Никица Јелавиќ

Никица Јелавиќ
Лични податоци
Роден на	27 август 1985 (1985-08-27)
Роден во	Чапљина, Хрватска
Држава	Хрватска
Висина	&100000000000001870000001,87 м
Играчки податоци
Позиција	напаѓач
Повлекување	1 март 2021 (35 г.)
Младинска кариера
	Хајдук Сплит
Кариера*
Години	Клуб	Наст.†	(Гол.)†
2002-2007	Хајдук Сплит	35	(8)
2007-2008	Зулте Варегем	23	(3)
2008-2010	Рапид Виена	71	(27)
2010-2012	Ренџерс	45	(30)
2012-2014	Евертон	59	(16)
2014-2015	Хал Сити	46	(13)
2015-2016	Вест Хем Јунајтед	13	(1)
2016-2017	Пекинг Рен	29	(15)
2017-2020	Гуичжоу Жиченг	57	(27)
2020-2021	Локомотива	4	(0)
Репрезентација ‡
2009-2014	Хрватска	36	(6)
Сениорските учества и голови се сметаат само за домашни натпревари податоците се од 17 јануари 2012. † Учества (Голови). ‡ Учествата и головите за репрезентација се според податок од 17 јануари 2012

Никица Јелавиќ (роден на 27 август 1985 во Чапљина) — хрватски поранешен фудбалер, кој играл на позицијата напаѓач.

Кариера

Јелавиќ ја започнал својата професионална кариера во екипата на Хајдук Сплит во 2002 година, пред да замине во белгискиот Зулте Варегем. Една година подоцна тој потпишал за австрискиот Рапид Виена. Во сезоната 2008-2009, тој постигнал 18 гола и играл многу добро, соработувајќи во нападот со Ервин Хофер и Штефан Мејерхофер тројцата заедно постигнале дури 76 од 89 голови на клубот. Сепак, и покрај големиот број на постигнати голови Рапид го завршил првенството на второто место со 4 бода помалку од шампионот Ред Бул Салцбург.

Во летото 2010 година, Јелавиќ се преселил во шкотскиот Ренџерс, со кој успеал да ја освои Премиер лигата на Шкотска и Лига купот на Шкотска, пред да направи трансфер во Евертон во англиската Премиер лига. Со клубот од Ливерпул, Јелавиќ потпишал на 31 јануари 2012, во последниот ден од зимскиот трансферен прозорец. Своето деби за карамелите го имал на 4 февруари 2012, влегувајќи од клупата за резерви на местото на аргентинецот Денис Страквалурси во 60-тата минута од натпреварот против Виган Атлетик, кој завршил без победник 1-1. Својот прв гол за Евертон во кариерата го постигнал на 10 март, во победата над Тотенхем на Гудисон Парк со 1-0. На 24 март 2012, тој го постигнал својот втор погодок на гостувањето кај Свонзи Сити по што уследила серија од шест натпревари на кои Јелавиќ постигнал 8 голови во сите натпреварувања. Иако дошол на пола сезона, тој бил најдобар стрелец на клубот со 9 голови во 13 одиграни натпревари во Премиер лигата.

Титули

Ренџерс

• Премиер лига : 1

2010-2011

• Лига куп на Шкотска : 1

2011

Надворешни врски

• Никица Јелавиќ на soccerway