Круг

Илустрација на круг

Во Евклидовата геометрија, кружница е множество од сите точки во рамнината кои се наоѓаат на еднакво растојание, наречено радиус, од дадена точка, наречена центар. Кружницата е проста затворен крива, која ја дели рамнината на внатрешен и надворешен дел. Внатрешноста заедно со самата кружница се нарекува круг.

Во x-y координатен систем, кружница со центар во (a, b) и радиус r е множеството од сите точки (x, y) такви што

$\left( x - a \right)^2 + \left( y - b \right)^2=r^2$.

Ако кружницата има центар во координатниот почеток (0, 0), тогаш оваа формула добива упростен облик

x² + y² = r².

Кружницата со центар во координатниот почеток и со радиус 1 се нарекува единична кружница.