Истра 1961 на домашен терен. На 27 февруари 2010 година тој го постигнал својот втор кариера хет-трик во победата од 6-0 дома против Кроатија Сесвете. Сезоната ја заклучил со 38 натпревари и 17 погодоци.

Волфсбург

На 14 јули 2010, по три сезони во Динамо Загреб, Манџукиќ се преселил во Германија потпишувајќи четиригодишен договор со Волфсбург. Висината на трансферот изнесувала околу 8 милиони евра.[9] Манџукиќ пристигнал во клубот по наредба на тренерот Стив Мекларен, кому се допаднал фактот дека хрватот веќе знаел германски.[9] Своето деби за "волците" го направил на 15 август 2010, во победата на гости против Мунстер со 1-2.[20] Пет дена подоцна дебитирал во Бундеслигата во поразот на Алијанц Арената од Бајерн Минхен со 2-1; на почетокот од второто полувреме тој ја погодил стативата од голот на Бајерн при резултат 1-0 за баварците.[21] Во првиот дел од сезоната најчесто играл како крило или како втор напаѓач зад босанецот Един Џеко во формација 4-2-3-1 и во таа улога не успеал да се пронајде, така што останал без ниту еден постигнат погодок во првиот дел од сезоната. Меѓутоа во зимскиот преоден рок Џеко го напуштил Волфсбург и се преселил во Манчестер Сити, а новиот тренер Пјер Литбарски кој ја презел функција како привремена замена по заминувањето на Стив Мекларен во февруари 2011, продолжил да го користи по страничните позиции. Својот прв погодок во Бундеслигата го постигнал на 12 март 2011 во победата со 1-2 на гостувањето кај Нирнберг во неговиот последен натпревар кој го започнал како крило.[22] Со доаѓањето на Феликс Магат, Манџукиќ бил преместен на неговата природна позиција, што веднаш донело резултат откако тој постигнал 7 гола во последните 6 натпревари од сезоната. Својата прва сезона во Германија во дресот на Волфсбург ја завршил со вкупно 27 натпревари и 8 гола.

Својата втора сезона во клубот ја започнал како напаѓач во тандем со Патрик Хелмес во формација 4-3-1-2. Новата сезона ја отворил со две асистенции во победата со 3-0 на гостувањето кај Келн. Своите први голови (два) ги постигнал во петтото коло од првенството, помагајќи му на својот тим да дојде до победа над Шалке 04 со 2-1 на 11 септември 2011.[23] Во периодот од 1 октомври до 29 октомври постигнал вкупно 5 гола во четири првенствени натпревари по ред против Бајер Леверкузен (3-1), Нирнберг (2) (2-1), Хамбургер (1-1), Херта (2-3). Сезоната ја завршил со 32 првенствени настапи и 12 гола и еден настап во купот. Со своите 12 гола бил најдобар стрелец на клубот за сезоната 2011-2012, но исто толку постигнал и Хелмес.

Бајерн Минхен

Манџукиќ во Бајерн Минхен во 2012.

На 27 јуни 2012 по одличните настапи на Евро 2012,[15][24][25] каде што тој постигнал три гола и бил најдобар стрелец на турнирот заедно со уште 5 играчи, Манџукиќ преминал во Бајерн Минхен за сума од 13 милиони евра,[10] потпишувајќи тригодишен договор за годишна плата од 3,5 милиони €,[24] плус опција за четврта година.[24][26] Првично тој требало да биде втор избор во нападот зад Марио Гомез[25] но по повредата на германецот пред почетокот на сезоната, Манџукиќ избил во почетниот тим на баварците предводени од Јуп Хајнкес.[10]

Своето прво појавување за Бајерн во официјален натпревар Манџукиќ го имал на 12 август, постигнувајќи гол после само шест минути игра против тогашниот Бундес-првак Борусија Дортмунд (2-1), со што му помогнал на неговиот тим да победи и да го освои Суперкупот на Германија. Само осум дена подоцна тој постигнал два гола во победата над Јан Регензбург во Купот на Германија. Својот прв гол во Бундеслигата за Бајерн го постигнал против екипата на Гројтер Фирт во првото коло од првенството, а веќе следното коло додал уште еден во победата со 6-1 против Штутгарт. Манџукиќ продолжил со одличната форма во лигата достигнувајќи до 8 гола во првите 9 натпревари. На 19 февруари тој го постигнал својот прв гол во Лигата на шампионите во својата кариера (не сметајќи ги квалификациските натпревари) во победата со 1-3 на гостувањето против Арсенал во Лондон во првиот натпревар од осминафиналето. На 6 април со Бајерн ја освоил титулата во Бундеслигата (23. титула на баварците) на шест кола пред крајот на првенството.[27] На 25 мај 2013 година за прв пат во својата кариера ја освојува и Лигата на шампионите, благодарение на победата со 2-1 против Борусија Дортмунд во финалето, а тој бил стрелец на првиот гол за Бајерн за моменталнен резултат 1-0.[28] На 1 јуни 2013 година тој исто така го освоил и Купот на Германија со својот клуб, комплетирајќи ја тројната круна за сезоната 2012-2013, во која одиграл вкупно 40 натпревари во сите натпреаврувања и постигнал 22 гола.[29]

Манџукиќ во дресот на Атлетико Мадрид

Својата втора сезона ја започнал со мали проблеми при прилагодувањето на системот на игра на новиот тренер на Бајерн, Пеп Гвардиола.[30][31] На 30 август го одиграл целиот натпревар во Суперкупот на УЕФА во кој Бајерн бил поуспешен од Челси со 7-6 на пенали, освојувајќи уште еден трофеј во својата кариера.[32] До крајот на сезоната освоил уште три други титули со баварската екипа, ФИФА Светското клупско првенство,[33] Бундеслигата[34] и Купот на Германија.[35]

Атлетико Мадрид

Не можејќи да најде повеќе простор за игра во нападот на Бајерн по доаѓањето на Роберт Левандовски,[14][36] на 10 јули Манџукиќ се преселил во редовите на шпанскиот клуб Атлетико Мадрид за сума од 22 милиони €, потпишувајќи петгодишен договор[14][37][38] Манџукиќ бил доведен како замена за Диего Коста кој во текот на истиот трансфер-период заминал во Челси.[14]

Својот прв гол за колчонерос го постигнал на 22 август во реванш натпреварот од Суперкупот на Шпанија против Реал Мадрид, и тој се покажал победнички за Атлетико да го освои трофејот.[39] Неговиот гол дошол само по две минути игра, што е најбрзиот гол во историјата на ова натпреварување.[40] Својот прв гол во шпанската лига го постигнал на 30 август 2014 година, во второто коло од сезоната на домашен терен против Еибар во победата со 2-1.[41] На 26 ноември го постигнал својот прв хет-трик во Лигата на шампионите во победата со 4-0 над Олимпијакос. Сезоната ја затворил со 20 гола во 43 натпревари во лигата и куповите, но неговиот последен гол дошол дури на крајот на февруари.[42]

Јувентус

По само една сезона во Шпанија, Манџукиќ го напуштил Атлетико Мадрид и на 22 јуни 2015 бил купен за 19 милиони евра плус бонуси од страна на италијанскиот Јувентус,[43] со кој потпишал четиригодишен договор за годишна плата од 3.5 милиони евра.[44][45] Дебитирал во бело-црниот дрес на 8 август, кога го постигнал и својот прв гол за Јувентус во победата со 2-0 против Лацио во Суперкупот на Италија.[46][47] На 15 септември, 2015, постигнал гол во првиот натпревар на својот тим од Лигата на шампионите, во победата на гости со 1-2 над Манчестер Сити.[48] На 21 септември, се здобил со повреда во натпреварот против Џенова, по што морал да остане надвор од терените три недели.[49] Својот прв гол во Серија А го постигнал својот на 25 октомври 2015 во победата со 2-0 над Аталанта.[50] На 8 ноември, го постигнал својот втор првенствен гол за Јувентус во победата со 3-1 на гости кај Емполи.[51] Нa 25 ноември, во вториот натпревар против Манчестер Сити во групната фаза, го постигнал единствениот гол на натпреварот со кој Јувентус победил со 1-0 и се пласирал во нокаут-фазата од Лигата на шампионите.[52] На 20 декември, во последниот натпревар на Јуве за 2015, Манџукиќ бил двоен стрелец придонесувајќи обилно за победата со 3-2 на гостувањето кај Карпи.[53] По подолга пауза, на 2 април 2016 го постигнал единствениот гол во натпреварот Јувентус-Емполи 1-0, што бил негов прв за Јувентус во 2016 година.[54] Седум дена подоцна, Манџукиќ го постигнал првиот гол за Јувентус за моментален резултат 1-1 во дербито против Милан на Сан Сиро, а на крајот неговиот тим победил со 1-2.[55] На 24 април го постигнал својот десетти првенствен погодок во победата со 2-1 на гостувањето против Фјорентина. Својата прва сезона во Италија ја завршил,[56] со освојување на Скудетото и Купот на Италија први за него во кариерата.[57]

Манџукиќ во дресот на Јувентус ја слави со соиграчите титулата во Купот на Италија 2016-2017.

За време на неговата втора сезона во клубот го загубил местото во почетната постава од новото рекордно засилување на Јувентус, аргентинецот Гонсало Игуаин. Својот прв погодок за сезоната го постигнал на 26 октомври 2016, во победата со 4-1 на домашен терен над Сампдорија.[58] На 22 ноември го постигнал својот прв гол за сезоната во Лигата на шампионите, третиот за Јувентус во победата со 3-1 на гостувањето против Севилја со која неговиот тим изборил пласман во нокаут фазата.[59] Во вториот дел од сезоната се вратил во стартниот состав на Јувентус играјќи успешно на позицијата лево крило во формацијата 4-2-3-1 на тренерот Масимилијано Алегри, каде импресионирал со својата борбеност и пожртвување како и со способноста за приклучување како втор напаѓач и постигнување на голови.[60] На 21 мај 2017 година Манџукиќ го постигнал првиот гол за Јувентус во победата со 3-0 на домашен терен над Кротоне со која било осигурано скудетото, шестто едноподруго за Јувентус а второ во кариерата за Манџукиќ.[61] Четири дена подоцна, на Манџукиќ му бил продолжен договорот со Јувентус до 2020 година.[62] Тој исто така започнал како стартер и во финалето на Лигата на шампионите против Реал Мадрид постигнувајќи прекрасен погодок во 27-мата минута, со извонреден ножичен удар од 14 метри со кој го лобувал голманот Кејлор Навас,[63] за го израмни резултатот на 1-1 но на крајот Јувентус го загубил финалето со 4-1.[64] Подоцна тој погодок бил избран за УЕФА Најубав гол на сезоната.[65] Заедно со Кристијано Роналдо и Велибор Васовиќ, Манџукиќ станал само третиот играч кој постигнал гол за две различни екипи во финале на Лигата на шампионите.

На почетокот на сезоната 2017-2018, Манџукиќ го постигнал првиот гол за Јувентус во Серија А 2017-2018, во победата со 3-0 на домашен терен над Калјари во првото коло од сезоната. На 31 октомври, го одиграл својот 100-ти натпревар за Јувентус во ремито 1-1 против Спортинг Лисабон во Лигата на шампионите.[66][67] На 11 април 2018, тој постигнал два гола во гостинската победа со 3–1 над Реал Мадрид во реванш четвртфиналето од Лигата на шампионите. Првиот гол бил постигнат по само 76 секунди, со што станал најбрзиот гол кој го примил Реал Мадрид во домашен натпревар од Лигата на шампионите, додека Манџукиќ подоцна станал првиот противнички играч кој постигнал два гола во првото полувреме на натпревар од Лигата на шампионите одигран на Бернабеу.[68] Третата сезона во Јувентус, ја завршил со освојување на својата трета двојна круна со клубот, откако бјанконерите одново биле најдобри во Серија А и Купот на Италија.

Репрезентативна кариера

Почетоци во репрезентатацијата

Манџукиќ бил стандарден член на младинските хрватски фудбалски репрезентации (до 19, до 20, и до 21 година), а своето деби за сениорската репрезентација го направил на 21 ноември 2007 во квалификациски натпревар против Македонија. Првиот погодок за хрватската репрезентација го постигнал на 10 септември 2008, во 77-мата минута од натпреварот против Англија (1-4), во квалификацииите за Светското првенство 2010.[69]

Евро 2012

Во квалификациската група за Евро, Манџукиќ постигнал два гола за својата репрезентација, и тоа изедначувачкиот против Грузија на Пољуд, и последниот гол на хрватската репрезенѕација во групата, на Кантрида против Латвија. Во баржот, противник на Хрватска и била турската репрезентација. Хрватска го добила првиот натпревар во Истанбул со убедливи 0-3, а Манџукиќ бил стрелец на вториот погодок.[70]

Во завршницата на првенството, Хрватска се нашла во група со Шпанија, Италија и Република Ирска, а Манџукиќ бил најавен како главен напаѓач по повредата на Ивица Олиќ.[71] Во првиот натпревар против Ирците, Манџукиќ постигнал два гола, двата со глава, и така станал првиот Хрват кој постигнал два гола на еден натпревар на едно големо натпреварување уште од Давор Шукер на Евро 1996.[72] Хрватска на крајот победила со 3-1.[72] Во вториот натпревар, Манџукиќ повторно бил стрелец израмнувајќи на 1-1 во 72-рата минута од натпреварот против Италија, што на крајот бил и конечен резултат на тој натпревар. Со тие три гола Манџукиќ бил најдобар стрелец на првенството заедно со Фернандо Торес, Марио Балотели, Марио Гомес, Алан Ѕагоев и Кристијано Роналдо, но неговата репрезентација не успеала да се пласира во четвртфиналето.

Светско првенство 2014

Во квалификациите за Светското првенство 2014 постигнал многу важен гол во победата над Србија со 2-0. Во баражот против Исланд бил стрелец на првиот гол во реваншот во 27-мата минута, меѓутоа само десет минути подоцна бил исклучен добивајќи директен црвен картон; сепак тоа не се одразило на неговата репрезентација која го добива тој натпревар со 2-0 и обезбедува пласман на Светското првенство 2014.

Манџукиќ го пропуштил првиот натпревар против домаќинот на турнирот Бразил. Во вториот натпревар постигнал два гола во победата над Камерун со 4-0.[73]

Евро 2016

Манџукиќ постигнал само еден гол за Хрватска во нивната успешна квалификациска кампања за пласман на Европското првенство 2016, отворајќи го резултатот во ремито 1-1 со Италија во Сплит, на 12 јуни 2015 година.[74] На 4 јуни следната година, тој и Никола Калиниќ постигнале хет-трик во победата со 10-0 над Сан Марино во Риека во подготвителен натпревар во пресрет на турнирот; резултатот исто така бил рекордна победа за Хрватска во историјата на репрезентацијата.[75]

На главниот турнир Манџукиќ одиграл три натпревар започнувајќи како стартер во секој од нив без да постигне ниту еден гол, а Хрватска била елиминирана во осминафиналето од подоцнежниот шампион Португалија.

Светско првенство 2018

Во вториот квалификациски натпревар на Хрватска за Светското првенство 2018 против Косово на 6 октомври 2016 година, Манџукиќ постигнал хет-трик во победата со 6-0 во Албанија.[76] Само три дена подоцна тој го постигнал единствениот погодок во натпреварот против Финска на гости, носејќи и победа на Хрватска од 1-0. Квалификациите ги завршил со 5 гола во 11 настапи (вклучувајќи го и баражот против Грција), помагајќи им на коцкестите да се пласираат на завршницата на Светското првенство во Русија.

На 4 јуни 2018, Манџукиќ бил вклучен во списокот од 23 играчи на селекторот Златко Далиќ за Светското првенство 2018.[77] Своето деби на турнирот го направил во првиот натпревар на Хрватска во групата, против Нигерија во кој одиграл 85-минути во победата на неговата репрезентација со 2-0.[78] Својот прв погодок на првенството го постигнал во осминафиналето против Данска, изедначувајќи го резултатот во 4-тата минута по брзото водство на данците; резултатот не се сменил до крајот на натпреварот како и во продолженија по што пеналите го одлучиле победникот, а во нив Хрватска била подобра со 3-2.[79][80][81][82] Во четвртфиналето против домаќинот Русија на 7 јули, Манџукиќ асистирал за израмнувачкиот погодок на Андреј Крамариќ. Натпреварот завршил нерешено 1-1 по 90 минути игра и отишол во продолженија, по кој повторно било нерешено 2-2, па Хрватска уште еднаш поминала во следната фаза по изведување на пенали, победувајќи со 4-3.[83][84] За време на полуфиналниот натпревар на Хрватска против Англија, на 11 јули, завршен со резултат 1-1 по регуларното време, Манџукиќ го постигнал победничкиот за Хрватска во 109-тата минута од продолженијата, испраќајќи ја својата земја во финалето на Светското првенство за прв пат во нејзината историја.[85][86] Во финалето против Франција, на 15 јули, тој станал првиот играч што постигнал автогол во финале на Светско првенство, закачувајќи ја топката со глава по слободниот удар на Антоан Гризман по што таа завршила во хрватскиот гол за водство на Франција од 1-0; подоцна тој го постигнал вториот гол на Хрватска со тоа што ја искористил грешката на францускиот голман Иго Лорис, но тој гол се покажал како последен на натпреварот и недоволен за Хрватска бидејќи Франција победила со 4-2.[87] Со тој гол кој го постигнал во финалето на муднијалот тој станал само петтиот играч по Ференц Пушкаш, Золтан Чибор, Герд Милер и Зинедин Зидан кој успеал да постигне гол во финале на Лига на шампионите и во финале на Светско првенство.[88] Манџукиќ исто така станал само втор играч во историјата на Светските првенства, кој постигна гол за двете екипи во еден натпревар (првиот е Ерни Брандс од Холандија во Светско првенство 1978 во натпреварот против Италија) и првиот кој тоа го направил во финалето.[88][89]

Хронологија на репрезентативните настапи

Клупска статистика

Статистиката е ажурирана на 2 јануари 2016.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2004-2005 Хрватска Марсонија 2.ХНЛ 23 14 - - - - - - - - - 23 14
2005-2006 Хрватска НК Загреб 1.ХНЛ 28 3 - - - - - - - - - 28 3
2006-2007 1.ХНЛ 23 11 КХ 4 3 - - - - - - 27 14
авг. 2007 1.ХНЛ - - КХ - - Инт 2 0 - - - 2 0
Вкупно НК Загреб 51 14 4 3 2 0 - - 57 17
авг. 2007-2008 Хрватска Динамо Загреб 1.ХНЛ 29 12 КХ 8 5 ЛШ+КУ 5[90]+5 1[90]+2 - - - 47 20
2008-2009 1.ХНЛ 28 16 КХ 5 5 ЛШ+КУ 5[90]+5 2[90]+1 - - - 43 24
2009-2010 1.ХНЛ 24 14 КХ 3 0 ЛШ+ЛЕ 3[90]+7[91] 2[90]+1[92] - - - 37 17
авг. 2010 1.ХНЛ - - КХ - - ЛШ 1[93] 2[93] СХ 0 0 1 2
Вкупно Динамо Загреб 81 42 16 10 31 11 0 0 128 63
авг. 2010-2011 Германија Волфсбург БЛ 24 8 КГ 3 0 - - - - - - 27 8
2011-2012 БЛ 32 12 КГ 1 0 - - - - - - 33 12
Вкупно Волфсбург 56 20 4 0 - - - - 60 20
2012-2013 Германија Бајерн Минхен БЛ 24 15 КГ 5 3 ЛШ 10 3 СГ 1 1 40 22
2013-2014 БЛ 30 18 КГ 4 4 ЛШ 10 3 СГ+СУ+Скп 1+1+2 0+0+1 48 26
Вкупно Бајерн Минхен 54 33 9 7 20 6 5 2 88 48
2014-2015 Шпанија Атлетико Мадрид ПД 28 12 КШ 3 2 ЛШ 10 5 СШ 2 1 43 20
2015-2016 Италија Јувентус А 27 10 КИ 3 0 ЛШ 5 2 СИ 1 1 36 13
2016-2017 А 34 7 КИ 4 1 ЛШ 11 3 СИ 1 0 50 11
2017-2018 А 32 5 КИ 4 1 ЛШ 6 4 СИ 1 0 43 10
Вкупно Јувентус 93 22 11 2 22 9 3 1 129 34
Вкупно во кариерата 386 157 47 24 85 31 10 4 528 216

Хет-трикови

Во својата кариера Манџукиќ успевал да постигне најмногу три гола на еден натпревар, т.н. хет-трик, но никогаш не успеал да постигне повеќе од три гола. Вкупно има шест такви натпревари на кој постигнал хет-трик, од кој два се во дресот на Динамо Загреб во хрватското првенство, еден во Купот на Германија како играч на Бајерн Минхен, еден за Атлетико Мадрид во Лигата на шампионите и два за хрватската репрезентација.

3. гола






Титули

Хрватска Динамо Загреб

Германија Баерн Минхен

Шпанија Атлетико Мадрид

Италија Јувентус

Наводи

  1. 1,0 1,1 1,2 „Марио Манџукиќ“. http://www.juventus.com/it/squadre/prima-squadra/attaccanti/mario-mandzukic/index.php. 
  2. Nyari, Cristian (9 април 2013). „Performance Analysis – Mario Mandzukic’s Importance to Bayern Munich“. http://bundesligafanatic.com/performance-analysis-mario-mandzukics-importance-to-bayern-munich/. посет. 11 јули 2014 г. 
  3. Uersfeld, Stephan (28 октомври 2013). „Pep Guardiola hails Mario Mandzukic“. ESPN FC. http://www.espnfc.com/german-bundesliga/story/1597458/bayern-munich-coach-pep-guardiola-hails-striker-mario-mandzukic. посет. 11 јули 2014 г. 
  4. Whitney, Clark (19 јуни 2014). „Mandzukic Brace Shows How Pep Guardiola Is Losing His "Plan B" at Bayern Munich“. http://bleacherreport.com/articles/2102417-mandzukic-brace-shows-how-pep-guardiola-is-losing-his-plan-b-at-bayern-munich. посет. 11 јули 2014 г. 
  5. Франција нов светски шампион“, idividi.com.mk, 15 јули 2018 (посет. 25 јули 2018 г).
  6. „Mandzukic named Croatian Player of the Year“. Bundesliga.com. 16 март 2014. http://www.bundesliga.com/en/liga/news/2013/0000288441.php. посет. 19 јуни 2014 г. 
  7. 7,0 7,1 7,2 Luca Gelmini. „L'Italia è stanca, la Croazia ci mette nei guai“ (посет. 14 oктомври 2015 г).
  8. Siti croati: "Salvati da SuperMario Mandzukic"“ (посет. 14 ottobre 2015 г).
  9. 9,0 9,1 9,2 Wolfsburg make their move for Mandžukić“ (посет. 14 ottobre 2015 г).
  10. 10,0 10,1 10,2 10,3 10,4 10,5 10,6 Alan Bisio. „Mario Mandzukic, storia del gladiatore croato che fa sognare il Bayern“ (посет. 14 ottobre 2015 г).
  11. 11,00 11,01 11,02 11,03 11,04 11,05 11,06 11,07 11,08 11,09 11,10 11,11 11,12 11,13 11,14 Mandzukic, il "nuovo Boksic" della Dinamo Zagabria“ (посет. 14 ottobre 2015 г).
  12. 12,0 12,1 12,2 12,3 Maurizio Crosetti. „Il fascino dei Balcani da Boban a Mandzukic classe, istinto e anarchia“ (посет. 14 ottobre 2015 г).
  13. 13,0 13,1 MARIO MANDZUKIC“ (посет. 15 ottobre 2015 г).
  14. 14,0 14,1 14,2 14,3 14,4 Mandzukic-Atletico Madrid, colpo da 22 milioni“ (посет. 14 ottobre 2015 г).
  15. 15,0 15,1 15,2 15,3 15,4 15,5 15,6 15,7 Mario MANDZUKIC“ (посет. 14 ottobre 2015 г).
  16. 16,0 16,1 brividosportivo.it, уред. „Mario Mandzukic - Scheda tecnica e video“. http://www.brividosportivo.it/it/speciali/calciomercato/5112-mario-mandzukic-scheda-tecnica-e-video.html. посет. 4 maggio 2014 г. 
  17. Maurizio Crosetti. „Un calcio impossibile al passato Mihajlovic ko al grido Vukovar“ (посет. 14 октомври 2015 г).
  18. "Ibra? Preferisco Mandzukic", alla playstation si scoprono i fenomeni“ (посет. 14 октомври 2015 г).
  19. corrieredellosport.it, уред (6 април). „Mandzukic si è perso: non tira in porta da due mesi“. http://www.corrieredellosport.it/calcio/calcio_estero/liga/2015/04/06-403554/Mandzukic+si+%C3%A8+perso%3A+non+tira+in+porta+da+due+mesi. 
  20. Preußen Münster-VfL Wolfsburg 1-2 (0-0)
  21. Bundesliga: Bayern u zadnjim sekundama do tri boda“ (посет. 30 декември 2015 г). (на hr)
  22. Mandžukić konačno zabio, Wolfsburg izgubio, Bayern razbio HSV, poraz Dortmunda“ (посет. 30 декември 2015 г).
  23. VIDEO: S dva pogotka Mandžukić srušio Schalke“ (посет. 30 декември 2015 г). (на hr)
  24. 24,0 24,1 24,2 Bayern d'assalto con Mandzukic Il Tottenham blinda speedy Bale“ (посет. 30 декември 2015 г).
  25. 25,0 25,1 Guido Guenci. „Buona la prima, il Borussia Dortmund apre con una vittoria la Bundesliga“ (посет. 14 ottobre 2015 г).
  26. Манџукиќ во Бајерн. Договор до 2016“ (посет. 14 октомври 2015 г).
  27. http://tocka.com.mk, уред (6 април 2013). „Бајерн Минхен е новиот шампион на Германија“. http://tocka.com.mk/2/91793/baern-minhen-e-noviot-sampion-na-germanija. посет. 30 декември 2015 г. 
  28. gazzetta.it, уред (25 maggio 2013). „Borussia-Bayern 1-2: festa con Robben sul filo di lana“. http://www.gazzetta.it/Calcio_Estero/25-05-2013/borussia-bayern-1-2-festa-robben-filo-lana-20454137757.shtml. посет. 4 maggio 2014 г. 
  29. gazzetta.it, уред (1º giugno 2013). „Bayern nella storia: tripletta. Vince anche la Coppa di Germania“. http://www.gazzetta.it/Calcio_Estero/01-06-2013/bayern-storia-tripletta-vince-anche-coppa-germania-20495244062.shtml. посет. 4 maggio 2014 г. 
  30. Bayern Monaco. Mandzukic sbatte la porta: "Incompatibile: vado via"“ (посет. 14 ottobre 2015 г).
  31. Thimoty Ormezzano. „Juventus, Morata è più vicino. Ancelotti dà il via libera alla cessione“ (посет. 14 ottobre 2015 г).
  32. gazzetta.it, уред (30 agosto 2013). „Bayern vince la Supercoppa, Chelsea ko“. http://www.gazzetta.it/notizie-ultima-ora/Calcio/Bayern-vince-Supercoppa-Chelsea-ko/30-08-2013/2-A_008353471.shtml. посет. 21 giugno 2014 г. 
  33. gazzetta.it, уред (21 dicembre 2013). „Mondiale per club: trionfa il Bayern. Raja Casablanca battuto 2-0“. http://www.gazzetta.it/Calcio_Estero/21-12-2013/mondiale-club-trionfa-bayern-raja-casablanca-battuto-2-0-201887993745.shtml. посет. 28 giugno 2014 г. 
  34. gazzetta.it, уред (25 marzo 2014). „Festa Bayern Monaco: 24º titolo con 7 giornate d'anticipo“. http://www.gazzetta.it/Calcio/Bundesliga/25-03-2014/bayern-monaco-campione-germania-titolo-guardiola-kroos-gotze-ribery-record-24-festa-80312287437.shtml. посет. 21 giugno 2014 г. 
  35. „Bayern Monaco vince Coppa di Germania“. 17 maggio 2014. http://www.gazzetta.it/notizie-ultima-ora/Calcio/Bayern-Monaco-vince-Coppa-Germania/17-05-2014/2-A_000268415.shtml. посет. 21 giugno 2014 г. 
  36. Stefano Schacchi. „Milan, Balotelli verso il Galatasaray. Per i turchi l'accordo è già fatto“ (посет. 14 ottobre 2015 г).
  37. Barcellona, è fatta per Suarez. Mandzukic all'Atletico Madrid“ (посет. 14 ottobre 2015 г).
  38. clubatleticodemadrid.com, уред (10 luglio 2014). „Mandzukic ya es rojiblanco“ (на es). http://www.clubatleticodemadrid.com/noticias/mand-uki-ya-es-rojiblanco. посет. 7 dicembre 2014 г. 
  39. Chowdhury, Saj (22 август 2014). „Atletico Madrid beat Real Madrid to win Spanish Super Cup“. BBC. http://www.bbc.com/sport/0/football/28905486. посет. 22 декември 2014 г. 
  40. Mandžukić seals Super Cup for Atlético“, UEFA, 23 август 2014 (посет. 23 август 2014 г).
  41. theguardian.com, уред (30 agosto 2014). „Mario Mandzukic finds net as Atlético Madrid run close by Eibar“. http://www.theguardian.com/football/2014/aug/30/atletico-madrid-eibar-la-liga-match-report. посет. 7 dicembre 2014 г. 
  42. SpazioCalcio.it, уред. „I nuovi stranieri della Serie A: Mario Mandzukic (Juventus)“. http://www.spaziocalcio.it/post/2015/07/08/i-nuovi-stranieri-della-serie-a-mario-mandzukic-juventus. 
  43. „Mandzukic è bianconero“. 22 giugno 2015. http://www.juventus.com/juve/it/news/comunicato+ufficiale+mandzukic+acquisto+juventus. посет. 22 giugno 2015 г. 
  44. Јуве, после Тевез доаѓа хрватот Манџукиќ“ (посет. 14 ottobre 2015 г).
  45. „Mandzukic €3.5 million for season“. 22 јуни 2015. http://www.totalsportek.com/money/juventus-player-salaries/. посет. 30 декември 2015 г. 
  46. Marco Gaetani. „Juventus-Lazio 2-0, Mandzukic e Dybala decidono la Supercoppa“ (посет. 8 agosto 2015 г).
  47. Stefano Cieri. „Juventus-Lazio 2-0: Mandzukic-Dybala, Allegri fa festa con i nuovi“, 8 agosto 2015 (посет. 8 agosto 2015 г).
  48. Fabiana Della Valle. „Champions, Man City-Juve 1-2: decidono Mandzukic e Morata“ (посет. 16 settembre 2015 г).
  49. Filippo Bonsignore. „Juve, Mandzukic stop 20 giorni: salta il Frosinone. Rebus Morata“ (посет. 15 ottobre 2015 г).
  50. Fabiana Della Valle (25 ottobre 2015). „Juventus-Atalanta 2-0: Dybala show, un gol e un assist“. La Gazzetta dello Sport. http://www.gazzetta.it/Calcio/Serie-A/Atalanta/25-10-2015/juventus-atalanta-2-0-dybala-segna-fa-segnare-130648572389.shtml. посет. 30 novembre 2015 г. 
  51. Fabiana Della Valle (8 novembre 2015). „Empoli-Juventus 1-3, Maccarone apre, poi arriva il tris bianconero“. La Gazzetta dello Sport. http://www.gazzetta.it/Calcio/Serie-A/Empoli/08-11-2015/empoli-juve-1-3-maccarone-apre-poi-arriva-tris-bianconero-130838423607.shtml. посет. 30 novembre 2015 г. 
  52. Jacopo Gerna (25 novembre 2015). „Juve-Manchester City 1-0: Mandzukic gol, Allegri agli ottavi di Champions“. La Gazzetta dello Sport. http://www.gazzetta.it/Calcio/Serie-A/Juventus/25-11-2015/juve-manchester-city-1-0-mandzukic-gol-allegri-ottavi-champions-1301074991499.shtml. посет. 30 novembre 2015 г. 
  53. La Gazzetta dello Sport, уред (20 dicembre 2015). „Carpi-Juventus 2-3: doppio Mandzukic e Pogba, 7ª vittoria di fila, vetta a -3“. http://www.gazzetta.it/Calcio/Serie-A/Juventus/20-12-2015/carpi-juventus-2-3-doppio-mandzukic-pogba-7-vittoria-fila-allegri-secondo-14022828278.shtml. посет. 22 dicembre 2015 г. 
  54. Mandžukić prekinuo post, Juve slavio
  55. Фидан Коминовски (10 април 2016). „Серија А: Манџукиќ и Погба за пресврт на „Сан Сиро“! (ВИДЕО)“. http://sport365.mk. http://sport365.mk/serija-a-mandzukic-i-pogba-za-presvrt-na-san-siro-video/. посет. 10 април 2016 г. 
  56. Jacopo Gerna. „Juve, Mandzukic fa solo gol pesanti. E Rugani ora gioca da Juve“, 2 април.
  57. „Mario Mandzukic 8,5 I voti della Juventus campione d'Italia“. 26 април. http://www.juvelive.it/2016/04/26/mario-mandzukic-85-i-voti-della-juventus-campione-ditalia/. 
  58. „Juve-Sampdoria 4-1: doppio Chiellini, gol di Mandzukic, Schick e Pjanic“. 26 октомври 2016. http://www.gazzetta.it/Calcio/Serie-A/Juventus/26-10-2016/juve-sampdoria-4-1-doppio-chiellini-gol-mandzukic-schick-pjanic-170611699945.shtml. посет. 26 октомври 2016 г. 
  59. Gol.mk ВИДЕО: Јуве по потешкиот пат и со пресврт донесе победа од Севилја за прво место во групата Пристапено 22 ноември 2016
  60. The Left Wing Debate: Is Mario Mandzukic the right man for the job? blackwhitereadallover.com
  61. Juve-Crotone 3-0: è il sesto scudetto, è la Storia del calcio. I gol di Mandzukic, Dybala e Alex Sandro.“, sportmediaset, 21 мај 2017 (посет. 15 август 2017 г).
  62. „Mandzukic extends Juventus deal to 2020“. FourFourTwo. 25 мај 2017. https://www.fourfourtwo.com/sg/news/mandzukic-extends-juventus-deal-2020. посет. 25 мај 2017 г. 
  63. „Il web celebra la prodezza di Mario Mandzukic in finale: "Un'acrobazia degna di Holly e Benji"“. 3 giugno 2017. http://it.eurosport.com/calcio/champions-league/2016-2017/il-web-celebra-la-prodezza-di-mario-mandzukic-in-finale-un-acrobazia-degna-di-holly-e-benjii_sto6198020/story.shtml. 
  64. Real Madrid and Cristiano Ronaldo see off Juventus to win Champions League“, „The Guardian“, 3 јуни 2017 (посет. 3 јуни 2017 г).
  65. „Mandzukic wins goal of the season“. 29 август 2017. http://www.football-italia.net/108979/mandzukic-wins-goal-season. 
  66. „Juventus Boss Allegri Claims 'Eccentric' Mandzukic Would Make a Great Defender“. Sports Illustrated. 31 октомври 2017. https://www.si.com/soccer/2017/10/31/juventus-boss-allegri-claims-eccentric-mandzukic-would-make-great-defender. посет. 1 ноември 2017 г. 
  67. „Juventus come back to seal draw at Sporting, keep hopes alive“. ESPN FC. 31 октомври 2017. http://www.espnfc.com/report?gameId=495251. посет. 1 ноември 2017 г. 
  68. „Real Madrid 1-3 Juventus (agg: 4-3)“. BBC Sport. 11 април 2018. https://www.bbc.com/sport/football/43632225. посет. 13 јули 2018 г. 
  69. Svjetsko nogometno prvenstvo 2010. - Južna Afrika (Hrvatska - Engleska), vatreni.hr.info., 10 септември 2008
  70. Rapsodija u Istanbulu: Hrvatska osveta za Beč, Euro nam ne može pobjeći!“, Sportske.jutarnji.hr, 11 ноември 2011 (посет. 2 декември 2016 г).
  71. Olić neće moći, Bilić pozvao Kalinića“, tportal.hr, 4 јуни 2012 (посет. 21 јуни 2012 г).
  72. 72,0 72,1 Početak iz snova: Mandžo i Jelavić torpedirali Irce, Hrvatska na vrhu skupine!“, Sportske.jutarnji.hr, 10 јуни 2012 (посет. 21 јуни 2012 г).
  73. Dva gola Mandžukića“, vecernji.hr, 19 јуни 2014. (посет. 25 август 2014 г).
  74. Croatia 1–1 Italy“, BBC Sport, 12 јуни 2016 (посет. 9 октомври 2016 г).
  75. Croatia 10–0 San Marino: Mario Mandzukic and Nikola Kalinic hit hat-tricks as hosts thrash hapless part-timers in record win“, „Daily Mail“, 4 јуни 2016 (посет. 9 октомври 2016 г).
  76. Mandzukic hat-trick paves the way for historic Croatia romp over Kosovo“, „FourFourTwo“, 6 октомври 2016 (посет. 9 октомври 2016 г).
  77. „Izbornik Dalić potvrdio konačan popis putnika za SP“ (на croatian). Croatian Football Federation. 4 јуни 2018. http://hns-cff.hr/news/18140/izbornik-dalic-potvrdio-konacan-popis-putnika-za-sp/. посет. 5 јуни 2018 г. 
  78. Croatia leads Group D, beats Nigeria 2-0“, The Guardian, 17 јуни 2018 (посет. 26 јули г).
  79. Paul Fletcher. „Croatia beat Denmark in tense shootout“, BBC Sport, 1 јули 2018 (посет. 2 јули 2018 г).
  80. Gabriele Marcotti. „Luka Modric vanquishes ghosts of penalties past in what could be his final World Cup“, ESPN, 2 јули 2018 (посет. 2 јули 2018 г).
  81. David Hytner. „‘Now we can forget Turkey’: Modric and Croatia lay ghost of 2008 to rest“, The Guardian, 2 јули 2018 (посет. 2 јули 2018 г).
  82. Anderson, Jamie. „World Cup result: Croatia BEAT Denmark on penalties despite Kasper Schmeichel heroics“. Express. https://www.express.co.uk/sport/football/982237/Croatia-Denmark-Live-Stream-World-Cup-Score-Teams-Christian-Eriksen-Goals-Fixtures-Latest. посет. 11 јули 2018 г. 
  83. Patrick Jennings. „Croatia knock out Russia on penalties“, BBC Sport, 7 јули 2018 (посет. 7 јули 2018 г).
  84. „Croatia through as hosts pay the penalty“. FIFA. 7 јули 2018. https://www.fifa.com/worldcup/matches/match/300331504. посет. 7 јули 2018 г. 
  85. „Croatia 2-1 England“. BBC Sport. 11 јули 2018. https://www.bbc.com/sport/football/44706648. посет. 11 јули 2018 г. 
  86. Chapman, Anthony. „Croatia vs England: Mario Mandzukic goal sees cameraman bundled in celebrations“. The Sun. https://www.thesun.co.uk/world-cup-2018/6756762/croatia-vs-england-mario-mandzukic-goal-camerman/. посет. 11 јули 2018 г. 
  87. „France 4-2 Croatia“. BBC Sport. 15 јули 2018. https://www.bbc.com/sport/football/44754965. посет. 15 јули 2018 г. 
  88. 88,0 88,1 Манџукиќ остана без злато, ама влезе во легендите на СП! (ФОТО)“, sport1.mk, 15 јули 2018.
  89. Sputnik News (16 јули 2018). „Mandzukic becomes first player in 40 years to score for both teams at a World Cup“. FourFourTwo. https://www.fourfourtwo.com.au/feature/croatia-mandzukic-first-player-in-40-years-to-score-own-goal-goal-in-world-cup-match-498236. посет. 16 јули 2018 г. 
  90. 90,0 90,1 90,2 90,3 90,4 90,5 Во квалификациските кола.
  91. 2 настапи во плејофот.
  92. во плејофот.
  93. 93,0 93,1 Второ квалификациско коло.

Надворешни врски

Ова е избрана статија. Стиснете тука за повеќе информации.
Статијата „Марио Манџукиќ“ е избрана статија. Ве повикуваме и Вас да напишете и предложите избрана статија (останати избрани статии).