Влада Урошевиќ
 |
Оваа статија не наведува никакви извори. (август 2010) Ве молиме помогнете со тоа што ќе додадете наводи до веродостојни извори. Непроверливата содржина може да биде изменета или отстранета. |
Влада Урошевиќ е поет, раскажувач, романсиер, книжевен и ликовен критичар, есеист, антологичар и преведувач.
[уреди] Основни биографски податоци
Роден е во Скопје во 1934 година. Завршил Филозофски факултет во Скопје. Докторирал на Филолошкиот факултет „Блаже Конески“ во Скопје во 1987 година. Работел како соработник и уредник на Редакцијата за култура и уметност на Телевизија Скопје. Во 1982 година е избран за доцент на Катедрата за општа и компаративна книжевност на Филолошкиот факултет во Скопје, на кој од 1988 година е редовен професор. Бил уредник на списанието „Разгледи“. Дописен член на меѓународната „Академија Маларме“ во Париз и редовен член на Европската поетска академија со седиште во Луксембург. Член на МАНУ. Член на Македонскиот ПЕН центар. Член на ДПМ од 1961 година.
Еден од најзначајните претставници на македонскиот модернизам, фокусиран врз истражување на чудесното, фантастичното и надреалното.
Добитник е на наградите: „Браќа Миладиновци“ (1967, 1973 и 1986), „Григор Прличев“ (1974 и 1989), „Рациново признание“, „Кирил Пејчиновиќ - Тетоец“, „Младост“, „Нолит“, наградата на Турскиот ПЕН „Халид Един Адивар“ (2007) и „Стале Попов“ (2006).
За своите преводи на најзначајните француски поети од 19 и 20 век именуван е од страна на француската Влада за витез од Редот на уметноста и литературата (1987).
[уреди] Литературно творештво
- Еден друг град (поезија, 1959)
- Невиделица (поезија, 1962)
- Вкусот на праските (роман, 1965)
- Манекен во пејзажот (поезија, 1967)
- Летен дожд (поезија, 1967)
- Знаци (раскази, 1969)
- Врсници (критики и есеи, 1971)
- Ноќниот пајтон (раскази, 1972)
- Ѕвездена терезија (поезија, 1973)
- Нуркачко ѕвоно (поезија, 1975)
- Сонувачот и празнината (поезија, 1979)
- Мрежа за неуловливото (критики и есеи, 1980)
- Лов на еднорози (раскази, 1983)
- Компасот на сонот (поезија, 1984)
- Нишката на Аријадна (критики и есеи, 1985)
- Хипнополис (поезија, 1986)
- Подземна палата (есеи, 1987)
- Демони и галаксии (студија, 1988)
- Панична планета (поезија, 1989)
- Алдебаран (записи и патописи, 1991)
- Митската оска на светот (критики и есеи, 1993)
- Ризиците на занаетот (поезија, 1993)
- Мојата роднина Емилија (роман, 1994)
- Паники (поезија, 1995)
- Дворскиот поет во апарат за летање (роман, 1996)
- Париски приказни (записи и патописи, 1997)
- Астролаб (критики и есеи, 2000)
- Дива лига (роман, 2000)
- Невестата на змејот (роман-бајка, 2008)
Антологии:
- Црниот бик на летото (1963)
- Француска поезија - ХХ век (1972)
- Црна кула (1976)
- Современа македонска поезија (на српскохрватски, 1978)
- Космос в амбар (на холандски јазик, 1980)
- Кула (на узбечки јазик, 1981)
- Големата авантура: францускиот надреализам (1993)
- Шуми под море (кратката прозна форма во француската литература, 1994)
- Златна книга на француската поезија (1996)
- Седум француски поети (2001)
- Избрани дела (2004)
[уреди] Наводи
- Л. Капушевска - Дракулевска, Во лавиринтите на фантастиката: фантастичниот расказ во македонската литература, Магор, Скопје, 1998
- В. Јанковски, Огледало за загатката: разговори со Влада Урошевиќ, Сигмапрес, Скопје, 2003
- Н. Поповска, Промовирани избрани дела во десет тома на Влада Урошевиќ, Утрински весник, 16 октомври 2006 (пристапено на 6 ноември 2009).
