Касерес (покраина)
| Касерес Cáceres | |||
|---|---|---|---|
| покраина | |||
 Покраинската управа во Касерес | |||
| |||
 Касерес во рамките на Шпанија | |||
| Земја | Шпанија | ||
| Автономна заедница | Екстремадура | ||
| Главен град | Касерес | ||
| Површина | |||
| • Вкупна | 19.868 км2 (7,671 ми2) | ||
| Население (2021) | |||
| • Вкупно | 387.805 | ||
| • Густина | 20/км2 (51/ми2) | ||
| Службен јазик | шпански | ||
Касерес (шпански: Cáceres) — покраина во Западна Шпанија што ја сочинува северната половина на автономната заедница Екстремадура. Седиште е истоимениот град Касерес. Други градови се Пласенсија, Корија, Навалморал де ла Мата и Трухиљо, родното место на конквистадорот Франсиско Писаро. Во 2021 г. покраината броела 387.805 жители,[1] од кои една четвртина живееле во главниот град. Низ покраината тече реката Тахо.[2]
Географија[уреди | уреди извор]
Северната природна граница ја образува планината Сиера де Гредос во правец исток-запад, која е дел од Централниот Систем. На северот се Хертската Долина, клисурите Ла Вера, Амброската Долина и Лас Урдес со разни планински реки и вирови. Јужната граница ја сочинуваат Толедските Планини. Остатокот од покраината се одликува со низински предели низ кои течат реката Тахо и нејзините притоки. Планините се богати со диви животни и тука се наоѓа националниот парк Монфрагве.[2]
Население[уреди | уреди извор]
Ова е населението на покраината во минатото:
Стопанство[уреди | уреди извор]
Низинските предели се плодни и наводнувани. Најважни култури се житарките, тутунот, доматите, пиперките и црешите, а развиено е и сточарството и свињарството.
Браната „Габриел и Галан“ е една од три на реката Алагон, чија централа е одговорна за најголемиот дел од електричната енергија во покраината.[2]
Во Талаван се наоѓа третата по големина инсталација на сончеви ќелии во државата со моќност од 300 мегавати.
Административна поделба[уреди | уреди извор]
Покраината е создадена во 1839 г. Се граничи со покраините Саламанка, Авила, Толедо и Бадахос на југ и со Португалија на запад.[2] Главен град е Касерес, каде живее една четвртина од населението на покраината. Други градови се Пласенсија, Корија, Навалморал де ла Мата, Алкантара и Трухиљо.
Покраината се состои од 223 општини. Традиционални окрузи во покраината без административна функција се Лас Виљуеркас, Лас Урдес и Монфрагве. Лас Урдес важи за едно од најсиромашните краишта во историјата на Шпанија.[2]
Спорт[уреди | уреди извор]
Најважен фудбалски клуб во покраината е ФК „Касарењо“ кој игра во Втората лига (Б).
Наводи[уреди | уреди извор]
- ↑ Cifras oficiales de población de los municipios españoles en aplicación de la Ley de Bases del Régimen Local (Art. 17), Instituto Nacional de Estadística
- ↑ 2,0 2,1 2,2 2,3 2,4 „Cáceres“. Encyclopædia Britannica. Посетено на 15 September 2014.
Надворешни врски[уреди | уреди извор]
Касерес (покраина) на Ризницата ?- Службен портал на покраината Касерес (шпански)
- Туристичка страница за покраината Касерес
| ||||||
|