Бранко Цветкоски

Бранко Цветкоски (Слатино, Охридско, 21 јуни 1954) е македонски поет, литературен критичар, есеист и преведувач.

Биографија

Бранко (Крстев) Цветкоски е роден е на 21 јуни 1954 годинa во с. Слатино, Дебарца, Република Македонија. Завршил Филолошки факултет на универзитетот во Скопје. Бил новинар во „Нова Македонија”, главен уредник на Книгоиздателството „Култура“, секретар на Друштвото на писателите на Македонија, претседател на „Рациновите средби”, директор на Македонскиот народен театар, уредник и главен уредник на списанието „Стремеж“ од Прилеп, еден е од основачите на Балканската книжевна фондација „Балканика“, основач, директор и главен уредник на Издавачката куќа „Макавеј“ од Скопје, уредник-продуцент во Македонската информативна агенција (МИА). Сега е директор на Градската библиотека „Браќа Миладиновци“ во Скопје. Живее и работи во Скопје. Член е на Македонскиот ПЕН центар и на Друштвото на писателите на Македонија, почесен член Сојузот на бугарските писатели, член на Словенската литературна и уметничка акдемија и нејзин кординатор за Македонија. Учествувал на книжевни фестивали, книжевни средби и на собири на интелектуалци во: Бугарија, Турција, Грција, Албанија, Србија, Босна и Херцеговина, Хрватска, Словенија, Германија, Италија, Романија, Молдoва, Русија, Полска, Кина, Црна Гора, Словачка, Чешка, Азербејџан, Украина, Шведска.

Литературно творештво

• Свијок (поезија, 1981)
• Високи ветрови (поезија, 1985)
• Пластови и глас (критики, 1989)
• Пресна пепел (поезија, 1990),
• Возбудени македонски дијалози (интервјуа, 1990)
• Подарена сол (избор поезија, 1991)
• Обетки од ѕвезди (поезија за деца, 1991)
• Дела и доблести (критики и есеи, 1992)
• Молитвен веј (поезија, 1993)
• Не отвора секогаш тој - зборот (тематски број на Стремеж, 1993)
• Небесни места (аудио касета, 1996)
• Критички загледувања (критики и есеи, 1996)
• Повисоко од животот (критики и есеи, 1997)
• Синори (поезија, 1998)
• Ноќник (избор поезија, 1998)
• Ек и одек (критики и есеи, 1999)
• Името. Родот. Имотот (поема, 2000)
• Скрб (поезија, 2003)
• Имиња и теми (критика и есеи, 2004)
• Земја за зобање (поезија, 2006)
• Вечноста и мигот (критика и есеи, 2008)
• Стреа на ветровите (избор поезија, 2009)

Препеви и преводи

• Далеку во нас, избор од поезијата на Васко Попа, 1994;
• Земна светлина, избор од поезијата на Миле Стоиќ, 1988;
• Вечерен праг, избор од поезијата на Петар Караангов, 1999;
• Историја на Византија (од Г.Острогорски, коавтор), 1992.
• Историја на стариот Рим (од Н.А. Машкин, коавтор),1995;
• Пресудни настани, избор од поезијата на Анте Стамаќ, 2000;
• Метафизика на самракот, избор од поезијата на Радмила Лазиќ, 2001;
• Кога господ одеше по земјата, од Никола Радев, 2003;
• Балада за љубовта од Димитар Христов, 2004;
• Лажни времиња, од Васил Кинов, 2004;
• Законите на љубовта, од Евгенија Јорданова, 2004;
• Небесни пасишта од Милена Караангова, 2005;
• Страв, од Тошо Тошев, 2005;
• Цената, од Марко Семов, 2005;
• Остар зрак, од Иван Есенски, 2005;
• Провиденија, од Владимир Луков, 2006;
• Отворен круг, од Петар Андасаров, 2006;
• Бакнеж во пештера, од Венко Евтимов, 2006,
• Благословена, од Иван Дочев, 2006;
• Молитва за Македонија, од Евтим Евтимов, 2007;
• Крстопат на ветровите, од Николај Шопов, 2007;
• Небесна и земна, од Иван Гранитски, 2009;
• Живи ѕвезди, од Николај Шопов, 2008;
• Голи Оток - остров на смртта, од Венко Марковски, 2009;
• Медот на поезијата, од Роза Бојанова, 2009;
• Камен во погрешни раце, од Срба Игњатовиќ, 2009;
• ИЗБОР од поезијата на Љубомир Левчев, носител на Златен венец на Струшките вечери на поезијата, 2010;
• Каприциозната игра на времињата од Љубомир Левчев, 2011;
• Жестокиот прстен од Гео Милев, 2011;
• Линија на времето од Максим Замшев, коавтор, 2011;
• Кафе носталгија од Миле Стоиќ, 2012;

Награди и признанија

• „Млад Борец“, Награда на истоимениот весник, за дебитантската книга Свијок, 1982;
• „Браќа Миладиновци“, Национална награда на Струшките вечери на поезијата, за стихозбирката Молитвен веј, 1993;
• „Златно перо“, награда на Сојузот на литературните преведувачи на Македонија, за препевот на поезијата на Васко Попа, 1994;
• „Григор Прличев“, Награда за најдобра поема, за текстот „Името.родот.имотот“, 1999;
• „Христо Ботев“, Меѓународната награда „за творечки опус и за придонес во зачувувањето на мирот и духовната комуникација на Балканот,во Европа и во светот“, Враца - Софија, 2000.
• „Наџи Нааман“, Либанска меѓународна книжевна награда, за поетски опус од европски автор, 2004.
• „Орфеева лира“, Награда на истоимената Европска академија за култура од Р. Бугарија, 2005.
• „Григор Прличев“ – Награда на Сојузот на литературните преведувачи за најдобро преведена книга во 2007 година, за препевот на збирката „Крстопат на ветровите“ од бугарскиот поет Николај Шопов, 2008.
• „Димитар Митрев“ - Награда за критика и есеистика на Друштвото на писателите на Македонија, 2009.
• „Шахмар Акперзаде“ (меѓународна книжевна награда на Азербејџан,2009.
• „Европски Орден за заслуги во културата и уметноста“, (Совет за општествени награди на Обединетите Нации, Женева,2009.
• „Свети Климент Охридски“, највисоко општествено признание за долгогодишни остварувања во областа на културата и уметноста од интерес за Република Македонија, 2009.
• Орден "Владимир Мајаковски", високо меѓународно признание "за придонес во светската литература“ на Московската организација на Сојузот на писателите на Русија, 2011.
• Главната награда „Летачко перо“ на Петтиот меѓународен поетски фестивал на словенските земји „Славјанска прегратка“, Варна, 2011.
• Орден „Златна есен - Сергеј Есенин“, признание на Сојузот на руските писатели (Московска организација), 2012.

Книги на други јазици

• Heavenly places (поетски избор на англиски јазик),1993;
• Tagmeza songo (поетски избор на есперанто),1993;
• Toprak canaklar (поетски избор на турски јазик), 1994;
• Lutja puhize (на албански јазик),1993;
• Adiere de molitva (поетски избор на романски јазик), 1995;
• Небеска места (поетски избор на српски јазик), 1997;
• Пресна пепел (поетски избор на бугарски јазик), 1999;
• ΑΝΑΤΟΛΙΚΗ-ΝΥΗΤΑ(поетски избор на грчки јазик), 2001;
• Името. Родът. Имотът (на бугарски јазик), 2002;
• Молитвени дашак (поетски избор на српски јазик), 2002;
• Небесни места (поетски избор на арапски јазик), 2004,
• Стреха на ветровете (поетски избор на бугарски јазик) 2008.
• Прататковината на ветровите (поетски избор на азерски јазик), 2008,
• Obrazy v obłokach (поетски избор на полски јазик), 2010,
• Небесни места (поетски избор на арапски јазик) Надвах пресс, Каиро, 2010;
• Источна ноќ (поетски избор на украински јазик), 2010,
• Поворот (поетски избор избор на руски јазик), Москва,2010.
• Under the eaves of the vinds (поетски избор на англиски јазик) СВП, Струга, 2011;

Наводи

Македонска книжевност