Олимписки игри

Од Википедија

Официјалното знаме

Олимписките игри се меѓународен повеќеспортски настан кој се одржува на секои 4 години.

Олимписките игри (грчки:Ολυμπιακοί Αγώνες) се одржувале уште во античко време во Стара Грција во чест на богот Зевс. Првите антички олимписки игри се одржале во 776 п.н.е., а се одржувале константно на секои 4 години во древната Олимпија. Последните антички олимписки игри се одржале во 392, а веќе наредната година римскиот император Теодосиј Велики игрите ги укинал.

Содржина

1 Модерни олимписки игри
- 1.1 Летните игри
- 1.2 Зимските игри
2 Шампионати и носители медали
- 2.1 Олимписки носители на медали на сите времиња
3 Надворешни врски

[уреди] Модерни олимписки игри

[уреди] Летните игри

Модерните Олимписки Игри започнале во 1894 година кога Пиер де Кубертин од Франција организирал неколку светски спортисти и се заложил за ревитализација на Олимписките Игри со формирање на Интернационалниот Олимписки Комитет. Две години подоцна, во 1896 година, биле одржани првите модерни Олимписки Игри во Атина, Грција.

[уреди] Зимските игри

Главна статија: Зимски олимписки игри.

Првиот зимски спорт (уметничко лизгање) бил вклучен во Олимписките Игри во 1908 година во Лондон. Во 1920 година, во Антверпен, бил додаден и хокејот на мраз. Првите зимски олимписки игри биле одржани во францускиот скијачки центар Шамони во 1924 година. Тие, всушност, биле предивдени како “Меѓународна спортска недела” која, во пресрет на осмите летни олимписки игри во Париз, требала да ги афирмира и зимските спортови. Но, начинот на организирање и учеството на 16 земји со 294 спортисти во 6 спортови, биле повод повеќе, ИОК, една година подоцна на заседанието во Прага, да им даде олимписка верификација на овие игри. Сè до Албервил 1992 зимската олимпијада се одржувала во иста година со летната, па потоа, од Лилехамер 1994, си го зазела местото во средината од секој олимписки циклус.

[уреди] Шампионати и носители медали

[уреди] Олимписки носители на медали на сите времиња

Прашањето за тоа кој атлет е најуспешен на сите времиња е тешко да се одговори. Диверзитетот на спортови и еволуцијата на Олимписките игри од 1896 година го усложнуваат одговорот. Можеби не е најдобар начин да се мери успехот, но листата на носителите на наслови од модерните Олимписки игри по индивидуалци е еден од начините да се детерминира најголемиот атлет на сите времиња.

Атлет	Нација	Спорт	Олимп.	Злато	Сребро	Бронза	Вкупно
Мајкл Фелпс	САД	пливање	2000–2008	14	0	2	16
Лариса Латинина	СССР	гимнастика	1956–1964	9	5	4	18
Паво Нурми	Финска	атлетика	1920–1928	9	3	0	12
Марк Шпиц	САД	пливање	1968–1972	9	1	1	11
Карл Луис	САД	атлетика	1984–1996	9	1	0	10
Бјорн Дели	Норвешка	скијање	1992–1998	8	4	0	12
Бригит Фишер	Источна Гермнија Германија	кану трки	1980–2004	8	4	0	12
Савао Като	Јапонија	гимнастика	1968–1976	8	3	1	12
Џени Томпсон	САД	пливање	1992–2004	8	3	1	12
Мат Бионди	САД	пливање	1984–1992	8	2	1	11
Реј Еври	САД	атлетика	1900–1908	8	0	0	8
Николај Андријанов	СССР	гимнастика	1972–1980	7	5	3	15
Борис Шаклин	СССР	гимнастика	1956–1964	7	4	2	13
Вера Чаславска	Чехословачка	гимнастика	1960–1968	7	4	0	11
Виктор Чукарин	СССР	гимнастика	1952–1956	7	3	1	11
Аладар Геревич	Унгарија	мечување	1932–1960	7	1	2	10