Маслинки

Маслинки
Маслинка (Olea europaea)
Научна класификација
Царство:	Растенија
Оддел:	Скриеносеменици
Класа:	Дикотиледони
Поткласа:	Астериди
Нерангирано:	евастериди I
Ред:	Усноцветовидни
Семејство:	Маслинки Hoffmgg. и Link
Родови
Abeliophyllum – бела форзитија Chionanthus Comoranthus Dimetra Fontanesia Forestieria Forsythia – форзитија Fraxinus – јасен Haenianthus Hesperelaea † Jasminum – јасмин Ligustrum – прасика Menodora Myxopyrum Nestegis Noronhia Notelaea Nyctanthes Olea – маслинка Osmanthus – османтус Phillyrea - грипа Picconia Priogymnanthus Schrebera Syringa – јоргован
Синоними
Bolivariaceae Гризеб. Forstiereae (Forstieraceae) Ендл. Fraxineae (Fraxinaceae) С.Ф. Греј Iasmineae (Iasminaceae) Врска Jasmineae (Jasminaceae) Јус. Lilacaceae Вентенат Nyctantheae (Nyctanthaceae) Ј.Г. Агард Syringaceae Хоран.

Маслинките (науч. Oleaceae) се фамилија на растенија со 24 рецентни родови и околу 600 видови на мезофитни грмушки, дрвја и ретко трнови.

Опис

Листови

Фамилијата се одликува со наспрамни листови кои може да се прости или сложени (или пинатни или тернатни), без прилисници. Најизменичниот (спирален) распоред на листовите е редок, но највоочлив е кај јасминот (Jasminum sp.). Лиската е со пинатна венација и може да е рассечена или со целокрајни рабови. Кај одредени таксони се среќаваат домации, односно комори во кои се заробуваат различни членконоги. Листовите може двегодишни или зимзелени, при што зимзелените видови се најчести во топлите умерени и тропски региони, додека видовите со двегодишни листови се предоминантни во поладните региони.

Цветови

Цветовите се најчесто хермафродитни и актиноморфни, заземаат форма на метличка или грозд, и обично се фрагрантни. Чашката може, но и не мора да е присутна, додека венчето е синсепално и четириделно. Андрецеумот има два прашника вметнати во перигинската зона и алтернираат со деловите на венчето.

Во Македонија

Од фамилијата Oleaceae како култивирани растенија на територијата на Македонија, најчесто како парковски украсни растенија се одгледуваат Jasminum nudiflorum, Jasminum officinale, Forsythia europaea, Forsythia suspensa, различни видови од родот Ligustrum за жива ограда, и други.

Во јужните делови на Македонија: јужно од Демир Капија, Гевгелија, околината на Дојран, особено во последно време, се одгледува култивирана маслинка (Olea europaea). За нејзиното одгледување на посочените локалитети постојат и постари податоци од 1923 и 1928 година.