Порторико (шпан. Puerto Rico = богато пристаниште) е остров во Карипското Море и територија на САД со комонвелтски статус. Островот е најмал од Големите Антили и се наоѓа источно од Доминиканската Република, а западно од Девствените Острови. Главен град е Сан Хуан.
[уреди] Историја
Кристофер Колумбо го открива островот Порторико при своето второ патување во 1493 година, по што тој станува дел од шпанските колонии. Во текот на Шпанско-американската војна, САД го освојува островот и на 10 декември 1898 година го анектира. Во 1917 година Порторико добива внатрешна автономија, а на 25 јули 1952 година добива комонвелтски статус.
На референдум во 1967 и 1993 година граѓаните на Порторико се изјаснија против независност на островот од САД, а на референдумот од 1998 година се изјаснија и против редефинирање на комонвелтскиот статус на Порторико кој би значел поголема автономија во однос на САД.
