21 јуни

21 јуни е 172-риот ден во годината според григоријанскиот календар (173-ти во престапна година). Остануваат 193 дена до крајот на годината. Исто така е најдолг ден во годината на северната хемисвера, односно најкраток на јужната. И започнува летото, односно зимата.

Во астрономијата - вообичаената дата на која настапува сончева пресвртница, односно денот на кој сонцето изгледа како да седи во место.

Во астрологијата - првиот цел ден на хороскопскиот знак рак.

Настани:

1818	Рене Лаенек, француски научник, во Париз, пред околу 30 лекари го прикажа својот пронајдок: првата слушалка за поставување дијагноза кога се во прашање срцеви и белодробни болести - стетоскопот.
1935	Во Париз (од 21 јуни до 25 јуни) е одржан Првиот меѓународен конгрес на писателите, на кој е решено да се основа Меѓународно здружение на писателите за одбрана на културата.
1963	Франција ги повлече поморските сили од НАТО.
1990	Во Унгарија повторно е отворена берзата, по 42 години откако беше затворена со одлука на комунистичката влада која ја презеде власта по Втората светска војна.
1994	Република Македонија и Република Киргистан воспоставија дипломатски односи на ниво на амбасади.
1994	Почна пописот на населението, домакинствата и на земјоделските стопанства во Република Македонија.
1996	Република Македонија и Туркменистан воспоставија дипломатски односи на амбасадорско ниво.

Родени:

1002	Папа Лав IX, римски папа.
1905	Жан Пол Сартр, француски филозоф и писател.
1954	Бранко Цветкоски, македонски поет.
1961	Ману Чао, француски пејач.
1982	Вилијам, војвода од Кембриџ.

Починале:

1377	Едвард III, англиски крал.
1874	Јонас Ангстрем, шведски физичар и астроном.
1949	Јохан Фридрих Хегер, германски архитект.
2003	Данка Сирфова, македонска оперска пејачка.