Славонски Брод

Славонски Брод
Славонски Брод и река Сава
Грб
Славонски Брод Локација во Хрватска
Координати: 45°10′N 18°01′E
Држава	Хрватска
Жупанија	Бродско-посавска
Управа
• Градоначалник	Mирко Дуспара
Површина
• Градска	50,27 км2 (1,941 ми2)
Надм. вис.	&1000000000000009200000092 м
Население (2011)
• Градско	53.131
• Густина	11/км2 (27/ми2)
• Метро	59.141
Час. појас	CET (UTC+1)
• Лето (ЛСВ)	CEST (UTC+2)
Postal code	35000
Повик. бр.	035
Мреж. место	Official website

Славонски Брод (хрватски: Slavonski Brod) — град во Хрватска и административен центар на Бродско-посавска жупанија. Според првичните резултати од пописот 2011, во градот живееле 59.507 жители, а во самото населено место живееле 53.473 жители. Славонски Брод е најголем и најзначаен град во Славонија.

Географија

Славонски Брод се наоѓа на северниот брег на реката Сава, на границата со Босна и Херцеговина и е центар на Бродско-посавска жупанија. Претставува раскрсница на главните сообраќајни правци во правец запад-исток и север-југ. Низ Брод поминува и железничка пруга и автопат кој ја поврзува Западна Европа со Блискиот Исток, а на реката Сава има мост кој ја спојува Хрватска со Босна преку официјален граничен премин. Градот е сместен на пола пат помеѓу Загреб и Белград, на крајниот југ на Панонската Рамнина, помеѓу Бродско Брдо на север и реката Сава на југ. Пловниот пат на реката се користи уште од римско време, а паралелно со реката Сава, денес, низ славонската рамнина се простира и нафтовод.

Историја

Населба на овој дел од Хрватска постоела уште во праисториско време, благодарениe на поволната географска положба, умерената континентална клима, плодната почва и близината на реката. Градот го доби името Брод кое на почетокот значело место на кое се прегазува реката, а после и средство за остварување на истото.

На североисточниот дел на градот, во месноста Галово, не многу одамна е откриено богато наоѓалиште на античка култура од раното камено време. Освен фактот дека се работи за најголемото наоѓалиште од каменото време на подрачјето на Северна Хрватска, исклучително е значајно да се нагласи дека пронајдените остатоци го потврдуваат 8.000 години старото населување на Брод.

Денес Славонски Брод е сообраќаен град на автопатот кој ја поврзува Средна и Западна Европа со Мала Азија. Како административен центар на жупанијата и индустриски центар, Славонски Брод и понатаму расте и се развива, поготово во последните десетина години.

Население

Град Славонски Брод

Број на жители според попис

Година	2001.	1991.	1981.	1971.	1961.	1953.	1948.	1931.	1921.	1910.	1900.	1890.	1880.	1869.	1857.
бр. жители	64.612	57.229	49.153	40.043	30.093	23.116	20.196	19.203	13.729	13.193	9.627	6.940	5.872	4.775	4.015

Славонски Брод (населено место)

Број на жители според попис

Година	2001.	1991.	1981.	1971.	1961.	1953.	1948.	1931.	1921.	1910.	1900.	1890.	1880.	1869.	1857.
бр. жители	58.642	55.683	47.583	38.705	28.810	21.858	16.681	15.827	11.199	10.651	7.532	4.968	4.433	3.362	2.736

Образование

Денес во Славонски Брод поштои Машински факултет, Висока учителска школа, осум средни и единаесет основни училишта. Од установите на претшколска возраст, во градот постојат седум детски градинки, Центар за рехабилитација на деца со попречен развој и една Музичко-јазична работилница. Стапката на неписмени е ниска во однос на вкупниот број на жители. Најголемиот број на неписмени се старите лица.

Поврзано

• Славонија

Надворешни врски

• Карате клуб на Славонски Брод Архивирано на 18 декември 2005 г.
• Клуб за мал фудбал Аргус Архивирано на 3 април 2006 г.
• Теквондо клуб Брод Архивирано на 16 јануари 2006 г.
• Шаховски клуб Ориовац