Гренада

*Grenada*
Гренада
Grenada; Гренада
Знаме	Грб
	Гесло: “Ever Conscious of God We Aspire, Build and Advance as One People”
	Химна: Hail Grenada; Кралска химна: God Save the Queen
Главен град	Сент Џорџ; 12°03′ СГШ 61°45′ ЗГД /
Најголем град	главниот град
Службен јазик	англиски, патоа
Народности	82% црнци, 13% мешани, 5% бели и останати
Демоним	Гренаѓанец
Уредување	уставна монархија
Законодавство	Собрание
независност од Велика Британија
Површина
Население
БДП (ПКМ)	проценка за 2008
БДП (номинален)	проценка за 2008
ИЧР (2007)	▲ 0.813 (висок) (74-та)
Валута	Долар (XCD)
Часовен појас	(UTC−4)
Се вози на	лево
НИД	.gd
Повик. бр.	+1-473

Не ја поистоветувајте со градот Гранада. За други значења видете ја страницата за појаснување.

Гренада (англиски: Grenada) е островска држава во Средна Америка, дел од Карипските Острови Мали Антили. Државата е составена од најголемиот остров Гренада и уште шест островчиња дел од островската група Гренадини, од кои остатокот припаѓаат на Свети Винсент и Гренадини. Источно од државата се наоѓа Карипското Море, додека западно од неа се наоѓа Атлантскиот Океан.

Гренада има вкупна површина од 344 километри квадратни каде живеат околу 110.000 жители. Главен град на Гренада е Сент Џорџ и официјални јазици се англиски јазик и патоа. Северно од Гренада се наоѓа државата Свети Винсент и Гренадини, додека пак јужно се наоѓа Тринидад и Тобаго.

Етимологија [уреди]

За името на Гренада има пишани докази уште од првото доаѓање на Кристофер Колумбо на островот во 1498 година. Тој го именувал островот како „Консепсион“. Малку е познато како се променило името од Консепсион во Гренада, но се верува дека шпанските морепловци започнале да го именуваат островот според шпанскиот град Гранада.

Историја [уреди]

Главна статија: „Историја на Гренада“.

Географија и клима [уреди]

Карта на Гренада.

Главна статија: „Географија на Гренада“.

Државата е составена од неколку острови. Најголем остров е островот Гренада, додека останатите се помалу. Сите острови, освен Гренада се дел од островската група Гренадини. Остатокот од островите на Гренадини се дел од државата Свети Винсент и Гренадини, а во склоп на Гренада се: Каријаку, Ронде, Каил, Дајмонд, Голем Остров, Салин и Фригат. Најголем дел од населението на државата живее на островот Гренада. Најголеми градови каде има поголема концентрација на население на островот Гренада се Сент Џорџ, Гренвил и Гујав. Најголеми населени места на останатите острови се Хилсбороу и Каријаку.

Островите се со вулканско потекло и поради тоа почвата е доста богата. Највисок врв во државата е Маунт Сент Кетрин со 840 метри. Климата во државата е тропска. Вкупната површина на земјата изнесува 344 километри квадратни каде живеат околу 110.000 жители. Главен град е Сент Џорџ.

Национални симболи [уреди]

Индиски орев.

Национално...	симбол
јадење	Оил даун
животно	ној
симбол	индиски орев
пијалок	рум
спорт	крикет
птица	Гренаѓански гулаб
песна	Grenada May God Bless You

Политички систем [уреди]

Главна статија: „Политики на Гренада“.

Гренада е уставна монахија и на чело на државата е кралицата Елизабета II. Кралицата во Гренада е претставена од генралниот генерал, кој моментално на оваа позиција е Карлил Глин. Извршната власт во државата е во рацете на владата, односно премиерот на Гренада. Иако е назначен од страна на гувернерот, премиерот најчесто е и лидер на најголемата политичка партија во собранието на Гренада.

Собранието на Гренада е дводомно, односно се состои до сенат со капацитет од 13 членови и Претставнички дом со капацитет од 15 членови. Сеноторите се назначени од страна на владата и опозицијата, додека претставниците во Домот се избрани на избори за петгодишен мандат.

Економија [уреди]

Главна статија: „Економија на Гренада“.

Со економските и фискалните реформи во државата се забележал годишен економски пораст од 5 до 6%. Туризмот е голема економска гранка во државата. Официјална валута на Гренада е источнокарипскиот долар и заедно со уште седум карипски држави се дел од заедничка централна банка.^[4]

Гренада се нарекува „островот на зачините“ бидејќи таа има големо производство на различни зачини, особено на индиски орев, каде 20% од светкото производство доаѓа од Гренада. Како дел од туризмот, популарни се водните спортови, но во последно време и екотуризмот е во подем во државата.

Административна поделба [уреди]

Парохии во Гренада.

Главна статија: „Административна поделба на Гренада“.

Гренада е поделена на 6 парохии. Парохиите на Гренада се:

Парохии

Зависни области

Каријаку и
Петит Мартиник

ГРЕНАДА

Демографија [уреди]

Училиште во Гренада.

Главна статија: „Демографија на Гренада“.

Голем дел од населението се со африканско потекло, луѓе кои биле донесени од Африка како работници на плантажите. Покрај нив има и староседелско население, но и мал број на Индијци и белци. Вкупното население е околу 110.000 жители.

Гренада, како и останатите карипски острови, се соочува до голем процент на миграција, каде се верува дека двојно повеќе Гренаѓани од населението на државата живеат во странство.

Официјален јазик во Гренада е англискиот јазик, но јазикот патоа се смета за лингва франка во државата, кој пак се зборува само од 10 или 20 % од населението. Скоро целото население во државата се Христијани.

Култура [уреди]

Карневал од 1965.

Главна статија: „Култура во Гренада“.

Иако француската култура е помалки видлива одошто кај останатите карипски острови, во Гренада се зачувани француските топоними и секојдневниот јазик има примеси од францускиот. Француската култура е повеќе видлива во кулинарството и облеката, но има и малку зачувана француска архитектура од 1700-те. Целокупната култура на островите е под силно влијание на африканската.

Наводи [уреди]

↑ „Government of Grenada Website“. http://www.gov.gd. проверено на 2007-11-01.
↑ https://www.cia.gov/ Grenada factbook
↑ ^3,0 ^3,1 ^3,2 ^3,3 „Grenada“. International Monetary Fund. http://www.imf.org/external/pubs/ft/weo/2009/02/weodata/weorept.aspx?sy=2006&ey=2009&scsm=1&ssd=1&sort=country&ds=.&br=1&c=328&s=NGDPD%2CNGDPDPC%2CPPPGDP%2CPPPPC%2CLP&grp=0&a=&pr.x=56&pr.y=19. проверено на 2009-10-01.
↑ http://www.oecs.org/

Видете исто така [уреди]

Надворешни врски [уреди]

Најдете повеќе за Grenada на збратимените проекти на Википедија
	Дефиниции и преводи од Викиречник
	Податотеки од Заедничката ризница
	Образовни ресурси од Викиуниверзитет
	Новинарски известувања од Викивести
	Цитати од Викицитат
	Изворни текстови на Викиизвор
	Прирачници на Викикниги
	Информации за патување во Википатување