Грчки јазик
Од Википедија
 |
Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете. |
| Грчки јазик Ελληνικά Ellīniká |
||
|---|---|---|
| Изговор: | [e̞liniˈka] | |
| Зборуван во: | Грција, Кипар, САД, Австралија, Германија, Турција, Обединетото Кралство, Канада, Русија, Албанија, Украина, Франција, Грузија, Италија, Бугарија, Ерменија и остатокот од грчката дијаспора. |
|
| Регион: | Балкан | |
| Вкупно говорници: | — | |
| Ранглиста: | 52 | |
| Јазично семејство: | Индоевропско Грчки јазик |
|
| Писмо: | Грчка азбука | |
| Официјален статус | ||
| Официјален јазик во: |  Грција.svg){kind=small} Кипар
Признат како малцински јазик во: |
|
| Регулиран од: | не е регулиран | |
| Јазични кодови | ||
| ISO 639-1: | el | |
| ISO 639-2: | gre (B) | ell (T) |
| ISO 639-3: | варијанти: grc — Антички грчки ell — Модерен грчки pnt — Пондиски грчки gmy — Микенски грчки gkm — Средновековен грчки cpg — Кападокиски грчки tsd — Цаконски грчки |
|
Грчкиот јазик (грчки: Ελληνικά; МФА: [e̞ˌliniˈka]) е индо-европски јазик кој се зборува воглавно во денешна Грција.
Грчкиот јазик се зборува од повеќе од 12 милиони луѓе од кои највеќе се концентрирани во Грција, но исто така и во Кипар, понатаму во Албанија и другите балкански земји, Египет, Италија, Романија, Турција, Украина, како и во многу други земји каде што постои грчка дијаспора.
Грчкиот е официјален јазик во Грција, каде што го зборува околу 99,5% од населението.[се бара извор] Заедно со турскиот јазик, грчкиот е официјален и во Кипар. Бидејќи Грција и Кипар се членки на Европската Унија, јазикот е еден од 20-те официјални јазици на Унијата. Има статус на малцински јазик во делови на Италија и Албанија.
[уреди] Потекло
Грчкиот јазик има документирана историја стара околу 3.000 години, подолго од било кој индо-европски јазик.[се бара извор] Постојат податоци дека грчкиот јазик бил зборуван во Микена уште од 15 и 14тиот век п.н.е. што го прави еден од најстарите јазици - од него постари се само Ведскиот Санскрит и јазиците на Анадолија. Старогрчкиот јазик во своите различни форми е јазикот на класичната грчка цивилизација и на првобитното европско христијанство, и претставувал прв или втор јазик во повеќе делови на Римската Империја.[се бара извор] Се предава во школи и универзитети во многу земји за време на ренесансата и по неа. Современиот грчки, кој се разликува во многу погледи од старогрчкиот се уште е препознатлив како ист јазик (со мали разлики), активно е зборуван од околу 12 милиони луѓе ширум светот, повеќето од кои живеат во Грција. Грчкиот јазик традиционално се пишува со посебната грчка азбука - првата азбука што воведува самогласки. Грчката азбука постои од 9 век п.н.е. [се бара извор]
[уреди] Карактеристики
Грчкиот јазик има комплексна граматика. Таа вклучува девет глаголски времиња, четири падежи (Номинатив, Акузатив, Генитив и Вокатив) и три рода (машки, женски и среден). Карактеристично за именките во грчкиот јазик е што тие секогаш се пишуваат со соодветниот член за родот на кој таа именка припаѓа. Дури и множинските форми имаат различна форма на членот во зависност од родот, слично на албанскиот јазик (за разлика од некои индо-европски јазици како германскиот во кој членот на множинската форма е ист за сите родови). Исто така личните заменки во трето лице еднина и множина варираат во зависност од родот.
[уреди] Извори
- ↑ 1,0 1,1 „Greek“. Канцеларија на Високиот Комесар за човекови права. http://www.unhchr.ch/udhr/lang/grk.htm. Пребарано на 2008-12-08.
- ↑ 2,0 2,1 2,2 „Листа на декларации во врска со одредбата No. 148“. Совет на Европа. http://conventions.coe.int/Treaty/Commun/ListeDeclarations.asp?NT=148&CM=8&DF=23/01/05&CL=ENG&VL=1. Пребарано на 2008-12-08.
- ↑ „Интервју со Азиз Тамојан, Национална Унија на Језиди“. groong.usc.edu. http://groong.usc.edu/orig/ok-20040916.html. Пребарано на 2008-12-08.
