Црногорски јазик

Од Википедија, слободната енциклопедија
Прејди на: содржини, барај
Црногорски јазик
Crnogorski jezik
Застапен во  Црна Гора
 Албанија
 Србија
Подрачје Балкан
Говорници околу 144.838 луѓе  
Јазично семејство
Статус
Службен во  Црна Гора
Регулативен орган Одбор за стандардизација на црногорскиот јазик
Јазични кодови
ISO 639-2 sla
ISO 639-3
srp

Црногорскиот јазик (црногорски: Crnogorski jezik) е јужнословенски јазик и една од стандардните норми на српскохрватскиот јазик. Јазикот е официјален во Црна Гора. Црногорскиот се заснова на ијекавското-штокавско наречје. Неговото стандардизирање всушност започнува во 2005 година. Во времето на СФРЈ за официјален јазик во Црна Гора бил сметан српско-хрватскиот јазик. Со распадот на СФРЈ, а со тоа и на српско-хрватскиот јазик како официјален, во новосоздадените држави како официјални се воведуваат јазиците наречени според нацијата, па така како официјалниот јазик бил наречен „српски јазик од ијекавското наречје“.

Кодификација[уреди]

Во јануари 2008 година, владата на Црна Гора составила Одбор за стандардизирање на црногорскиот јазик, чиј главна цел била стандардизација на јазикот според меѓународните норми. Понатамошните документи, после верификацијата, станале дел од образовната програма на црногорското образование.

Првиот црногорски стандард бил официјално предложен во јули 2009 година. Покрај веќе стандардизираната форма на српскохрватскиот, со новиот предлог се опфаќале две нови букви, односно се предложиле буквите ‹ś› и ‹ź› како замена за диграфите ‹sj› и ‹zj›. Одборот првично предложил два предлога, но владата не ги прифатила, но сепак бил прифатен третиот предлог на Одборот. На 21 јуни 2010 година Советот за општо образование ја прифатил првата граматика на црногорскиот јазик.

Дијалекти[уреди]

Црногорскиот јазик има два дијалекта, дел од штокавското наречје. Дијалектите на црногорскиот јазик се:

  • Источнохерцеговски дијалект - се зборува во западниот и северозападниот дел од земјата
  • Зетско-јужносанџачки дијалект - се зборува во остатокот од земјата

Азбука[уреди]

Crystal Clear app xmag.svg Главна статија: „Црногорска азбука.

Црногорската азбука е двописен систем, односно официјално двете писма и кирилицата и латиницата уживаат еднаков статус, но латиницата доста повеќе се користи. Азбуката била усвоена на 9 јуни 2009 година од министерот за образование на Црна Гора Сретен Шкулетиќ[1]. Оваа азбука ги заменила српскохрватската латиница и кирилица.

Латиница
Aa Bb Cc Čč Ćć Dd Dždž Đđ Ee Ff Gg Hh Ii Jj Kk Ll Lj lj Mm Nn Nj nj Oo Pp Rr Ss Šš Śś Tt Uu Vv Zz Žž Źź
Кирилица
Аа Бб Вв Гг Дд Ђђ Ее Жж Зз З́з́ Ии Јј Кк Лл Љљ Мм Нн Њњ Оо Пп Рр Сс С́с́ Тт Ћћ Уу Фф Хх Цц Чч Џџ Шш
Македонски изговор и распоред
а б в г д ѓ е ж з зј и ј к л љ м н њ о п р с сј т ќ у ф х ц ч џ ш

Наводи[уреди]

Видете исто така[уреди]

Надворешни врски[уреди]