Малага (покраина)

Малага
Малага; Provincia de Málaga
	Покраина
Знаме	Грб
	; Местоположба на Малага во Шпанија
Држава	Шпанија
Автономна заедница	Андалусија
Главен град	Малага
Управа
• Претседател	Франсиско Саладо (НП)
Површина
• Вкупна	7.308 км2 (2,822 ми2)
Ранг	35.
Население (2013)
• Вкупно	1,652,999
• Ранг	6.
Официјален јазик	Шпански
Парламент	Генерален кортес
Мреж. место	malaga.es
	Click on the map for a fullscreen view

Малага (шпански: Provincia de Málaga) — шпанска покраина која се наоѓа во Андалусија, Шпанија. Се граничи со Средоземното Море на југ и со покраините Кадис на запад, Севиља на северозапад, Кордоба на север и Гранада на исток.

Преглед

Површината на покраината изнесува 7.308 квадратни километри и неговото население е 1.652.999 (2013), кое е концентрирано главно во метрополската област Малага, главниот град на покраината, и долж крајбрежието. Густината на населеност го надминува и просекот на Андалусија и шпанскиот, достигнувајќи 222,53 жители/km². Малага содржи 102 општини. Покрај главниот град, неговите поголеми градови се Марбеља, Михас, Фуенхирола, Велес-Малага, Торемолинос, Естепона и Беналмадена, сите во крајбрежната зона. Во внатрешноста се наоѓаат градовите Антекера и Ронда.

Во покраината преоваладува топла средоземна клима со суви и топли, долги лета и кратки, благи зими. Географскиот релјеф многу варира од подрачје до подрачје. Општо земено, крајбрежното подрачје има суптропска средоземна клима. На север, постои континентална средоземна клима со студени, суви зими и топли лета.

Нејзина главна индустрија и нејзина препознатливост се туристичките одморалишта, особено оние на плажите долж Коста дел Сол. Овие плажи ги посетуваат милиони европски туристи; други атракции вклучуваат клисурата на Ел Чоро во близина на Алора, Ел Торкал де Антекера, мавританско-мудехарскиот кварт на Фрихилијана, Долмен кај Менга и пештерите Нерха.