Умаг

Од Википедија — слободната енциклопедија
Прејди на прегледникот Прејди на пребарувањето
Умаг
Umag
Град
Центарот на Умаг
Центарот на Умаг
Знаме на Умаг Umag
Знаме
Умаг Umag is located in Хрватска
Умаг Umag
Умаг
Umag
Местоположба на Умаг во Хрватска
Координати: 45°26′N 13°31′E / 45.433° СГШ; 13.517° ИГД / 45.433; 13.517Координати: 45°26′N 13°31′E / 45.433° СГШ; 13.517° ИГД / 45.433; 13.517
Држава Хрватска
ЖупанијаZastava Istarske županije.svg Истра
Управа
 • ГрадоначалникВили Басанезе (СДП)
Површина
 • Вкупна87 км2 (34 ми2)
Надм. вис.&100000000000000000000000 м
Население (2001)
 • Вкупно13,467
 • Густина150/км2 (400/ми2)
Часовен појасCET (UTC+1)
 • Лете (DST)CEST (UTC+2)
Поштенски број52 470
Повик. бр.052
Мреж. местоgrad-umag.hr

Умаг (хрватски: Umag, италијански: Umago) – приморски град во Истарската Жупанија, Хрватска.

Во градот се одржува годишниот тениски турнир на земјени терени Отворено првенство на Хрватска Умаг.

Географија[уреди | уреди извор]

Умаг е најзападниот град на Хрватска, а општината ја вклучува Савудрија, најзападната точка на Хрватска. Оддалечен е само 10 км од словенската граница. Опкружен е со прекрасна природа и со плажи со најчисто море.

Историја[уреди | уреди извор]

Општинска зграда
Северна страна на центарот на Умаг

Умаг првпат бил спомнат во 7 век од непознат граѓанин на Равена, но постоел од римско време. Доказ за тоа бројните остатоци на римските куќи за одмор, т.н. villa rustica, по должината на целиот брег. Градската историја е тесно поврзана со населбата Сипар чии урнатини се наоѓаат 6 км северно од Умаг. Во 9 век, утврдената населба Сипар била опустошена од неретванските пирати. После ова, значењето на Умаг расте благодарение на неговата местоположба. Пред Умаг постои мало островче раздвоено со тесен канал од копното кое го штитело градот од постојани инвазии низ вековите. По римскиот период на релативен просперитет дошол период на несигурност предизвикан пред сè од чести инвазии, епидемии на чума, колера и маларија. Бројот на жители брзо опаѓа. Умаг станува дел од кралствата на Одоакер, Теодорих Велики, а бил исто така под власта на Лангобардите.

Од 6 до 8 век, Умаг бил под византиска доминација, потоа под власта на Ломбардите во 751 година и Франките во 774 година. Наредниот период е обележан со несигурност и чести промени на власта. Со растот на својата моќ Венецијанската Република ја наметнува својата власт во Истра, присилувајќи го Умаг и другите западноистарски градови да ѝ се заколнат на лојалност на Венеција. Својата лојалност Умаг ѝ ја ветил на Венеција во 1269 година, и сè до 1797 година таа назначува гувернери на Умаг од своето благородништво. Овој период во никој поглед не е мирен период.

Вековните судир со Џенова донеле рушење и пљачкање. Во 1370 година, џеновската морнарица го нападнала Умаг и ја уништила градската архива. Епидемиите на чума го десеткувала населението и ги присилило венециските власти да го колонизираат подрачјето со нови доселеници, главно од териториите под закана од турски инвазии. Пристаништето во Умаг било користено за товарање на вишокот земјоделски производи од внатрешноста. До падот на Венеција, Умаг опстојувал како и другите истарски градови. Неговото општинско уредување било гарантирано со статут од 1541 година.

Со падот на Венецијанската Република, Умаг, како и целиот источен јадрански брег, дошол под власт на Франција сè до 1815 година кога преминал под власт на Австрија под чија власт останал до 1918 година. После Првата светска војна Истра станала дел од Италија. После Втората светска војна, разгорувањето на кризата за Трст резултирала со воспоставување на Слободна Територија Трст, додека Умаг станал дел од зоната Б под управа на југословенската армија и во 1954 година станала дел од Југославија. Откако Умаг станал дел од Југославија многу Италијанци, кои го сочинувале мнозинството население во градот, се отселиле во Италија.

Во 1993 година, Умаг станал независна општина, а во 1997 година го добил статусот на град.

Економија[уреди | уреди извор]

Теренот Стела Марис
Казино Умаг

Природните богатства на подрачјето значајно влијаеле на развојот на економијата во целина. Особено местоположбата, му обезбедила на Умаг интензивен и динамичен раст на туристичката индустрија после Втората светска војна. Близината на големиот западноевропски пазар и растот на стандардот на источноевропските земји придонеле за експанзија на оваа економска гранка која е тесно поврзана со другите економски ресурси во регионот од кои секако најзначајно е земјоделието. Најплодната земја и големата обработлива површина во подрачјето го засилија производството на традиционалните медитерански култури присутни во регионот со илјадници години, со посебно нагласување на одгледување на маслинки и грозје.

Грозјето довело до успешна винарска индустрија и појава на бројни и препознатливи локални винарии. Освен тоа, мора да се спомене фабриката за храна на Подравка за обработка на домати.

Население[уреди | уреди извор]

Во 2001 година градот броел 7.769 жители, а целокупното население на општината изнесувало 13.064 жители. Како и многу други градови во Истра, Умаг има повеќенационално население. Хрватите се апсолутно мнозинство со 59,6%, Италијанците сочинуваат 18,3% од населението, Србите 3,8%, Словенците 2,2%, Бошњаците 1,7%, Албанците 1,3% и оние кои се изјасниле како Истрани чинат 1,57% од населението.[2]

Население во
Умаг
ГодинаНас.±%
1880 4.536—    
1890 5.071+11.8 %
1900 5.689+12.2 %
1910 6.548+15.1 %
1921 6.858+4.7 %
1931 7.704+12.3 %
1948 7.103−7.8 %
1953 6.896−2.9 %
1961 7.554+9.5 %
1971 8.160+8.0 %
1981 9.936+21.8 %
1991 12.348+24.3 %
2001 12.901+4.5 %
2011 13.467+4.4 %

Наводи[уреди | уреди извор]

Надворешни врски[уреди | уреди извор]