Марина Мијаковска
| Марина Мијаковска | |
 |
|
| Македонската поетеса Марина Мијаковска рецитира на Струшките Вечери на Поезијата | |
| Роден | 8 јули 1984 Скопје, Македонија |
|---|---|
| Занимање | Поетеса, есеист и книжевен критичар. |
Марина Мијаковска (8 јули 1984, Скопје, Македонија) е македонска поетеса, есеист и книжевен критичар.
[уреди] Биографија
Во 2007 година Мијаковска дипломира на Филолошкиот факултет „Блаже Конески“, на Катедрата за општа и компаративна книжевност. Истата година посетува предавања од областа на родовите студии во истражувачкиот центар за родови студии „ЕвроБалкан“ Скопје.
Во 2008 година завршува обука за административно работење и се стекнува со психолошка-педагошка и методиска доквалификација на Филозофскиот факултет.
Пишува поезија, есеи и книжевни критики. Неколку години по ред објавува текстови во „Наше писмо“, „Мираж“, „Репер“ и други списанија. Моментално е на постдипломски студии на истата катедра на Филолошкиот факултет.
Во 2009 работи како административен работник во приватна компанија. Во Јуни 2010 е интервјуер на фокус групи на проектот „Индекс на социјална инклузија на локално ниво“, организиран од институтот „Евробалкан“. Активно е вклучена во активности поврзани со проценка на еднаквоста на пристапот о правичната распределба на локални услуги.
Мијаковска учествува на „Струшките вечери на поезијата 2010“ во Ноќ без интерпункција - поетски вечери на млади поети. Истата година ја издава совјата прва книга поетската збирка „Номадска душа“, во издание на „Антолог“.
Во мометот работи на својата магистарска теза и е во подготовка на својата втора книга - Есеи и книжевни критики.
[уреди] Творештво
Автор е на поетската збирка „Номадска душа“, објавена во 2010 година, во издание на „Антолог“.
