Бадахос (покраина)

Од Википедија — слободната енциклопедија
(Пренасочено од Бадахоз (покраина))
Прејди на прегледникот Прејди на пребарувањето
Бадахос
Provincia de Badajoz
Покраина
Бадахос во рамките на Шпанија
Бадахос во рамките на Шпанија
Земја Шпанија
Автономна заедница Екстремадура
Главен град Бадахос
Површина
 • Вкупна 21.766 km2 (8.404 sq mi)
Службен јазик шпански
Окрузи во покраината Бадахос

Бадахос (шпански: Provincia de Badajoz) — покаина во автономната заедница Екстремадура, западна Шпанија. Се граничи со покраините Касерес на север, Толедо, Сјудад Реал на исток, Кордоба на југоисток, Севилја и Уелва на југ, и Португалија на запад.

Со површина од 21.766 км2, ова е најголемата покраина во Шпанија.[1] и е поретко населена од другите покраини.[2] Според пописот од 2010 г., населението брои 692.137 жители. Главен град е Бадахос.[2]

Историја[уреди | уреди извор]

Подрачјето на покраината уживало просперитет за време на Римското царство кога Мерида била меѓу главните центри во Хиспанија. Со завршувањето на визиготскиот и навлегувањето на Маврите, династијата Ибн ел-Афатас во Бадахос воспоставила значаен културен и научен центар. Многу од морепловците кои го освојувале новиот свет биле од оваа покраина.[2]

Географија и клима[уреди | уреди извор]

Иако има повеќе делови на Бадахос со пониски ридски венци, површината е претежно пуста, со еднолични рамни или благо накосени предели. Најважна река е Гвадијана, која го пресекува северот на покраината во превец исток-запад и има голем број притоки; сепак, реката е полноводна само во некои делови од годината, па затоа често може да се преминува без пловило. Климата е континентална, со мошне топли лета и студени зими и силни западни и северозападни ветришта на рамнините. Растителноста е типично средоземна.[1]

Административна поделба[уреди | уреди извор]

Покраината е поделена на 134 општини. Покрај градот Бадахос, поважни населени места се Алмендралехо, Азуага, Дон Бенито, Херез де лос Кабалјерос, Мерида, Зафра, Монтихо и Вилјануева де ла Серена. Има и традиционални окрузи (комарки) кои немаат административна улога: Ла Сиберија и Љанос де Оливенза. Главниот град Бадахос е Најважен стопански и трговски центар во покраината.[2]

Посетителски знаменитости[уреди | уреди извор]

Најважни стопански гранки во Бадахос се туризмот и земјоделството.[2] Најпосетувани места се градот Бадахос со тврдината, Фрехенал де ла Сиера, Херез де лос Кабалјерос, Љерена, Мерида, Оливенза, Аланхе, Албуркерке и Алмендралехо. Месната кујна е позната по јадења како див зајак, еребица и разни свински производи.

Значајни знаменитости во Мерида се римскиот театар, Националниот музеј на римска уметност и тврдината (aлказаба). Во Бадахос, од значење се градската тврдина и споменикот на Ибн Мерван[1].

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]