Кастељон (покраина)
| Кастељон Castellón Castelló | ||
|---|---|---|
| покраина | ||
| ||
 Map of Spain with Castelló highlighted | ||
| Земја | Шпанија | |
| Автономна заедница | Валенсија | |
| Седиште | Кастељон да ла Плана | |
| Управа | ||
| • Претседател | Жузеп Пасквал Марти Гарсија | |
| Површина | ||
| • Вкупна | 6.611,93 км2 (255,288 ми2) | |
| Население (2021) | ||
| • Вкупно | 587.064 | |
| • Густина | 0,89/км2 (2,3/ми2) | |
| Службени јазици | валенсиски и шпански | |
| Мреж. место | dipcas.es  | |
Кастељон (шпански: Castellón), службено: Кастељо (валенсиски: Castelló) — покраина на северот на автономната заедница Валенсија, западна Шпанија. Се граничи со покраините Валенсија на југ, Теруел на запад, Тарагона на север и Средоземното Море на исток.[1] На западната страна на покраината се Ибериските Планини.
Географија[уреди | уреди извор]
Главен град на Кастељон е Кастељон де ла Плана. Покраината имала 579.962 жители на почетокот од 2019 г.[2] од кои 30 % живееле во главниот град, 60 % во неговото метрополско подрачје, а 85 % долж брегот. Покраината станала симбол за неразумно трошење на средства пред финансиската криза од 2008-2014 г. Особен пример за ова е големиот, но малопрометен аеродром.
Луѓето во Кастељон се двојазични — говорат шпански, како и месниот валенсиски.
Друго поголеми градови во покраината се Виљареал (Вила-реал), Боријана, Ла Ваљ д’Ујшо и Винарос. Целиот Кастељон е поделен на 135 општини.
Највисока планина во Кастељон е Пењаголоза, втора по висина во Валенсија.
Низ покраината минува гриничкиот меридијан. На разни места има споменици кои го бележат точното минување на меридијанот.[3]
Развој на населението[уреди | уреди извор]
Ова е населението на Кастељон низ годините:
Стопанство[уреди | уреди извор]
Традиционални стопански гранки на Кастељон се одгледувањето на агруми и зеленчук (Нулес and Беникарло). Во XVII век почнала да се развива важна индустрија за керамика и плочки (Онда, Л’Алкора, Нулес, Кастељон де ла Плана и Виљареал); дури и и денес највеќето производители на плочки во Шпанија се во оваа покраина. Присутно е производството на мебел (Беникарио и Винарос) и хемиската индустрија (Беникарло и Кастељон). Во Кастењон де ла Плана има голема нафтена рафинерија.
Меѓу традиционалните занимања се вбројуваат изработката на обувки (Ла Ваљ д’Ујшо), рибарството (Кастељон, Винарос) и ткаенини (Виљафранка и Мореља), но тие денес тие се запоставени за сметка на услужната дејност поради развојот на туризмот.
Туризам[уреди | уреди извор]
Кастељон има разнообразни предели и културно наследство, што оди во прилог на развојот на туризмот. Најголеми приморски летувалишта се Беникасим, Оропеса, Винарос, Боријана, Пењискола, Беникарло и др. Во внатрешноста постојат услови за селски туризам, а привлечни се и старите паланки како Мореља, Вилафамес, Сант Матеу, Сегорбе, минералните извори во Монтанехос, Бенасал, Кати итн.
Преку 50 % од хотелските легла се сосредоточени во Пењискола, трета по туристичка популарност во Валенсија по Бенидорм и Валенсија.
Окрузи[уреди | уреди извор]
Покраината историски се дели на следниве окрузи:
Поврзано[уреди | уреди извор]
Наводи[уреди | уреди извор]
- ↑ „Encyclopedia Britannica“. Архивирано од изворникот на 18 мај 2015. Посетено на 16 декември 2018.
- ↑ Instituto Nacional de Estadística, Madrid, 2019.
- ↑ „Meridian Park | Castelló Turismo“. Ajuntament de Castelló Turismo. Архивирано од изворникот на 2022-10-06. Посетено на 28 јуни 2020.
Надворешни врски[уреди | уреди извор]
Кастељон (покраина) на Ризницата ?- Службен портал на покраината Кастељон
- Туристички портал на Кастељон
| ||||||
|