Толедо (покраина)

Од Википедија — слободната енциклопедија
Прејди на прегледникот Прејди на пребарувањето
Покраина Толедо
Provincia de Toledo
Покраина
Знаме на Покраина Толедо
Знаме
Грб на Покраина Толедо
Грб
Местоположба на покраината Толедо во Шпанија
Местоположба на покраината Толедо во Шпанија
ДржаваШпанија
Автономна заедницаКастиља-Ла Манча
ПрестолнинаТоледо
Површина
 • Вкупна15.370 км2 (5,930 ми2)
Ранг8.
 • Ранг22.
ПарламентКортес генералес

Толедо - покраина во средишна Шпанија, во западниот дел на автономната заедница Кастиља-Ла Манча. Се граничи со покраините Мадрид, Куенка, Сјудад Реал, Бадахос, Касерес и Авила. Главен град е градот Толедо.

Демографија[уреди | уреди извор]

Од 711.228 лица во покраината (2012), само околу 1/9 живеат во главниот град Толедо, кој исто така е главен град на автономната заедница. Најпоанати општини во покраината се Толедо и Талевера де ла Реина со 83.741 и 83.303 жители за двете (ИНЕ, 2017).

Покраината содржи 204 општини. Најмалата општина во Шпанија, Иљан де Вакас, со население од 8, е во покраината Толедо.

Политика и власт[уреди | уреди извор]

Покраинска власт[уреди | уреди извор]

Седиште на покраинскиот совет.

Владиното тело на покраината е Покраинскиот совет на Толедо. Неговото седиште се наоѓа во Толедо. Членовите на собирот на советот (diputación) индиректно се избираат од редот на општинските советници во покраината, врз основа на резултатите од општинските избори. За возврат, пленарниот парламент го избира претседателот на советот од редот на своите членови.

Претставување во централната власт[уреди | уреди извор]

Владата на Шпанија назначува владин под-делегат за покраината, чие седиште е во Толедо. Владиниот делегат што е надлежен за застапување во целата автономна заедница Кастиља-Ла Манча исто така има свое седиште во Толедо.

Грб на покраината Толедо[уреди | уреди извор]

Од 2013 година покраината Толедо го користи грбот на градот, империјалниот црн двоглав орел, кој носи штит со грбовите на Кастиља и Леон, party per pale (поделен грб на вертикална половина) со грбот на поранешното Кралство Толедо. Орелот е придружен од двете страни со столбовите на Херакле.[1]

Географија[уреди | уреди извор]

Покраината го дели Националниот парк Кабањерос со покраината Сјудад Реал. Корочо де Росидалго, кој се наоѓа во Монтес де Толедо, е највисоката точка на покраината (1.448 м).[2] Тахо тече низ покраината од северо-исток кон запад. Некои притоки на десниот брег се Гвадарама, Алберче или Тјетар.

Наводи[уреди | уреди извор]

  1. „La Diputación de Toledo presenta su nuevo escudo“ [Канцеларијата на Советот на Покраината Толедо го претставува нејзниниот нов грб.]. ABC.es (шпански). 18 октомври 2013. Посетено на 9 јуни 2020.
  2. „Datos Municipales“. Ayuntamiento de Navalucillos.

Библиографија[уреди | уреди извор]

  • Mingo Llorente, Adolfo de. „Del Alberche al Río Bravo: ríos toledanos en el cine“. Наводот journal бара |journal= (help)

Надворешни врски[уреди | уреди извор]