Зимски олимписки игри 1956

Од Википедија — слободната енциклопедија
Прејди на: содржини, барај
VII Зимски олимписки игри - Кортина д'Ампецо 1956
VII Зимски олимписки игри - Кортина д'Ампецо 1956
Град домаќин Кортина д'Ампецо, Италија
Број на држави 32
Број на спортисти 821 (687 мажи и 134 жени)[1]
Број на спортови 4
Број на натпревари 24
Отворање 26 јануари 1956
Затворање 5 февруари 1956
Стадион

VII Зимски олимписки игри се одржале од 26 јануари до 5 февруари 1956 година во Кортина д'Ампецо, Италија. Останати кандидати за отганизација на игрите биле Монтреал, Колорадо Спрингс и Лејк Плесид.

Ова биле првите Зимски олимписки игри на кои учествувал Советскиот Сојуз, освојувајќи најголем број на златни и вкупно медали. Оваа доминација на СССР продолжила на речиси сите Зимски олимписки игри, сè до распадот на државата.

Зимските олимписки игри во Кортина д'Ампецо биле првите кои можеле да следат преку директен телевизиски пренос, но последни на кои натпреварите во уметничко лизгање се одржале на отворено.[1]

Избор на град-домаќин[уреди]

Грофот Алберто Бонакоса и неговата сопруга Марија вложиле напори да овозможат Зимските олимписки игри да се организираат во Кортина д'Ампецо. Бонакоса, кој бил член на МОК од 1925 година, бил успешен алпски скијач, а заедно со својата сопруга имал афинитети и кон уметничкото лизгање.[2] Тој успеал да ги убеди членовите на советот на Кортина да го предложат градот како оможен град-домаќин на Зимските олимписки игри 1944. На 38. седница на МОК, која се одржала во Лондон во 1939 година, било одлучено Зимските олимписки игри во 1944 година да се одржат во Кортина д'Ампецо. Сепак, поради избувнувањето на Втората светска војна, игрите не можеле да се организираат, а веднаш по завршувањето на војната, грофот Бонакоса побарал од МОК во Кортина да се одржат Зимските олимписки игри во 1952 година. Така, градот бил кандидат за организација на овие игри, но во гласањето најмногу гласови добил градот Осло. Италијанската олимписка делегација, предводена од грофот Бонакоса продолжила со настојувањето игрите да се организираат во Кортина, па така градот бил кандидат за град-домаќин и на игрите во 1956 година. На 43. седница на МОК во Рим на 29 април 1949,[3] покрај Кортина во конкуренција биле и градовите Монтреал, Колорадо Спрингс и Лејк Паесид. Со убедлива предност по бројот на освоени гласвои било одлучено Зисмките олимписки игри во 1956 година да се одржат во Кортина д'Ампецо. Грофот Бонакоса починал на 31 декември 1953, со што не доживеал да присуствува на одржувањето на игрите во Кортина.[3]

Резултати од гласањето за избор на град-домаќин
на Зимските олимписки игри 1956[4]
Град Земја Прв круг
Кортина д'Ампецо  Италија 31
Монтреал, Canadian Red Ensign 1921-1957.svg Канада 7
Колорадо Спрингс Flag of the United States.svg САД 2
Лејк Плесид Flag of the United States.svg САД 1

Краток преглед[уреди]

  • Во алпско скијање, Тони Зајлер од Австрија станал првиот спортист во историјата, кој освоил три златни медали на едни Олимписки игри.[1] Во спуст победил со предност од 3,5 s, во слалом бил најбрз во двете трки, а во велеслалом победил со предност од дури 6,2 s.
  • Нетпреварувачите од САД доминиале во уметничко лизгање. Тенлеј Албрајт победила во женска конкуренција, а во машка конкуренција сите медали ги освоиле натпреварувачите од оваа земја, при што победил Хејс Алан Џенкинс.
  • Во брзо лизгање, доминирале лизгачите од Советскиот Сојуз, кои освоиле три златни медали во вкупно четири дисциплини. Евгени Гришин бил најуспешен лизгач, освојувајќи два златни медали и поставувајќи два светски рекорди.[5]
  • Финските натпреварувачи во скијачки скокови вовеле нов стил на скокање, при што скокачот рацете ги држел на страна, наместо пред главата. Анти Хиваринен и Аулис Калакорпи ги зазеле првото и второто место, користејќи го новиот стил.[6]

Спортови[уреди]

На игрите медали биле доделени во 24 дисциплини во 4 спортови, а демонстративни спортови немало.

Распоред ан натпревари[уреди]

Во продолжение е даден распоред на натпреварите по натпреварувачки денови.[7]

 ●  Церемонија на отворање  ●  Квалификациски натпревари  ●  Финални натпревари ●  Церемонии на затворање
26 27 28 29 30 31 1 2 3 4 5 Вкупно
Церемонии
Olympic rings with white rims.svg
Боб Bobsleigh pictogram.svg 1 1 2
Алпско скијање Alpine skiing pictogram.svg 1 1 1 1 1 1 6
Брзо лизгање Speed skating pictogram.svg 1 1 1 1 4
Нордиска комбинација Nordic combined pictogram.svg 1 1
Скијачко трчање Cross country skiing pictogram.svg 1 1 1 1 1 1 6
Скијачки скокови Ski jumping pictogram.svg 1 1
Уметничко лизгање Figure skating pictogram.svg 1 1 1 3
Хокеј на мраз Ice hockey pictogram.svg 1 1
Вкупно 2 3 2 3 3 3 2 2 2 2 24

Земји-учеснички[уреди]

На игрите во Кортина д'Ампецо се натпреврувале 821 спортист од 32 земји.[8] За прв пат на игрите учествувале Боливија, Иран и Советскиот Сојуз. Јужна Кореја, Лихтенштајн и Турција се вратиле наигрите, откако не учествувале на игрите во 1952, а Аргентина, Данска, Нов Зеланд и Португалија, кои учествувале на игрите во 1952, не учествувале во Кортина. Спортистите од Западна и Источна Германија учествувале како претставници на Обединетиот тим на Германија, а истото се случило и на идните две Олимпијади.

Освојувачи на медали[уреди]

Во табелата се дадени првите десет земји по бројот на освоени медлаи.[1]

 Ранг  Земја Злато Сребро Бронза Вкупно
1 СССР СССР 7 3 6 16
2  Австрија 4 3 4 11
3  Финска 3 3 1 7
4  Швајцарија 3 2 1 6
5  Шведска 2 4 4 10
6 Flag of the United States.svg САД 2 3 2 7
7  Норвешка 2 1 1 4
8  Италија 1 2 0 3
9  Германија 1 0 1 2
10 Canadian Red Ensign 1921-1957.svg Канада 0 1 2 3

Видете исто така[уреди]

Портал „Олимписки игри

Наводи[уреди]

  1. 1,0 1,1 1,2 1,3 „Cortina d'Ampezzo 1956“. International Olympic Committee. http://www.olympic.org/uk/games/past/index_uk.asp?OLGT=2&OLGY=1956. конс. 9 февруари 2009. 
  2. Findling & Pelle (1996), стр. 258
  3. 3,0 3,1 Findling & Pelle (1996), стр. 259
  4. The International Olympic Committee Vote History
  5. Comitato Olimpico Nazionale Italiano (1956), стр. 641
  6. „1956 Cortina d'Ampezzo Winter Games“. Sports Reference LLC. http://www.sports-reference.com/olympics/winter/1956/. конс. 13 март 2009. 
  7. Comitato Olimpico Nazionale Italiano (1965), стр. 71
  8. Comitato Olimpico Nazionale Italiano (1956), стр. 50-69

Надворшни врски[уреди]