Летни олимписки игри 1964

Од Википедија — слободната енциклопедија
Прејди на: содржини, барај
IX Зимски олимписки игри

Град домаќин Инсбрук, Австрија
Бр. на држави 93
Бр. на спортисти 5,151
(4,473 мажи, 678 жени)
Натпревари 163 од 19 спортови
Отворени 29 јануари
Затворени 9 февруари
Официјално отворени од: Шова
Спортска заклетва Такаши Оно
Олимписки оган Јошинори Сакаи
Стадион Бергисел

Летните олимписки игри - 1964 или 18-те Летни олимписки игри се одржале во Токио. Токио бил избран за град-домаќин на 55-тата сесија на МОК одржана на 26 мај 1959 во Минхен. Поразени кандидати биле Детроит, Брисел и Виена. Токио за прв пат бил избран за домаќин на Летните оилимписки игри - 1940, но поради јапонската инвазија на Кина за град-домаќин на игрите бил избран градот Хелсинки. Но, игрите не се одржале поради Втората светска војна. Со игрите во 1964 година, Токио станал првиот град на континентот Азија којшто бил домаќин на едни Олимписки игри воопшто. На игрите не учествувала Јужноафриканската Република во којашто постоел расизам во речиси сите спортови.

Ова се резултатите од гласањето за избор на град-домаќин на игрите:

Резултати од гласањето за избор на град-домаќин на Летните олимписки игри - 1964
Град Земја Прв круг
Токио Flag of Japan.svg Јапонија 34
Детроит Flag of the United States.svg САД 10
Виена Flag of Austria.svg Австрија 9
Брисел Flag of Belgium.svg Белгија 5

Ретроспектива[уреди]

  • Јуџи Косеки ја компонирал песната за церемонијата на отворање.
  • Јошинори Сакаи којшто го запалил Олимпискиот оган бил роден на 6 август 1945 година во Хирошима, денот кога овој град бил погоден од атомската бомба „Малото момче“.
  • Спортовите џудо и одбојка коишто биле многу популарни во Јапонија биле воведени на овие Олимписки игри. Јапонците освоиле 3 златни медали во џудо, но сепак првиот златен медал во овој спорт на Олимписките игри го освоил Холанѓанецот Антон Геезинк. Финалето во одбојка во женска конкуренција го добиле репрезентативките на домаќинот Јапонија, а било пренесувано директно низ целиот свет.
  • Светскиот првак во борење Осаму Ватанабе го освоил златниот медал во слободен стил. Ватанабе се пензионирал како единствениот спортист којшто останал непоразен во својата кариера. Неговиот ефект бил 189-0.
  • Советската гимнастичарка Лариса Латинина освоила 2 златни, 1 сребрен и 2 бронзени медали. И двете злата ги освоила по трет патпо ред во тимска конкуренција и на партер. Лариса кариерата ја завршила со 18 Олимписки медали (9 златни, 5 сребрени и 4 бронзени) што се уште е несоборлив рекорд.
  • Австралијанецот Дон Фрејзер го освоил својот трет златен медал по ред на Олимписките игри во пливање во трката на 100m слободен стил. Со тој подвиг бил споредуван со веслачот Вјачеслав Иванов кој го сторил истото во веслање.
  • Дон Шоландер освоил 4 златни медали во пливаање.
  • Абебе Бикела станал првиот човек во Олимписката историја којшто успеал да победи во маратонот 2 пати.
  • Новозеланѓанецот Питер Снел победил во трките на 800 и на 1500m.
  • Бил воведен женскиот петобој.
  • Непознатиот Американец Били Милс изненадувачки победил во трката на 10.000m.
  • Боб Хејес победил на 100m изедначувајќи го светскиот рекорд од 10s. Во полуфиналето тој истрчал и под 10s, но поради брзината на ветерот рекордот не бил признаен.
  • Џо Фрејзир победил во бокс во супертешка категорија.

Спортови[уреди]

Будокан
Јојоги Гимназиум- дизајниран од Кензо Танге

Демонстративни спортови[уреди]

Земји-учеснички[уреди]

Со сина боја се обележани земјите кои дебитираат на Олимписките игри

На Летните олимписки игри одржани во Токио во 1964 година ушествувале спортисти од 94 земји. Дебитирале 16 земјии: Алжир, Камерун, Чад, Република Конго, Брегот на Слоновата Коска, Доминиканска Република, Либија, Мадагаскар, Малезија, Мали, Монголија, Непал, Нигер, Северна Родезија (денес Замбија), Сенегаљл и Танзанија (како Тангањика). Спортистите од Либија се откажале од учеството веднаш по церемонијата на отворање, па всушност учествувале 93 земји. Продолжила традицијата на заеднички настап на спортистите од Источна и Западна Германија којашто траела уште од пред претходните 2 Летни олимписки игри.

Освојувачи на медали[уреди]

 Ранг  Земја Злато Сребро Бронза Вкупно
1 Flag of the United States.svg САД 36 26 28 90
2 Flag of the Soviet Union.svg СССР 30 31 35 96
3 Flag of Japan.svg Јапонија (домаќин) 16 5 8 29
4 Flag of German Olympic Team 1960-1968.svg Обединет тим на Германија 10 22 18 50
5 Flag of Italy.svg Италија 10 10 7 27
6 Flag of Hungary.svg Унгарија 10 7 5 22
7 Flag of Poland.svg Послка 7 6 10 23
8 Flag of Australia.svg Австѕралија 6 2 10 18
9 Flag of the Czech Republic.svg Чехословачка 5 6 3 14
10 Flag of the United Kingdom.svg Велика Британија 4 12 2 18

Надворешни врски[уреди]