Кирилица
Од Википедија
|
|||||||||||||||||||||||
Кирилица е азбука што се користи за пишување кај шест природни словенски јазици: (белоруски, бугарски, македонски, руски, српски и украински) како и многу други јазици од поранешниот Советски Сојуз, којшто се наоѓаат во Азија и Источна Европа. Секој од овие јазици има своја посебна верзија на азбуката, односно има разлики во азбуката кај секој од овие јазици.
[уреди] Историја на словенската писменост
Почетоците за Словените да имаат своја азбука биле од причината словените да можат да имаат богослужба на својот словенски јазик. Пред создавањето на кирилицата, богослужбата се вршела на туѓи, неразбирливи јазици како грчкиот или латинскиот. Составувачи на првата словенска азбука - Глаголица се Кирил и Методиј, кои имале и мисионерско - просветителска дејност во повеќе словенски земји. На наше, македонско тло била создадена кирилицата. Впрочем модерната кирилица е составена од нивните ученици Свети Климент Охридски и Свети Наум Охридски, од Охрид, тогаш во Царство Бугариjа, кои ја модифицирале и поедноставиле тогашната глаголица и новата видоизменета азбука во чест на Свети Кирил го добила името кирилица.Таа е составена од 44 букви
[уреди] Македонска кирилица
Македонската кирилична азбука е составена во 1945 година под налог на АСНОМ. Има 31 буква и е најслична со српската кирилична азбука со исклучок на буквите Ѕ, Ќ и Ѓ. Македонскиот јазик има едно единствено писмо а тоа е кирилицата. За разлика од некои други јазици коишто имаат своја верзија и на латиничното писмо македонскиот ја нема. Затоа единствена официјална азбука на македонскиот јазик е кирилицата.
Македонската кирилица ги содржи следниве букви (гласови):
- А а Б б В в Г г Д д Ѓ ѓ Е е Ж ж З з Ѕ ѕ И и
- Ј ј К к Л л Љ љ М м Н н Њ њ О о П п Р р
- С с Т т Ќ ќ У у Ф ф Х х Ц ц Ч ч Џ џ Ш ш
