Берлин

Од Википедија, слободна енциклопедија

Поглед преку паркот Тиргартен кон Источен Берлин - Бранденбуршката порта, Рајхстагот(лево) и Телевизиската кула.

Берлин е најголем и воедно главен град на Сојузна Република Германија. Има околу 3 милиони жители и претставува вистински културен, економски, политички центар не само на Германија туку и пошироко во регионот и во Европа.

Сместен е во источниот дел на Германија на околу 100 километри од границата со Полска. Од завршувањето на Втората Светска војна па се до 1989 година тој е поделен на два дела помеѓу Источна Германија и Западна Германија кои биле под влијание на СССР и САД соодветно. Во 1989 година со падот на Берлинскиот ѕид кој ги делеше Источниот од Западниот дел на Берлин се означува соединувањето на двете Германии, а со тоа симболично се означува и крајот на ерата на СССР и комунизмот во светот.

[уреди] Туристички атракции

Берлин е град со голема историја и богата култура. Во Берлин се лоцирани голем број на туристички атракции како:

Фернзетурм (Der Fernsehturm) - кулата на германската телевизија
Рајхстагот (Der Reichstag), седиштето на германскиот парламент уште од времето на првиот и вториот Рајх.
Кројцберг (Kreuzberg), познат и како мал Истанбул, поради големата концентрација на турско население во таа област на градот.
Бранденбуршката порта
Островот на музеите (Museumsinsel), дел од светското наследство на УНЕСКО, на кој се наоѓаат неколку музеи со непроценливи колекции на уметнички и археолошки вредности.
Многубројни музеи од времето на поделбата на градот, на пример Чекпоинт Чарли.
Многубројни музеи посветени на страдањето на Евреите, и на Холокаустот.